Mafysh - مفيش » لينا الديب https://mafysh.ballistichq.com Fri, 02 Sep 2016 12:24:17 +0000 ar hourly 1 https://wordpress.org/?v=4.0.38 خريطة مصر على مدى العصور من الفراعنة للملك فاروق https://mafysh.ballistichq.com/%d8%ae%d8%b1%d9%8a%d8%b7%d8%a9-%d9%85%d8%b5%d8%b1-%d8%b9%d9%84%d9%89-%d9%85%d8%af%d9%89-%d8%a7%d9%84%d8%b9%d8%b5%d9%88%d8%b1-%d9%85%d9%86-%d8%a7%d9%84%d9%81%d8%b1%d8%a7%d8%b9%d9%86%d8%a9-%d9%84%d9%84/ https://mafysh.ballistichq.com/%d8%ae%d8%b1%d9%8a%d8%b7%d8%a9-%d9%85%d8%b5%d8%b1-%d8%b9%d9%84%d9%89-%d9%85%d8%af%d9%89-%d8%a7%d9%84%d8%b9%d8%b5%d9%88%d8%b1-%d9%85%d9%86-%d8%a7%d9%84%d9%81%d8%b1%d8%a7%d8%b9%d9%86%d8%a9-%d9%84%d9%84/#comments Sat, 13 Jun 2015 11:05:43 +0000 http://mafysh.ballistichq.com/?p=2069 ! خريطة مصر كانت في تغيير مستمر منذ زمن الفراعنة لحد العصر الملكي.

قبل ٣٥٠٠ ق. م.

لسه في اللحظة دي ما كانش اتكون فكرة الدولة عند الشعب، كانت مصر قبلي. قوات من شيوخ القبائل دي
بدءوا يتجمعوا حوالين المنطقة الوسطى من وادي النيل. دور الشيوخ دول إنهم يوظفوا و يتحكموا في النيل و
الفيضان. و طبعًا الحكاية دي كانت بتشمل آلاف من الناس اللي كان شيوخ القبائل بيتحكموا في معظم
! الحاجات في حياتهم.

egypt3500bc

٥٠٠ ق. م. – ٢٥٠٠ ق. م.

في الفترة دي تم تأسيس المملكة القديمة في مصر الفرعونية. عاصمة مصر ساعتها كانت ممفيس، اللي هي
كذا دلوقتي. و في الفترة دي برضه اتبنى الأهرامات التلاتة. و برغم إن الفترة دي ما كانتش أكتر الفترات تطورًا
في مصر الفرعونية لكنها اتسجلت في كتب التاريخ و علم الاجتماع كواحدة من أعظم الحضرات في العالم
! القديم.

egypt2500bc

٥٠٠ ق م – ١٥٠٠ ق م

هنا بقى بدأ تكوين المملكة الحديثة من مصر الفرعونية. و بسرعة قدروا يفرضوا سيطرتهم على سكان وادي
النيل للجنوب و الشرق و الغرب.

egypt1500bc

١٥٠٠ ق م – ١٠٠٠ ق م

في الفترة في بدأت الملامح تبان. الخريطة كانت ممتدة من الشام في الشمال للنوبا في الجنوب. مصر كانت
من القوى العظمى في العالم في الوقت ده. هنا تولى الحكم توت عنخ آمون و رمسيس التاني و اتبنى المعابد
! العظيمة اللي في وادي الملوك و الأقصر. بس من 1200 ق. م. بدأت الحضارة العريقة تنحدر شيئًا فشيئًا.

egypt1000bc copy

١٠٠٠ ق م – ٥٠٠ ق م

خسرت مصر هيمنتها في الوقت ده للغزو الفارسي و لغزوات تانية تابعة لبلاد تانية كتير.

egypt500bc

٥٠٠ ق م – ٢٠٠ ق م

بعد قرنين من التقلب في إيد الغازي الفارسي، جه الإسكندر الأكبر عشان يسحقهم و احتل مصر و بنى
الإسكندرية. بعد ما توفى في 323 ق. م. الحكم اتنقل ل بطليموس و أحفاده. عصر البطالمة ده اشتهر بالغنى و
أكتر الممالك الهلنستية تحضرًا و تنظيمًا. مع إن الطبقة الحاكمة كانت إغريقية أبًا عن جد و بيتكلموا إغريقي،
! لكنهم إحتفظوا الألقاب التقليدية الفرعونية و حتى بقوا يعبدوا الآلهة المصرية.

egypt200bc

٢٠٠ ق م – ٣٠ ق م

زي كل الممالك الهلنستية، خضعت مصر تحت الامبرطورية الرومانية بعد هزيمة كليوباترا الشهيرة في معركة
! أكتيوم البحرية في سنة ٣١ ق. م.

egypt30bc

٣٠ ق م – ٢٠٠ م

اسكندرية كانت مركز تجاري أوّلي في الامبراطورية الرومانية. باقي البلد كان يُعامل بالبلدي كعزبة الامبراطور.
و كان الاقتصاد متفصل على إنهم يطلعوا أكتر كم من الانتاج على بلاد الروم. مصر كانت ساعتها المصدر
! الأساسي للقمح للعاصمة الإمبراطورية.

egypt200ad

٠ م – ٥٠٠ م

مصر بقت مركز حيوي للمسيحية، و مركز للطوائف المسيحية اللي الجو مكهرب ما بينهم و بين الكنيسة الرسمية
! متمركزة في عاصمة الامبراطورية الرومانية الشرقية.

egypt500ad

٥٠٠ م – ٧٥٠ م

هنا بقى فترة الغزو العربي من بعد البيزنطيين. العاصمة هنا بقت الفسطاط، العرب تمركزوا فيها و فشلوا إنهم
! يمتزجوا مع المصريين لفترة معينة لأسباب عقائدية و ثقافية.

egypt750ad

٧٥٠ م – ٩٥٠ م

العصر ده شهد على دولتين حكم، دولة طولونية و دولة فاطمية. برغم الضغوط النفسية و المادية اللي كان
بيواجهها الأقباط إلا إن الأغلبية العظمى كانت لا تزال مسيحية. (و دي كانت حاجة مش مزعلة الحكام بسبب
! الضرائب الإضافية اللي كانوا بيدفعوها المسيحيين.)

egypt979ad

٩٧٩ م – ١٢١٥ م

في الأول قدروا الفاطميين على بناء دولة كبيرة مركزها مصر. الاقتصاد في عصرهم انتعش و ازدهرت مصر
ثقافيًا في الأدب و الفلسفة و العلوم. بعد كدا جه وقت الحروب الصليبية و صلاح الدين اخد مصر من الفاطميين
! في سكته و عمل الدولة الأيوبية.

