قبل ٣٥٠٠ ق. م.

لسه في اللحظة دي ما كانش اتكون فكرة الدولة عند الشعب، كانت مصر قبلي. قوات من شيوخ القبائل دي
بدءوا يتجمعوا حوالين المنطقة الوسطى من وادي النيل. دور الشيوخ دول إنهم يوظفوا و يتحكموا في النيل و
الفيضان. و طبعًا الحكاية دي كانت بتشمل آلاف من الناس اللي كان شيوخ القبائل بيتحكموا في معظم
! الحاجات في حياتهم.

٥٠٠ ق. م. – ٢٥٠٠ ق. م.

في الفترة دي تم تأسيس المملكة القديمة في مصر الفرعونية. عاصمة مصر ساعتها كانت ممفيس، اللي هي
كذا دلوقتي. و في الفترة دي برضه اتبنى الأهرامات التلاتة. و برغم إن الفترة دي ما كانتش أكتر الفترات تطورًا
في مصر الفرعونية لكنها اتسجلت في كتب التاريخ و علم الاجتماع كواحدة من أعظم الحضرات في العالم
! القديم.

٥٠٠ ق م – ١٥٠٠ ق م

هنا بقى بدأ تكوين المملكة الحديثة من مصر الفرعونية. و بسرعة قدروا يفرضوا سيطرتهم على سكان وادي
النيل للجنوب و الشرق و الغرب.

١٥٠٠ ق م – ١٠٠٠ ق م

في الفترة في بدأت الملامح تبان. الخريطة كانت ممتدة من الشام في الشمال للنوبا في الجنوب. مصر كانت
من القوى العظمى في العالم في الوقت ده. هنا تولى الحكم توت عنخ آمون و رمسيس التاني و اتبنى المعابد
! العظيمة اللي في وادي الملوك و الأقصر. بس من 1200 ق. م. بدأت الحضارة العريقة تنحدر شيئًا فشيئًا.

١٠٠٠ ق م – ٥٠٠ ق م

خسرت مصر هيمنتها في الوقت ده للغزو الفارسي و لغزوات تانية تابعة لبلاد تانية كتير.

٥٠٠ ق م – ٢٠٠ ق م

بعد قرنين من التقلب في إيد الغازي الفارسي، جه الإسكندر الأكبر عشان يسحقهم و احتل مصر و بنى
الإسكندرية. بعد ما توفى في 323 ق. م. الحكم اتنقل ل بطليموس و أحفاده. عصر البطالمة ده اشتهر بالغنى و
أكتر الممالك الهلنستية تحضرًا و تنظيمًا. مع إن الطبقة الحاكمة كانت إغريقية أبًا عن جد و بيتكلموا إغريقي،
! لكنهم إحتفظوا الألقاب التقليدية الفرعونية و حتى بقوا يعبدوا الآلهة المصرية.

٢٠٠ ق م – ٣٠ ق م

زي كل الممالك الهلنستية، خضعت مصر تحت الامبرطورية الرومانية بعد هزيمة كليوباترا الشهيرة في معركة
! أكتيوم البحرية في سنة ٣١ ق. م.

٣٠ ق م – ٢٠٠ م

اسكندرية كانت مركز تجاري أوّلي في الامبراطورية الرومانية. باقي البلد كان يُعامل بالبلدي كعزبة الامبراطور.
و كان الاقتصاد متفصل على إنهم يطلعوا أكتر كم من الانتاج على بلاد الروم. مصر كانت ساعتها المصدر
! الأساسي للقمح للعاصمة الإمبراطورية.

٠ م – ٥٠٠ م

مصر بقت مركز حيوي للمسيحية، و مركز للطوائف المسيحية اللي الجو مكهرب ما بينهم و بين الكنيسة الرسمية
! متمركزة في عاصمة الامبراطورية الرومانية الشرقية.

٥٠٠ م – ٧٥٠ م

هنا بقى فترة الغزو العربي من بعد البيزنطيين. العاصمة هنا بقت الفسطاط، العرب تمركزوا فيها و فشلوا إنهم
! يمتزجوا مع المصريين لفترة معينة لأسباب عقائدية و ثقافية.

