٦ شوكولاطات انقرضت

فاكرين زمان لما كنا بنقعد يوم الخميس قدام مسرحية لفؤاد المهندس؟ و بنقزقز في بسكوت ماري القديم و
بنبوِّشها في شاي بلبن؟ كان حلو قوي البسكوت ده.. إيه البسكوت السيس اللي عاملينه ماري دلوقتي ده؟
فين ماري بتاع زمان؟؟

في نفس زمن بسكوت ماري الجميل كان فيه شوية شوكولاطات برضه كنا بنجيبهم واحنا معديين ع الكشك
بعد المدرسة.. قبل ما تطل علينا جالكسي و اخواتها.

١. بيمبو

كان بسكوتة متغطية بشوكولاطة، من كتر ما البسكوتة دي أثرت في الناس بعد سنين من اختفائها من السوق الناس عملوا صفحة ع الفيسبوك اسمها »ذكرايات بيمبو.«
www.facebook.com/Bimbo.Memories

٢. ستار

و مين نفسه مش هفّاه على ستار من ساعة ماختفت هي كمان؟

٣. الشمعدان

وللهِ ولا أجدعه Wafer ممكن يملى فراغك يا شمعدان.

٤. كورونا

أنا شخصيًا ما دقتهاش عمري، بس مين يقدر ينسى إعلان كوڤرتينا يعني؟

٥. كوڤرتينا

أنا شخصيًا ما دقتهاش عمري، بس مين يقدر ينسى إعلان كوڤرتينا يعني؟

٦. شوكو پاستو

تقليد شوية للبيمبو بس كانت حوار برضه.

فيه ٣ اسئلة بيدوروا في دماغي كل ما بقلِّب في الذكرايات.. هل سيعود زمن شوكولاطات زمان؟ هل سيعود
زمن بسكوت ماري القديم؟ و همَّ ليه بطلوا يذيعوا مسرحيات فؤاد المهندس كل يوم خميس بالليل ع
القناة التانية؟