egypt1215ad

١٢١٥ م – ١٤٥٣ م

الأيوبيين حاوطوا نفسهم بعبيد أتراك اسمهم المماليك. المماليك استغلوا أزمة كانوا بيمروا بيها الأيوبيين ع
السلطة، فبدأت نفوذهم تعلى و تعلى لغاية ما عينوا واحد منهم في ١٢٥٠ م. و من ساعتها مصر و شوية أجزاء
من سوريا كانوا تحت الحكم المملوكي. يمكن الحسنة الوحيدة للمماليك إنهم قضوا ع المغول.

egyptad1453

١٤٣٥ م – ١٦٤٨ م

في ١٥١٧ ، تم ضم مصر للدول العثمانية.

egypt1648ad

١٦٤٧ م – ١٧٨٩ م

المماليك رجعوا يحكموا مصر بس مش رسميًا، الزعامة كانت بتعترف بالسلطان العثماني. ما كانوش يقدروا
يكبروا عن كدا عشان كانوا في صراع داخلي مع بعضهم ماكانوش يقدروا يتحدوا ضد العثمانيين و هم بالحالة
! دي.

egypt1789ad

١٧٨٩ م – ١٨٣٧ م

هنا ابتدت الدولة العثمانية دي تعجِّز. فرنسا بقيادة نابوليون دخلت مصر في ١٧٩٨ و بريطانيا رجعت مصر
! للعثمانيين تاني في ١٨٠١ . و بعدين ظهر محمد علي، قتل المماليك، و بدأ يطور من مصر و يبني مدارس.

egypt1837ad

١٨٣٧ م – ١٨٧١ م

مد الخديوي اسماعيل الحدود لداخل السودان. و تم بناء أعظم مشروع هندسي في القرن ال ١٩ ، و هي قناة
!. السويس ١٨٦٩

egypt1871ad

م – ١٩١٤ م

الخديوي إسماعيل غرق مصر في الديون، الممول الغربي اللي أغلبه كان بريطاني تدخل و بريطانيا سيطرت
على إقتصاد مصر. قامت ثورة قادها عرابي ضد التدخل البريطاني نتجت عن ارسال بريطانيا لقوات مكافحة
شغب. و فجأة مصر لقت نفسها بدل ما كانت متسيطر على إقتصادها بس، بقت مُحتلة كاملةً من قبل الإنجليز
!. في ١٨

egypt1914

١٩١٤ م – ١٩٦٠ م

فترة الحرب العالمية التانية. بعد الحرب، الروح الوطنية العالية اللي رسختها ثورة ١٩ ، دفعت الاحتلال إنه
ينسحب من مصر سنة ١٩٤٧ بشرط إن تفضل القناة تحت سيطرتهم لفترة معينة. و في 1956 الاحتلال مشي
! كليًّا بعد ما الملك فاروق اتشال في انقلاب 52 و بقت – أخيرًا – جمهورية.

egypt_copy2

١٩٦٠ م – لدلوقتي

مافيش حاجة في خريطة مصر اتغيرت، اللي اتغير هو خريطة الاحتلال الاسرائيلي بعد الحرب.

egypt_copy4

مين اللي كان يتخيل إن الخريطة دي تبقى دي..
egypt3500bc

! تبقى دي في الآخر؟؟
egypt_copy4


مصدر الخرايط و المعلومات: timemaps.com

]]> https://mafysh.ballistichq.com/%d8%ae%d8%b1%d9%8a%d8%b7%d8%a9-%d9%85%d8%b5%d8%b1-%d8%b9%d9%84%d9%89-%d9%85%d8%af%d9%89-%d8%a7%d9%84%d8%b9%d8%b5%d9%88%d8%b1-%d9%85%d9%86-%d8%a7%d9%84%d9%81%d8%b1%d8%a7%d8%b9%d9%86%d8%a9-%d9%84%d9%84/feed/ 4 مقارنة بين مهنية الجرايد الأكثر قراءة في مصر https://mafysh.ballistichq.com/%d9%85%d9%82%d8%a7%d8%b1%d9%86%d8%a9-%d8%a8%d9%8a%d9%86-%d9%85%d9%87%d9%86%d9%8a%d8%a9-%d8%a7%d9%84%d8%ac%d8%b1%d8%a7%d9%8a%d8%af-%d8%a7%d9%84%d8%a3%d9%83%d8%ab%d8%b1-%d9%82%d8%b1%d8%a7%d8%a1%d8%a9/ https://mafysh.ballistichq.com/%d9%85%d9%82%d8%a7%d8%b1%d9%86%d8%a9-%d8%a8%d9%8a%d9%86-%d9%85%d9%87%d9%86%d9%8a%d8%a9-%d8%a7%d9%84%d8%ac%d8%b1%d8%a7%d9%8a%d8%af-%d8%a7%d9%84%d8%a3%d9%83%d8%ab%d8%b1-%d9%82%d8%b1%d8%a7%d8%a1%d8%a9/#comments Sat, 06 Jun 2015 16:56:45 +0000 http://mafysh.ballistichq.com/?p=2063 جورج أورويل، الله يرحمه و يبشبش الطوبة اللي تحت راسه، قال مرة إن الصحافة هي انك تنشر
حاجة حد تاني مش عايزها تتنشر، أي حاجة تانية تُعتبر علاقات عامة. شكل الشلة دي كلها
شغالة علاقات عامة.

و بما إن الحكومة شانّة حرب ع الصحافة الإلكترونية، تعالوا نمشي جنب الحيط و نلقي نظرة ع
الصحافة المطبوعة.

١. اليوم السابع

محترفين عناوين مالهاش علاقة بالموضوع و مانشيتات يتسع لها الأعين إندهاشًا. ده غير
الأخطاء الإملائية الهيستيرية. دول مش بس بيبيِّنوا انحيازهم، دول بيطبعوا عنصريتهم
كمان، طيب إحنا مالنا و مال كلاكيعكم مش فاهمة؟ اليوم السابع تصنف صحافة مستقلة،
بس لما يكون جوا بنتكلم عن قضية و الصفحة الأولى جايبين لي “سر عودة هالة سرحان”،
يبقى الجوْ قلب أصفر خالص.