٧٥٠ م – ٩٥٠ م

العصر ده شهد على دولتين حكم، دولة طولونية و دولة فاطمية. برغم الضغوط النفسية و المادية اللي كان
بيواجهها الأقباط إلا إن الأغلبية العظمى كانت لا تزال مسيحية. (و دي كانت حاجة مش مزعلة الحكام بسبب
! الضرائب الإضافية اللي كانوا بيدفعوها المسيحيين.)

٩٧٩ م – ١٢١٥ م

في الأول قدروا الفاطميين على بناء دولة كبيرة مركزها مصر. الاقتصاد في عصرهم انتعش و ازدهرت مصر
ثقافيًا في الأدب و الفلسفة و العلوم. بعد كدا جه وقت الحروب الصليبية و صلاح الدين اخد مصر من الفاطميين
! في سكته و عمل الدولة الأيوبية.

١٢١٥ م – ١٤٥٣ م

الأيوبيين حاوطوا نفسهم بعبيد أتراك اسمهم المماليك. المماليك استغلوا أزمة كانوا بيمروا بيها الأيوبيين ع
السلطة، فبدأت نفوذهم تعلى و تعلى لغاية ما عينوا واحد منهم في ١٢٥٠ م. و من ساعتها مصر و شوية أجزاء
من سوريا كانوا تحت الحكم المملوكي. يمكن الحسنة الوحيدة للمماليك إنهم قضوا ع المغول.

١٤٣٥ م – ١٦٤٨ م

في ١٥١٧ ، تم ضم مصر للدول العثمانية.

١٦٤٧ م – ١٧٨٩ م

المماليك رجعوا يحكموا مصر بس مش رسميًا، الزعامة كانت بتعترف بالسلطان العثماني. ما كانوش يقدروا
يكبروا عن كدا عشان كانوا في صراع داخلي مع بعضهم ماكانوش يقدروا يتحدوا ضد العثمانيين و هم بالحالة
! دي.

١٧٨٩ م – ١٨٣٧ م

هنا ابتدت الدولة العثمانية دي تعجِّز. فرنسا بقيادة نابوليون دخلت مصر في ١٧٩٨ و بريطانيا رجعت مصر
! للعثمانيين تاني في ١٨٠١ . و بعدين ظهر محمد علي، قتل المماليك، و بدأ يطور من مصر و يبني مدارس.

١٨٣٧ م – ١٨٧١ م

مد الخديوي اسماعيل الحدود لداخل السودان. و تم بناء أعظم مشروع هندسي في القرن ال ١٩ ، و هي قناة
!. السويس ١٨٦٩

م – ١٩١٤ م

الخديوي إسماعيل غرق مصر في الديون، الممول الغربي اللي أغلبه كان بريطاني تدخل و بريطانيا سيطرت
على إقتصاد مصر. قامت ثورة قادها عرابي ضد التدخل البريطاني نتجت عن ارسال بريطانيا لقوات مكافحة
شغب. و فجأة مصر لقت نفسها بدل ما كانت متسيطر على إقتصادها بس، بقت مُحتلة كاملةً من قبل الإنجليز
!. في ١٨

١٩١٤ م – ١٩٦٠ م

فترة الحرب العالمية التانية. بعد الحرب، الروح الوطنية العالية اللي رسختها ثورة ١٩ ، دفعت الاحتلال إنه
ينسحب من مصر سنة ١٩٤٧ بشرط إن تفضل القناة تحت سيطرتهم لفترة معينة. و في 1956 الاحتلال مشي
! كليًّا بعد ما الملك فاروق اتشال في انقلاب 52 و بقت – أخيرًا – جمهورية.

١٩٦٠ م – لدلوقتي

مافيش حاجة في خريطة مصر اتغيرت، اللي اتغير هو خريطة الاحتلال الاسرائيلي بعد الحرب.

مين اللي كان يتخيل إن الخريطة دي تبقى دي..

! تبقى دي في الآخر؟؟

مصدر الخرايط و المعلومات: timemaps.com

و بما إن الحكومة شانّة حرب ع الصحافة الإلكترونية، تعالوا نمشي جنب الحيط و نلقي نظرة ع
الصحافة المطبوعة.