٢. المصري اليوم

“تعتبر” من الصحافة النضيفة اللي باقية في مصر. مشكلتي الأساسية مع المصري اليوم
هي أعمدة نيوتن المصري. غير إن أراءه بتبقى هاشة و ساعات كتير بيلف و يدور و
يسوَّحني معاه، أنا مش فاهمة ليه مسمي نفسه نيوتن؟ ليه مش اسمه الطبيعي؟ حركة
لجذب القراء؟ طيب و فيه قراء بينجذبوا؟ طيب مخبي نفسه ليه؟ ده حتى أراءه محافظة جدًا
و مافيهاش قلق.. إيه الجو ده؟

masry-el-yom

٣. الوطن

أخت اليوم السابع، بس لحسن حظنا يومية مش اسبوعية. نفس العناويين المفرقعة و
! المانشتات الصارخة. و برضه تصنف بصحافة مستقلة، بقدرة قادر.

٤. الأهرام

كون إن فيه مؤسسات صحفية كاملة شغلها الأساسي هو التعبير عن الحكومة، و مش
جريدة واحدة لا دي جراااايد، و بلغات مختلفة لا يدل غير على إننا لسه محتلين بفكر
دراكوني متأصل مترسخ يا عالم هنخلص منه إمتى. ما علينا، الأهرام دونًا عن باقي جرايد
النظام، ليها تاريخ يُحترم و و يُقدَّر، بيحبوا ساعات يحشروا كلام إنشه و يشعِروا في
الوزراء قبل ما يصرحوا عن الخبر، بس ما يجراش حاجة عادي.

٥. أخبار اليوم

بعتبرها بنت الأهرام الصغيرة، نفس الكلام بس على مُبسَّط. واخدة نفس ستايل الصفحة
الأولى بتاعة اليوم السابع. عناوين و صور من غير كلام، صياعة. لو قارنّا أخبار اليوم
بالأهرام، فمعدل الأخبار أو المقالات اللي ليها علاقة مباشرة بالقارئ محدود الدخل أكتر
بكتير من الأخبار و المقالات اللي ليها علاقة بالسياسات و القرارات اللي بتتاخد في البلد.

٦. الجمهورية

عدد اليوم اللي بكتب فيها التدوينة دي، فاتحينها بمانشيت قااااد كدا هو “عودة وطن” و
صورة السيسي و هو مش واخد باله وسرحان في هموم الدنيا. احكموا انتم بقى!

watan

]]> https://mafysh.ballistichq.com/%d9%85%d9%82%d8%a7%d8%b1%d9%86%d8%a9-%d8%a8%d9%8a%d9%86-%d9%85%d9%87%d9%86%d9%8a%d8%a9-%d8%a7%d9%84%d8%ac%d8%b1%d8%a7%d9%8a%d8%af-%d8%a7%d9%84%d8%a3%d9%83%d8%ab%d8%b1-%d9%82%d8%b1%d8%a7%d8%a1%d8%a9/feed/ 0 ٥ أنواع من القرائب ع الفيسبوك https://mafysh.ballistichq.com/%d9%a5-%d8%a3%d9%86%d9%88%d8%a7%d8%b9-%d9%85%d9%86-%d8%a7%d9%84%d9%82%d8%b1%d8%a7%d8%a6%d8%a8-%d8%b9-%d8%a7%d9%84%d9%81%d9%8a%d8%b3%d8%a8%d9%88%d9%83/ https://mafysh.ballistichq.com/%d9%a5-%d8%a3%d9%86%d9%88%d8%a7%d8%b9-%d9%85%d9%86-%d8%a7%d9%84%d9%82%d8%b1%d8%a7%d8%a6%d8%a8-%d8%b9-%d8%a7%d9%84%d9%81%d9%8a%d8%b3%d8%a8%d9%88%d9%83/#comments Fri, 20 Mar 2015 21:22:53 +0000 http://mafysh.ballistichq.com/?p=1498 أي حد أمه أو أبوه مكسل أو مكبّر إنه يعمل حساب ع الفيسبوك يعرف إن عنده كنز. القرائب ع الفيسبوك أنواع، بس في كل الأحوال يعني ربنا يخليهم لنا.. الإحتياط واجب برضه ;)

١. أبو العُرّيف

ده نوع بيظهر في أغلب الوقت عند المراهقين اللي بيبالغوا في بوستاتهم. يعني مثلًا ولد كاتب: مافيش حد صالح كله بتاع مصالح، فتيجي طنط مشيرة تقول له: ليه بس كدا يا حبيبي؟ الدنيا مليانة ناس صالحة إنت لسه صغير ع اليأس ده..

مثال تاني، واحدة كاتبة مثلًا: هو الإنتحار حرام قوي يعني، ييجي عمو فوزي يقول لها: اسغفري ربنا إيه الكلام اللي انت كاتباه ده يا توتة؟ ربنا يخليكي و يهديكي.

و ما يخسَّرش برضه تلاقي أشباه طنط مشيرة عاملة لايك لتعليق عمو فوزي، و أشباه عمو فوزي يكون عامل لايك على تعليق طنط مشيرة.

٢. المركِّز

بيحب قوي يفهم إنت اللي بتكتبه ده معناه إيه، أو عايز تقول إيه.. يعني، لما تكتب بوست عميق كدا يروح كاتب لك: ؟ و يكون متوقع منك إنك تنزل بالشرح. بس طبعًا ما بيحصلش، فيلقُطك في أي تجمع عائلي و يفتح موبايله على بروفايلك و اتفضل اشرح لي البوست الفولاني و البوست العلاني، و لما صاحبك قال لك كذا كان قصده إيه… إلخ.

apo12AE_700b

٣. المخبر

النوع ده بقى شامل كبير و صغير، أخوك الصغير، خالك الكبير، عم أبوك.. كدا. كل ما تكتب حاجة مثلًا ضد الحكومة يروح قايل لابوك في قعدة حلوة كدا مع الأهل فتقوم الحفلة عليك. زوّغتي من الجامعة و خرجتي مع اصحابك و حد من أصحابك حط صورة و عمل لك tag، فأخوكي ولا أختك توريها للست الوالدة و ليلتك طين. على النغمة دي بقى.

٤. عين الحسود فيها عود

و النوع ده بيظهر في الصور البروفايل، تلاقي خالتك ولا عمتك حطة لك عين زرقاء كبيرة كدا، ولا تكون كاتبة: ما شاء الله و لا قوة إلا بالله، أو الله الحارس و ما يخسَّرش المعوذتين.

٥. الخاطبة

دي بقى بتعامل الفيسبوك كأنه الـ”بوك” بتاعها اللي بتحط فيها الآنسات لابن أختها حمادة اللي قلقانين عليه لينحرف و العُذَّاب لبنت أخوها مِرفت اللي “هتبور”.

و ياما ناس وصل بيهم لإنهم سابوا لهم الفيسبوك كله و مشيوا..

]]> https://mafysh.ballistichq.com/%d9%a5-%d8%a3%d9%86%d9%88%d8%a7%d8%b9-%d9%85%d9%86-%d8%a7%d9%84%d9%82%d8%b1%d8%a7%d8%a6%d8%a8-%d8%b9-%d8%a7%d9%84%d9%81%d9%8a%d8%b3%d8%a8%d9%88%d9%83/feed/ 0 أرخص جروبات الفيس بوك – The Problem Counseling Center of Bride https://mafysh.ballistichq.com/%d8%a3%d9%88%d8%ad%d8%b4-%d8%ac%d8%b1%d9%88%d8%a8%d8%a7%d8%aa-%d9%81%d9%8a%d8%b3-%d8%a8%d9%88%d9%83-the-problem-counseling-center-of-bride/ https://mafysh.ballistichq.com/%d8%a3%d9%88%d8%ad%d8%b4-%d8%ac%d8%b1%d9%88%d8%a8%d8%a7%d8%aa-%d9%81%d9%8a%d8%b3-%d8%a8%d9%88%d9%83-the-problem-counseling-center-of-bride/#comments Mon, 08 Dec 2014 23:10:43 +0000 http://mafysh.ballistichq.com/?p=1642 صفحة معقدين نفسيين و ناس كتير من متابعين الصفحة دي شايفين إن معظم الپوستس اشتغالات من الآخر.. بس في كل الأحوال الإبداع اللي بنشوفه في التعليقات تاريخي يا جماعة!

اللي داخل يسف

ده بيبقى زي معظم الشعب المصري اللي عاملين like ع الصفحة دي.. داخلين يتسلوا. بس الفرق النوع ده و “الأغلبية المتفرجة” إنه هو نفسه بيتسلّى و يسلّي الناس. و في الأغلب إن ده النوع المفضل بالنسبة للـ٣٥٠ ألف اللي عاملين like ع الصفحة.

Screebshot #3

ss3

screenshot-#2

اللي داخل ينصح

من النوع المحترم، بس ممل بصراحة. الناس اللي بتبعت أسئلة ع الصفحة دي لو كان تمرت فيها النصيحة ما كانش زماننا

قاعدين بنسف دلوقتي.. فبصراحة تاني، كونك بتدي في نصايح للنوعية اللي غالبًا بتشتغلنا دي مضيعة للوقت.

(هتقول لي ما السف مضيعة للوقت برضه، هقول لك لأ طبعًا! كتير ما الواحد بيشتاق للحظة يضحكها كدا على قد ما بنضحك على تعليقات السف، و أهي حاجة تخفف عن نكد اليوم الروتيني الطويل)

ss4

اللي داخل يدي درس في الأخلاق

من النوع التقيل جدًا، حاجة كدا استغفر لله العظيم! و انت مالك ياخي؟ حد اشتكى لك؟ حد عيّنك واصي ع الناس أجمعين؟ الپوست جرحت حيائك و مش ماشية مع عادات و تقاليد سعادتك، عادي ممكن تعديه من غير ما تضيف تعليقك العبقري اللي ولا هيفيد بنِكلة

screenshot #1

بغض النظر عن الناس الرخمة و الناس اللطيفة و الناس اللي بيعلقوا و الناس اللي بيتفرجوا.. من الواضح إن مبدأ “كليات القمة” ده دمّر عقلية أجيال بحالها. معظم الپوستس عنصر مشكلتها الأساسي إن الولد من كلية قمة و البنت من كلية مش قمة و أهله مش موافقين عشان كدا و العكس. الموضوع ده لازم له وقفة بجد!
و حاجة تانية كمان، فيه ناس بتبقى بتتكلم ع الجامعة ولا كأنها كتالوج لسوق الرقيق.. حاجة مثيرة جدًا للإهتمام برضه.

]]> https://mafysh.ballistichq.com/%d8%a3%d9%88%d8%ad%d8%b4-%d8%ac%d8%b1%d9%88%d8%a8%d8%a7%d8%aa-%d9%81%d9%8a%d8%b3-%d8%a8%d9%88%d9%83-the-problem-counseling-center-of-bride/feed/ 0 ٩ أقوال مأثورة لأمهاتنا https://mafysh.ballistichq.com/%d9%a9-%d8%a3%d9%82%d9%88%d8%a7%d9%84-%d9%85%d8%a3%d8%ab%d9%88%d8%b1%d8%a9-%d9%84%d8%a7%d9%85%d9%87%d8%a7%d8%aa%d9%86%d8%a7/ https://mafysh.ballistichq.com/%d9%a9-%d8%a3%d9%82%d9%88%d8%a7%d9%84-%d9%85%d8%a3%d8%ab%d9%88%d8%b1%d8%a9-%d9%84%d8%a7%d9%85%d9%87%d8%a7%d8%aa%d9%86%d8%a7/#comments Mon, 08 Dec 2014 20:47:32 +0000 http://mafysh.ballistichq.com/?p=1638 مش عارفة ازاي كل الأمهات مصرية أصيلة بيستخدموا نفس الإفّيهات من غير ما يتفقوا.. شيء مريب.

١. ما فيش شغالة تلم وراك

و ده بيتقال غالبًا لما تكون بتاكل و تسيب الأكل زي ما هو برة. بيتبع هذه المقولة الشعور
بالذنب و تأنيب الضمير الفظيع، ده لو عند حضرتك دم يعني.

٢. قلبة ليلك صبح و صبحك ليل دي مش نافعة

او هو انت ما ينفعش تنام بالليل و تصحى بالنهار زي الناس الطبيعيين

حاجة تانية الأم المصرية لن تفهمها، إن القلبة دي قلبة سودا و لا إرادية، لا إرادية يا عالم.

٣. البس حاجة في رجلك

تدوس حافي و تقعد ع السرير برجليك إزاي

٤. أوضتك دي مش مكتوب لي أشوفها متروّقة أبدًا؟

إن كنت طالب أو بتشتغل، أمك برضه ما بتقتنعش إنك عندك إلتزامات تانية و أهم بكتيــــــــــــر
من إنك توضّب سريرك اللي هيتكركب تاني لما تيجي تنام. و لما الإلتزامات التانية دي تخلص حتى
أكيد هتبقى عايز ترتاح بعد الامتحانات أو يوم الجمعة و السبت، مش هتقضيهم في توضيب
الدولاب و تلميع الأوضة يعني!