١. اليوم السابع

محترفين عناوين مالهاش علاقة بالموضوع و مانشيتات يتسع لها الأعين إندهاشًا. ده غير
الأخطاء الإملائية الهيستيرية. دول مش بس بيبيِّنوا انحيازهم، دول بيطبعوا عنصريتهم
كمان، طيب إحنا مالنا و مال كلاكيعكم مش فاهمة؟ اليوم السابع تصنف صحافة مستقلة،
بس لما يكون جوا بنتكلم عن قضية و الصفحة الأولى جايبين لي “سر عودة هالة سرحان”،
يبقى الجوْ قلب أصفر خالص.

٢. المصري اليوم

“تعتبر” من الصحافة النضيفة اللي باقية في مصر. مشكلتي الأساسية مع المصري اليوم
هي أعمدة نيوتن المصري. غير إن أراءه بتبقى هاشة و ساعات كتير بيلف و يدور و
يسوَّحني معاه، أنا مش فاهمة ليه مسمي نفسه نيوتن؟ ليه مش اسمه الطبيعي؟ حركة
لجذب القراء؟ طيب و فيه قراء بينجذبوا؟ طيب مخبي نفسه ليه؟ ده حتى أراءه محافظة جدًا
و مافيهاش قلق.. إيه الجو ده؟

٣. الوطن

أخت اليوم السابع، بس لحسن حظنا يومية مش اسبوعية. نفس العناويين المفرقعة و
! المانشتات الصارخة. و برضه تصنف بصحافة مستقلة، بقدرة قادر.

٤. الأهرام

كون إن فيه مؤسسات صحفية كاملة شغلها الأساسي هو التعبير عن الحكومة، و مش
جريدة واحدة لا دي جراااايد، و بلغات مختلفة لا يدل غير على إننا لسه محتلين بفكر
دراكوني متأصل مترسخ يا عالم هنخلص منه إمتى. ما علينا، الأهرام دونًا عن باقي جرايد
النظام، ليها تاريخ يُحترم و و يُقدَّر، بيحبوا ساعات يحشروا كلام إنشه و يشعِروا في
الوزراء قبل ما يصرحوا عن الخبر، بس ما يجراش حاجة عادي.

٥. أخبار اليوم

بعتبرها بنت الأهرام الصغيرة، نفس الكلام بس على مُبسَّط. واخدة نفس ستايل الصفحة
الأولى بتاعة اليوم السابع. عناوين و صور من غير كلام، صياعة. لو قارنّا أخبار اليوم
بالأهرام، فمعدل الأخبار أو المقالات اللي ليها علاقة مباشرة بالقارئ محدود الدخل أكتر
بكتير من الأخبار و المقالات اللي ليها علاقة بالسياسات و القرارات اللي بتتاخد في البلد.

٦. الجمهورية

عدد اليوم اللي بكتب فيها التدوينة دي، فاتحينها بمانشيت قااااد كدا هو “عودة وطن” و
صورة السيسي و هو مش واخد باله وسرحان في هموم الدنيا. احكموا انتم بقى!

انا قررت ابص على التحرش من وجهة نظر أدبية شوية, وده لأن الشعب المصري مسلي بطبعه و”كريتيف” جدا في الجمل اللي ممكن يقولها لبنت في الشارع ومن هذا المنطلق الادبي قررت أجرح اكثر خمس جمل مسلية البنت المصرية بتسمعها في الشارع.

١. يا مكن عمره ما اتركن

انا في الجملة دي احتجت استعين باصدقائي من الولاد للنزول بالترجمة على غرار الاستاذ انيس عبيد وطلع المعنى أقذر مما كنت أتخيل, عامة المكن اللي بيتركن أو اللي مبيتركنش مش مشكلتك, لو محتاجة اجابة لطيفة للجملة دي قولي “تعالى اخدك التوكيل” واطلعي بيه على بابا وهو هيتصرف.