٥. ماما عايز أجيب كلب

و يبقى الرد الطلقائي طبعًا: و اجيب كلب ليه و انا عندي كلبين (لو انتم أخين أو أختين أو أخ و
أخت.)

٦. و لو جيت و لاقيتها؟

لغز غريب، كل الأمهات عندهم القدرة الخارقة في إنهم يلاقوا أي حاجة ضايعة… ما أكيد في
مؤامرة ورا الموضوع ده، أكيد كلنا مش مسطولين بنفس الدرجة!

٧. مش معقول مافيش حد بيساعدني في البيت ده، كل حاجة عليَّ!

و للهِ بنساعد، و للهِ.

٨. سيب/اقفل الزفت ده

طبعًا مش محتاجة اقوالة، الزفت ده يعود إلى الكُمپيوتر. ما فيش إبداع خالص في التلقيب، كل حاجة بتبقى اسمها “زفت”، و على رأسهم إنت.

٩. تكرار فعل رميت

الأم المصرية لم و لن تقتنع إنك مجرد “حطيت” الغسيل ع السرير، لأ لازم تجوّد: طبعًا “رميت” الغسيل ع السرير زي كل مرة.

اللذيذ إن الأقوال المأثورة دي عمرها طويل جدًا، يعني جدتك كانت بتقولها لأمك و جدة أمك
كانت بتقولها لجدتك و جدة جدتك كانت بتقولها لأم جدتك و هكذا..

]]> https://mafysh.ballistichq.com/%d9%a9-%d8%a3%d9%82%d9%88%d8%a7%d9%84-%d9%85%d8%a3%d8%ab%d9%88%d8%b1%d8%a9-%d9%84%d8%a7%d9%85%d9%87%d8%a7%d8%aa%d9%86%d8%a7/feed/ 0 الواحة المصرية اللي لازم اي مصري يروحها https://mafysh.ballistichq.com/%d8%a7%d9%84%d9%88%d8%a7%d8%ad%d8%a9-%d8%a7%d9%84%d9%85%d8%b5%d8%b1%d9%8a%d8%a9-%d8%a7%d9%84%d9%84%d9%8a-%d9%84%d8%a7%d8%b2%d9%85-%d8%a7%d9%8a-%d9%85%d8%b5%d8%b1%d9%8a-%d9%8a%d8%b1%d9%88%d8%ad%d9%87/ https://mafysh.ballistichq.com/%d8%a7%d9%84%d9%88%d8%a7%d8%ad%d8%a9-%d8%a7%d9%84%d9%85%d8%b5%d8%b1%d9%8a%d8%a9-%d8%a7%d9%84%d9%84%d9%8a-%d9%84%d8%a7%d8%b2%d9%85-%d8%a7%d9%8a-%d9%85%d8%b5%d8%b1%d9%8a-%d9%8a%d8%b1%d9%88%d8%ad%d9%87/#comments Mon, 08 Dec 2014 19:55:54 +0000 http://mafysh.ballistichq.com/?p=1626 واحة مصرية ع الحدود الليبيّة، تعداد سكانها 23 ألف نسمة، ما عدّاش عليها بني آدم إلّا و وقع في غرامها.

siwa1

لسكان سيوة لغة مستقلة عن الجمهورية كلها. اللغة الأمازيغية، هي لغة من لغات شمال إفريقيا اللي ما ماتتش. بس عشان يتعايشوا مع الواقع بيتعلموا في المدارس اللغة العربية و اللهجة المصرية كمان عشان يعرفوا يتعاملوا. يُطلق على من يتحدثون الأمازيغية “الأمازيغ” أو “البربر”، و هم منتشرون في المغرب العربي.

سيوة محتاجة 4 ليالي ع الأقل عشان تستكشفها و تلف على كل “عجايبها” . الرحلة ممكن تكلفك حوالي ألف جنيه.

١. عيون بئر كيغار

تبلغ حرارة مياه هذا البئر 67 درجة مئوية. و اكتشفوا إنه مكون من معادن كبريتية تستتخدم في العلاج الطبيعي لأمراض كتيرة زي الصدفية وأمراض الجهاز الهضمى و الأمراض الروماتزمية.

siwa2

٢. بحر الرمال الأعظم

واحة سيوة محيطة ببحر من الرمال بحجم إنجلترا، و هو ثالث أكبر حقل من الكثبان في العالم.

siwa3

٣. جبل الموتى

جبل اكتشفوه أهل سيوة بالصدفة في الحرب العالمية الثانية و همَّ بيتحاموا فيه. لو طلعت على قمته تكشف الواحة كلها. هو عبارة عن مقابر منحوتة على هيئة خلية نحل. يرجع الجبل ده للأسرة الـ26، و يعتبر مزيج من الفن المصري القديم و الفن اليوناني تنيجة إختلاط الثقافات في الوقت ده.

siwa4

٤. معبد الوحي

معبد جمع ما بين الأديان الفرعونية، كان بيزوروه الكهنة و الملوك.
الأساطير بتقول إن لما استولى الإسكندر الأكبر على مصر و خلَّص بُنى مدينة الإسكندرية، قرر إنه يروح بأسطوله من الإسكندرية يزور معبد الوحي عشان يثبت إنه من نسل آمون. و حصل معجزتين في السفرية دي؛ أولهم مطر غزير نزل عليهم في منطقة من النادر ما بتدوق طعم المياه و كان ساعتها المياه بتاعة الإسطول خلصت.. و ده طبعًا كانت من بركات آمون. و بعد شوية جت عاصفة لخبطت الطريق ما بقوش عارفين يمشوا إزاي. فجأة لقوا عصفورين طايرين في السما فراح أمر الإسكندر الأكبر أسطوله بإنهم يمشوا ورا الرسولين اللي بعتهم آمون. و لما وصلوا أخيرًا، نزل على الإسكندر الوحي من آمون و أعلنه إله.
siwa5

٥. مدينة شالي

هي مدينة في وسط الواحة مبنية بالطوب اللبن. إتبنت عشان تحمي الواحة من الغزاة، إللي كان أغلبهم من عرب الصحراء.

siwa6

٦. حمام كليوباترا

حمام مصنوع من الحجر مملي بمياه من ينابيع سخنة طبيعية. يقال إن كليوباترا بنفسها عامت فيه و عشان كدا نال المسمى ده. و ذكروا المؤرخ هيرودوت في كتاباته و سمّاه عين الشمس.
siwa7

٧. جزيرة فطناس

غرب الواحة، حوالي 4 كيلو من المدينة، هتلاقي جزيرة فطناس (“غروب” بالأمازيغي).. و معروفة برضه بجزيرة الخيال. معروفة بمنظرها الخلاب و بعينها اللي من أجمل عيون سيوة – سيوة تتمتع بأكتر من 250 عين طبيعية.
siwa8

سيوة من عجايب مصر اللي دافنها موقعها البعيد، 560 كيلو من العاصمة. بس ده ما منعش السياح من قديم الأزل إنهم يدبوا المشوار ده كله عشان يزوروها.

]]> https://mafysh.ballistichq.com/%d8%a7%d9%84%d9%88%d8%a7%d8%ad%d8%a9-%d8%a7%d9%84%d9%85%d8%b5%d8%b1%d9%8a%d8%a9-%d8%a7%d9%84%d9%84%d9%8a-%d9%84%d8%a7%d8%b2%d9%85-%d8%a7%d9%8a-%d9%85%d8%b5%d8%b1%d9%8a-%d9%8a%d8%b1%d9%88%d8%ad%d9%87/feed/ 0 من مصر لهوليوود – ٧ فنانين وصلوا للعالمية https://mafysh.ballistichq.com/%d9%85%d9%86-%d9%85%d8%b5%d8%b1-%d9%84%d9%87%d9%88%d9%84%d9%8a%d9%88%d9%88%d8%af-%d9%a1%d9%a0-%d9%81%d9%86%d8%a7%d9%86%d9%8a%d9%86-%d9%88%d8%b5%d9%84%d9%88%d8%a7-%d9%84%d9%84%d8%b9%d8%a7%d9%84%d9%85/ https://mafysh.ballistichq.com/%d9%85%d9%86-%d9%85%d8%b5%d8%b1-%d9%84%d9%87%d9%88%d9%84%d9%8a%d9%88%d9%88%d8%af-%d9%a1%d9%a0-%d9%81%d9%86%d8%a7%d9%86%d9%8a%d9%86-%d9%88%d8%b5%d9%84%d9%88%d8%a7-%d9%84%d9%84%d8%b9%d8%a7%d9%84%d9%85/#comments Mon, 08 Dec 2014 19:04:24 +0000 http://mafysh.ballistichq.com/?p=1613 ممكن تكون مبالغة شويةإن مصر «هوليوود العرب»، بس كون إن عندنا فنانين منهم عملوا أدوار بطولية في أفلام و منهم لهم أساليب في الإخراج بتدرس، ده في حد ذاته من الحاجات القليلة جدًا اللي بتدعوا للأمل.

١. عمر الشريف

طبعًا ما يصحش نعدي ع الموضوع ده من غير ما نجيب سيرة عمر الشريف.

omar

مواليد الإسكندرية، كان زميلًا ليوسف شاهسن في كلية ڤيكتوريا بالأسكندرية. اكتشفه المخرج العالمي «ديڤيد لين» و قدمه لعالم هوليوود في كتير من أفلامه.

من أهم أعماله في هوليوود:

[imdb id=”tt0056172″]
[imdb id=”tt0059113″]
[imdb id=”tt0059927″]
[imdb id=”tt0082476″]

٢. خالد النبوي

مواليد المنصورة، كان اكتشاف يوسف شاهين سنة ١٩٩٤. اتعرف عالميًا في دوره في فيلم Kingdom of Heaven

khaled-el-nabawy

[imdb id=”tt0320661″]

أفلام تانية عملها في هوليوود:

[imdb id=”tt1942989″]
[imdb id=”tt0977855″]

٣. عمرو واكد

مواليد الشرقية، شارك الممثل الأمريكي «چورچ كلوني» في فيلم Syriana و ده اللي شهره عالميًا.

amr-waked

[imdb id=”tt0365737″]

أفلام تانية عملها في هوليوود:

[imdb id=”tt1441952″]
[imdb id=”tt2872732″]
[imdb id=”tt1598778″]

٤. خالد عبد الله

هو مصري بريطاني، اتعرف عالميًا في فيلم United 93.

khaled

[imdb id=”tt0475276″]

أفلام تانية عملها في هوليوود:

[imdb id=”tt0419887″]
[imdb id=”tt0947810″]

٥. يوسف شاهين

مواليد الإسكندرية، أفلامه نالت إعجاب عالمي و بالذات من الأكادميين السينمائيين. في سنة ١٩٨٠ كان شاهين عضو لجنة التحكيم لمهرجان ڤنيس السينمائي و في ١٩٨٣ كان عضو لجنة التحكيم في مهرجان كان السينمائي.

youssef

من أهم أفلامه

[imdb id=”tt0077751″]
[imdb id=”tt0110545″]

٦. محمد خان

مخرج مصري پاكستاني، اشتهر عالميًا بعد فيلم «زوجة رجل مهم» سنة١٩٨٧.

mohamed-khan

[imdb id=”tt0171922″]

٧. يسري نصرالله

من مواليد الجيزة، و ده برضه من المخرجين العروفين عالميًا. و اللي شهره كان فيلمه الأول «المدينة» و هو فيلم مصري فرنسي نزل في دور العرض سنة ١٩٩٩.

youssry-nasr-allah

[imdb id=”tt0208288″]

في وسط الضلمة نور برضه.

]]> https://mafysh.ballistichq.com/%d9%85%d9%86-%d9%85%d8%b5%d8%b1-%d9%84%d9%87%d9%88%d9%84%d9%8a%d9%88%d9%88%d8%af-%d9%a1%d9%a0-%d9%81%d9%86%d8%a7%d9%86%d9%8a%d9%86-%d9%88%d8%b5%d9%84%d9%88%d8%a7-%d9%84%d9%84%d8%b9%d8%a7%d9%84%d9%85/feed/ 0 أصول ٧ كلمات مفتكسة https://mafysh.ballistichq.com/%d9%a7-%d8%a3%d8%b5%d9%88%d9%84-%d9%83%d9%84%d9%85%d8%a7%d8%aa-%d9%85%d9%81%d8%aa%d9%83%d8%b3%d8%a9/ https://mafysh.ballistichq.com/%d9%a7-%d8%a3%d8%b5%d9%88%d9%84-%d9%83%d9%84%d9%85%d8%a7%d8%aa-%d9%85%d9%81%d8%aa%d9%83%d8%b3%d8%a9/#comments Sat, 29 Nov 2014 17:27:20 +0000 http://mafysh.ballistichq.com/?p=1599 مصطلح مفتكسة جاية من “إفتكاس” فعلها “يفتكس” و هي تعادل في اللغة كلمة “يخترع”.