٢. مش حقه يسيبك واقفة في الشارع كده

طبعا لأن اي بنت واقفة في الشارع, أكيد واقفة عشان تركب في عربية واحد راجل. مش اوبشن انها مستنية مواصلة او تاكسي او واحدة صاحبتها مثلا. وعشان كده عادة فيه ردين الاول هو انك تقوليله “ماهو **** زيك بالظبط” وتمشي. يا إما تسأليه بصوت عادي مفيهوش زعيق أو خوف “أفندم؟” في الاغلب عشان هو جبان هيسيبك ويمشي ولو ممشيش استعيني بكل قدرات نادية الجندي ونبيلة عبيد على الشرشحة ووريه مقامه في الشارع, التحرش مفيهوش كسوف, لو هو مش مكسوف متتكسفيش انتي كمان.

٣. ايه الصدر, الرجلين او الجسم الجامد ده (أو أي عضو اخر من أعضاء جسمك)؟

ده عادة بيقولها وهو ماشي ومش ناوي يقف يكمل الحوار, مترديش والاهم, دي مش مجاملة فمبتبتسميش او تمشي, اعتبري في كلب بينبح ومتعبريهوش بأي رد فعل.

٤. هو شارع (ميكي ماوس, الشهيد ميكي ماوس, طريق ميكي ماوس, مدرسة ميكي ماوس) فين؟

ده متحرش من الخمسينات او معتبر باباه مثله الاعلى في التحرش, في الحالتين المفروض يصعب عليكي وتكرمشي خمسة جنيه في ايده, ده اخره والله ومش مؤذي على الاطلاق.

٥. انا مش بعاكس والله

لا واقف في طابور الجمعية بتجيب رز طبعا! ده سيبيه وامشي وغيري مكانك بسرعة لانه من النوع اللازق زي الامير كده ومش ناوي يمشي خالص وبيعتبر التهزيق تجاوب منك فبيلزق اكتر, لو فيكي صحة ومواراكيش حاجة ممكن تقربي منه بابتسامة لطيفة وتاخديه مقص يقع على الارض بس غالبا هيقوم ينفض هدومه ويكمل تحرش عادي.

ده التحرش اللفظي باختصار مراعاة للرقابة, للتحرش البدني قصة اخرى…اوعى تغير المحطة…

١. الاهل

بعد 30 يونيو حصلت تغييرات جذرية في معظم العائلات المصرية، كلهم مجمعين على رأي واحد و مقتنعين ان هو الي صح، و من وقت للتاني هيتكلموا معاك عشان يقنعوك انهم هما الي صح و عارفين مصلحة البلد فين و ان انت و الي شباب الي زيك على نيتكم و مش فاهمين حاجة في اي حاجة. متحولش تتناقش او تقنعهم بوجهة نظرك لانك لو خالفت رأيهم هيبدأوا يسألوا اسئلة من نوعية “هو انت مع الاخوان و لا العيال البايظة بتاعت 6 ابريل؟” و هيتهموك انك مبتحبش البلد ده بدليل انك قلتلهم مرة انك عايز تشتغل بره. لو كانوا كمان من الي بيتفرجوا على احمد موسى، يستحسن تتجنب اي نقاش سياسي، لانك لو اختلفت معاهم، مش بعيد احمد موسى يقنعهم انك ارهابي و عايز تخرب البلد

٢. دكاترة الجامعة

بعد اخر حلقتين عملهم باسم يوسف من برنامج البرنامج، دكاترة كلية اعلام حبوا يناقشوا معانا “ظاهرة باسم يوسف” و انه قد ايه وحش و مينفعش يستخدم الفاظ خارجة على التليفزيون. دكتورة من قسم اذاعة و تليفزيون كان عندها اقتناع تام انها هى الي شارية التليفزيون و الريسيفر و مش عايزة باسم يوسف عليه عشان ميدخلش بيتها، حاولنا نقنعها ان فيه اختراع اسمه ريموت و ببساطة ممكن متتفرجش بس مفيش فايدة. مش محتاجة طبعاً اقول الفاينال جه عامل ازاي. الخلاصة: سيب الدكتور يهري زي ما هو عايز و متأمنلوش لو قال انا عايز اعرف رأيكوا و اخد فكرة عن توجهات الشباب و الجو ده