في الواقع..كلامنا معظمه بقى مفتكس، من غير ما نلاحظ إنه مفتكس. و لو لاحظنا بنعديها من غير ما نقف و نستفسر و نلاقي للكلمة دي أصل ولا فصل.

١. فاكس

كان نفسي الاقي للكلمة دي أصل تاني، بس الحاجة الوحيدة اللي قدرت اوصل لها (مع الأسف يعني) إن أصلها يرجع لكلمة “Fake” يعني مش أصلية أو ركيكة.

٢. مستكنيص

كلمة طلعت في أواخر التمانينات في أوائل التسعينات.. في الوقت ده. و أصلها يرجع للسكون، يعني لو حد “مستكنيص” يعني هو “مستكين” و غالبًا الـ”يص” اللي في الآخر دي جاية من الكلمات الإنجليزية اللي بتنتهي بـious أة ous، زي nervous و serious و كدا.

٣. رِوِش

رِوِش، يروِّش، روشنة؛ جاية من “الروشه” و هي حالة عصبية. و يقال إن أول ناس يستخدمة المصطلح ده همَّ اللي بيربوا حمام ع السطح. “الحمامة دي مرووشة” يعني الحمامة عندها رعشة ديناميكية دائمة في رقبتها.

٤. أنتخة

أنتخة بقى جاية من “إنتخاء” أو من “نخ”.. إنتخى عليه في اللغة يعني: تكبر عليه. إنما “نخ” يعني لما تقول للجمل الواقف ينِخ لامؤاخذة ينخ=يريّح و يقعد ع الأرض.

٥. ألشة

مصطلح لقيط، مالهوش أصل ولا فصل. ظهر في العالم الكروي، “الكرة ألشت” يعني الكرة طلعت برة الهدف. فلما صاحبك يقول لك “ألشة” يبقى معنى كدا إنها كانت المفروض تكون تضحك و تقلب نكتة حلوة بس سخَّفت منه و “ألشت”.

٦. سفّ

كلمة “سف” أصلها “سفه”، سفه عليه= أهانه و عامله بجفاء.

٧. هجص

هجَّص، يهجِّص، تهجيص أو هجْص. المفروض دي كلمة من أصل فرعوني، و اتنقلت للحضارات الغربية تحت اسم hoax

]]> https://mafysh.ballistichq.com/%d9%a7-%d8%a3%d8%b5%d9%88%d9%84-%d9%83%d9%84%d9%85%d8%a7%d8%aa-%d9%85%d9%81%d8%aa%d9%83%d8%b3%d8%a9/feed/ 0 ٦ شوكولاطات انقرضت https://mafysh.ballistichq.com/%d9%a6-%d8%b4%d9%88%d9%83%d9%88%d9%84%d8%a7%d8%b7%d8%a7%d8%aa-%d8%a7%d9%86%d9%82%d8%b1%d8%b6%d8%aa/ https://mafysh.ballistichq.com/%d9%a6-%d8%b4%d9%88%d9%83%d9%88%d9%84%d8%a7%d8%b7%d8%a7%d8%aa-%d8%a7%d9%86%d9%82%d8%b1%d8%b6%d8%aa/#comments Sat, 29 Nov 2014 10:21:56 +0000 http://mafysh.ballistichq.com/?p=1539 فاكرين زمان لما كنا بنقعد يوم الخميس قدام مسرحية لفؤاد المهندس؟ و بنقزقز في بسكوت ماري القديم و
بنبوِّشها في شاي بلبن؟ كان حلو قوي البسكوت ده.. إيه البسكوت السيس اللي عاملينه ماري دلوقتي ده؟
فين ماري بتاع زمان؟؟

في نفس زمن بسكوت ماري الجميل كان فيه شوية شوكولاطات برضه كنا بنجيبهم واحنا معديين ع الكشك
بعد المدرسة.. قبل ما تطل علينا جالكسي و اخواتها.

١. بيمبو

كان بسكوتة متغطية بشوكولاطة، من كتر ما البسكوتة دي أثرت في الناس بعد سنين من اختفائها من السوق الناس عملوا صفحة ع الفيسبوك اسمها »ذكرايات بيمبو.«
www.facebook.com/Bimbo.Memories
beebo

٢. ستار

و مين نفسه مش هفّاه على ستار من ساعة ماختفت هي كمان؟

٣. الشمعدان

وللهِ ولا أجدعه Wafer ممكن يملى فراغك يا شمعدان.
sham3dan

٤. كورونا

أنا شخصيًا ما دقتهاش عمري، بس مين يقدر ينسى إعلان كوڤرتينا يعني؟
corona

٥. كوڤرتينا

أنا شخصيًا ما دقتهاش عمري، بس مين يقدر ينسى إعلان كوڤرتينا يعني؟

٦. شوكو پاستو

تقليد شوية للبيمبو بس كانت حوار برضه.
pasto

فيه ٣ اسئلة بيدوروا في دماغي كل ما بقلِّب في الذكرايات.. هل سيعود زمن شوكولاطات زمان؟ هل سيعود
زمن بسكوت ماري القديم؟ و همَّ ليه بطلوا يذيعوا مسرحيات فؤاد المهندس كل يوم خميس بالليل ع
القناة التانية؟

]]> https://mafysh.ballistichq.com/%d9%a6-%d8%b4%d9%88%d9%83%d9%88%d9%84%d8%a7%d8%b7%d8%a7%d8%aa-%d8%a7%d9%86%d9%82%d8%b1%d8%b6%d8%aa/feed/ 1 ٩ أفلام هادفة تاهت وسط دَوشة الإسفاف https://mafysh.ballistichq.com/%d9%a9-%d8%a3%d9%81%d9%84%d8%a7%d9%85-%d9%87%d8%a7%d8%af%d9%81%d8%a9-%d8%aa%d8%a7%d9%87%d8%aa-%d9%88%d8%b3%d8%b7-%d8%af%d9%8e%d9%88%d8%b4%d8%a9-%d8%a7%d9%84%d8%a5%d8%b3%d9%81%d8%a7%d9%81/ https://mafysh.ballistichq.com/%d9%a9-%d8%a3%d9%81%d9%84%d8%a7%d9%85-%d9%87%d8%a7%d8%af%d9%81%d8%a9-%d8%aa%d8%a7%d9%87%d8%aa-%d9%88%d8%b3%d8%b7-%d8%af%d9%8e%d9%88%d8%b4%d8%a9-%d8%a7%d9%84%d8%a5%d8%b3%d9%81%d8%a7%d9%81/#comments Sat, 15 Nov 2014 21:59:10 +0000 http://mafysh.ballistichq.com/?p=1511 كان صعب إني أصتاد مجموعة من الأفلام اللي ليها معنى و محتوى فكري نضج في وسط الأفلام الهابطة اللي بقينا محاصرين بيها و باين لها كدا بقت واقع مرير هانفضل عايشين فيه… المهم، الحمد لله لاقيت ٩ أفلام هادفة بس مع الأسف تاهت و اتنست ما بين ملايين الأفلام المُسفّة.

١. أسماء

فيلم بيتكلم عن المشاكل اللي بتواجه مرضى الإيدز و نظرة المجتمع ليهم. نزل في السينما في شتاء ٢٠١١، بطولة هند صبري و ماجد الكدواني، إخراج عمرو سلامة و إيهاب عمرو و من تأليف عمرو سلامة.
image1
الإيرادات: ٨٩٣،٧١٠ جنيه مصري

٢. بنتين من مصر

فيلم بيحكي عن مشكلة تأخر الزواج في مصر من خلال بنتين من مصر في التلاتينات. نزل في السينما في صيف ٢٠١٠، بطولة زينة و صبا مبارك، و من تأليف و إخراج محمد أمين.
image2
الإيرادات: ١،٩٨٢،٠٠٠ جنيه مصري

٣. ساعة و نص

بطولة جماعية، كوكتيل من كبار الفنانين و الوجوه الجدد. بيحكي الفيلم عن حادثة قطر العياط اللي راح فيها ٣٦١ بني آدم في ٢٠٠٢، و من خلال الحادثة دي بيحكي لك عن ركاب القطر ده و حكايتهم و مشاكلهم و طبعًا بيعرض المشاكل الإجتماعية و الفساد المتغلغل في البلد. «ساعة و نص» نزل السينما في شتاء ٢٠١٢، و هو من إخراج وائل إحسان و من تأليف أحمد عبد الله.
image3
الإيرادات: ٨،٨٩٩،٧٠٠ جنيه مصري

٤. ميكروفون

فيلم بيحكي عن الفنون الـUnderground، من خلال البطل «خالد» بيرجع مصر على أمل إنه يرجع لحبيبته القديمة و يصلّح علاقته مع والده.. بتتأزم الأمور و في وسط إضتراب خالد بيكتشف موسيقيين شباب مستقلين و فنانين جرافيتي و بيلاقي نفسه في عالم غريب إجتماعيًا. الفيلم نزل السينما في صيف ٢٠١٠، و بطولته خالد أبو النجا و يسرا اللوزي و من إخراج و تأليف أحمد عبد الله السيد.
image4
الإيرادات: ٧٠٠،٠٠٠ جنيه مصري

٥. ٦٧٨

فيلم بيناقش قضية التحرش الجنسي من خلال ٣ شخصيات: صبا (نيللي كريم) و فايزة (بشرى) و نيللي (ناهد السباعي). الفيلم نزل السينما في شتاء ٢٠١٠ و هو من تأليف و إخراج محمد دياب.
image5
الإيرادات: ٤،٥٦١،١٦٤ جنيه مصري

٦. بالألوان الطبيعية

فيلم بيناقش مشكلة مشتركة بين جزء كبير من مجتمعنا من خلال شخصية «يوسف»، و هو الصراع الفكري اللي بيدور في مُخ أي حد في مصر متربي بطريقة تقليدية متعسفة، و اللي هو الصدام ما بين موهبة الرسم و الأفكار الدينية المتشددة اللي عند الناس اللي حواليه – و اللي منهم والدته. الفيلم نزل في السينما في شتاء ٢٠٠٩ و من بطولته كريم قاسم و يسرا اللوزي. من تأليف هاني فوزي و من إخراج أسامة فوزي.
image6
الإيرادات: ١،٣١٠،٠٠٠ جنيه مصري

٧. هليوبوليس

فيلم خفيف بيتكلم عن الحياة الروتينية من خلال حي هليوبوليس القاهري، من ٥ زوايا: إبراهيم (خالد أبو النجا) و هاني (هاني عادل) و يسرا (يسرا اللوزي) و إنجي (حنان مطاوع) و ڤيرا (عايدة عبد العزيز). نزل السينما في صيف ٢٠٠٩، و من إخراج و تأليف أحمد عبد الله السيد.
image7
الإيرادات: ٤،٠٠٠،٠٠٠٠ جنيه مصري

٨. بعد الموقعة

فيلم بيناقش ثورة ٢٥ يناير بس من زاوية مختلفة تمامًا عن كل الكتب و الأفلام اللي اتعملت عن الثورة، من زاوية الخيالة اللي اشتركوا في موقعة الجمل و بيعرض وجهة نظرهم و موقفهم الإقتصادي الميِّت من بعد الثورة. الفيلم نزل السينما في صيف ٢٠١٢، من بطولة منة شلبي و باسم سمرة و ناهد السباعي. و من إخراج يسري نصر الله و من تأليف يسري نصر الله و عمر شاما.
image8
الإيرادات: ٩٦٩،٣٧٠ جنيه مصري

٩. فرش و غطا

زي «بعد الموقعة»، فرش و غطا واخد برضه زاوية مختلفة من قصة الثورة. بس المرة دي من زاوية المسجونين اللي اتهرَّبوا من السجون أيام الـ١٨ يوم. الفيلم نزل في السينما في صيف ٢٠١٣، قام ببطولته آسر ياسين، و من تأليف و إخراج أحمد عبد الله السيد.
image9
الإيرادات: ١٦٨،٥٥٠ جنيه مصري

مع العلم إن في ٢٠١١، «أمن دولت» حقق حوالي ٦ مليون جنيه و «سامي أوكسيد الكاربون» حقق ١٠ مليون، و «شارع الهرم» حقق ١٤ مليون.

]]> https://mafysh.ballistichq.com/%d9%a9-%d8%a3%d9%81%d9%84%d8%a7%d9%85-%d9%87%d8%a7%d8%af%d9%81%d8%a9-%d8%aa%d8%a7%d9%87%d8%aa-%d9%88%d8%b3%d8%b7-%d8%af%d9%8e%d9%88%d8%b4%d8%a9-%d8%a7%d9%84%d8%a5%d8%b3%d9%81%d8%a7%d9%81/feed/ 2