٣. الساوقين

تقريباً سواقين مصر كلها حافظين نفس الاسطوانة الي هتسمعها في الغالب في كل مواصلة هتركبها. وبتبقى حاجة زي كده (البد خربت، مفيش امان، الشغلانة مش جايبة همها، ركب معاه واحد اخواني قبل كده و لما عرف نزله في نص الطريق و سابه، التاكسي بتاعه ولع تلت مرات قبل كده بس محصلوش حاجة بفضل ربنا) و غالباً هيحكيلك عن قصص البطولية ايام ثروات مصر كلها و في الاخر هيسألك عن رأيك في الي بيحصل في البلد. متقألوش رأيك لانك 1)مش هتخرج باي حاجة مفيدة من المناقشة 2)هتجيب لنفسك وجع الدماغ

٤. صحابك

غالباً انت و اصحابك القريبين منك بتبقى افكاركم عامة متقاربة مع بعض فمش محتاجين تنقاشوا افكاركم السياسية مع بعض، بس زمايلك في الجامعة او الشغل ليهم نفس اراءك، المناقشة معاهم كتير ممكن تخسركوا بعض و ياما في ناس عملت لصحابها و زمايلها بلوك على فيس بوك عشان اراءهم السياسية مختلفة

٥. الانترنت

الانترنت و مواقع التواصل الاجتماعي ادت الفرصة لكل من هب و دب انه يتكلم في اي حاجة و ينشر افكاره و ان يبقى فيه تواصل و الناس تتناقش و ترد على بعض. لو عندك وقت و طاقة انك تفضل تتناقش و تعيد و تزيد في الكلام من غير ما تقتنع او تقنع الي قدامك.. جو اهيد ضيع وقتك و الي في الغالب في الاخر بتقلب بخناقة و شتايم

الخلاصة

حافظ على صحتك و هدوء اعصابك و متتكلمش في السياسة مع حد

١. أبو العُرّيف

ده نوع بيظهر في أغلب الوقت عند المراهقين اللي بيبالغوا في بوستاتهم. يعني مثلًا ولد كاتب: مافيش حد صالح كله بتاع مصالح، فتيجي طنط مشيرة تقول له: ليه بس كدا يا حبيبي؟ الدنيا مليانة ناس صالحة إنت لسه صغير ع اليأس ده..

مثال تاني، واحدة كاتبة مثلًا: هو الإنتحار حرام قوي يعني، ييجي عمو فوزي يقول لها: اسغفري ربنا إيه الكلام اللي انت كاتباه ده يا توتة؟ ربنا يخليكي و يهديكي.

و ما يخسَّرش برضه تلاقي أشباه طنط مشيرة عاملة لايك لتعليق عمو فوزي، و أشباه عمو فوزي يكون عامل لايك على تعليق طنط مشيرة.

٢. المركِّز

بيحب قوي يفهم إنت اللي بتكتبه ده معناه إيه، أو عايز تقول إيه.. يعني، لما تكتب بوست عميق كدا يروح كاتب لك: ؟ و يكون متوقع منك إنك تنزل بالشرح. بس طبعًا ما بيحصلش، فيلقُطك في أي تجمع عائلي و يفتح موبايله على بروفايلك و اتفضل اشرح لي البوست الفولاني و البوست العلاني، و لما صاحبك قال لك كذا كان قصده إيه… إلخ.

٣. المخبر

النوع ده بقى شامل كبير و صغير، أخوك الصغير، خالك الكبير، عم أبوك.. كدا. كل ما تكتب حاجة مثلًا ضد الحكومة يروح قايل لابوك في قعدة حلوة كدا مع الأهل فتقوم الحفلة عليك. زوّغتي من الجامعة و خرجتي مع اصحابك و حد من أصحابك حط صورة و عمل لك tag، فأخوكي ولا أختك توريها للست الوالدة و ليلتك طين. على النغمة دي بقى.

٤. عين الحسود فيها عود

و النوع ده بيظهر في الصور البروفايل، تلاقي خالتك ولا عمتك حطة لك عين زرقاء كبيرة كدا، ولا تكون كاتبة: ما شاء الله و لا قوة إلا بالله، أو الله الحارس و ما يخسَّرش المعوذتين.

٥. الخاطبة

دي بقى بتعامل الفيسبوك كأنه الـ”بوك” بتاعها اللي بتحط فيها الآنسات لابن أختها حمادة اللي قلقانين عليه لينحرف و العُذَّاب لبنت أخوها مِرفت اللي “هتبور”.

و ياما ناس وصل بيهم لإنهم سابوا لهم الفيسبوك كله و مشيوا..

١. محمية وادي الجمال

محمية صحراوية بتقع في جنوب محافظة البحر الأحمر بعد مرسي علم بحوالب 40 كيلومتر، سموها الفراعنة ” تاست نفرو ” معني الكلمة دي هو مكان الجمال، المحمية دي بضم مجموعة كبيرة من الجمال، مساحة المحمية دي 7450 كيلومتر مربع وفيها شاطئ طوله 60 كيلومتر وعرضه 60 كيلومتر ، أستخدمها الفراعنة زمان كطريق للتجارة بين النيل والبحر الأحمر، لاقوا في المنطقة دي عند أكتشافها حاجات أثرية كتير منها أبراج رومانية كانت موجودة لحراسة القوافل التجارية الي كانت بتمر علي المحمية .

٢. البحيرة المسحورة

سموها البدو بأسم ببحيرة التّمنّي، أعتاد البدو من زمان جداً إنهم يوشوشوا الحجارة بأمنياتهم ويرموها في البحيرة إيماناً منهم إنها هتتحقق،هي من ضمن مواقع راس محمد بشرم الشيخ، تنوع ألوان الرمال هناك هيبهرك، يلا روح وأتمني أمنيتك.

٣. الصحراء البيضاء

تُعتبر محمية طبيعية، أتسمت بالأسم ده لإن معظم الصخور فيها بيضاء، الصخور البيضاء دي وقت الغروب بتدي لامعة الذهب، أطلق علي بعض الصخور هناك أسماء زي عيش الغراب والأيس كريم والخيمة ، تقع بعد 45 كيلومترا إلي الشمال من واحة الفرافرة بمحافظة الوادي الجديد، مساحتها 3010 كيلو متر مربع.

٤. الصحراء السوداء

تقع شمال الصحراء البيضاء، تكونت بسبب تآكل الجبال فغطت الصحراء بالصخور السودا. تقدر تتسلق الجبل الإنكليزي الي بيعتبر أعلي قمة الصحراء دي .

٥. جبل المرصوص البركاني

الجبل ده موجود بالصحراء السوداء وهو عبارة عن فوهة بركان، بتغطيه كله صخور سودا ضحمة، ناتج عن مادة بركانية أسمها الجاسبر.

٦. جبل الموتي بسيوة

جبل أثري بواحة سيوة، عبارة عن مقابر للموتي منحوتة علي شكل خلية نحل من الحجر، بيبلغ أرتفاعه 50 متراً وتاريخه بيعود لعصر البطلمي والروماني .

٧. جبل المدورة بالفيوم

هضبة موجودة أعلي شاطئ يبلغ طوله حوالي 500 متر بمحافظة الفيوم، عبارة عن هضبة مرتفعة علي شكل دايرة بتقابلها 3 هضبات شبه الأهرامات، المنظر من فوق الجبل ساحر، تعتبر من الأماكن الجديدة للأستمتاع.

٨. خليج فيورد بطابا

هتلاقيه علي مسافة 15 كيلو متر من طابا، تقدر تغطس هناك وتستمتر بجمال الشعب المرجانية والطبيعة الخلابة.

٩. جزيرة النباتات

جزيرة النباتات موجودة في أسوان، تعتبر من أقدم الحدائق في العالم كله، فيها أكثر من 800 نوع من أندر أنواع النباتات والأشجار في العالم، شخصيات تاريخية كبيرة جداً زارت الجزيرة من أهمهم الملكة إليزابيث ملكة بريطانايا.

١٠. منطقة البلو هول

هل تعلم أن منطقة بلو هول اللي بتقع في مدينة دهب بجنوب سيناء تم تكوينها بعد سقوط شهاب من السماء؛ عمل حفرة عميقة زرقة في قلب البحر الأحمر بيوصل عمقها لـ 10 كيلومترات وهي من أشهر مواقع الغطس في العالم.

١١. كهف الجارة

في الصحراء الغربية قريب من كثبان أبو محرق، هتلاقي كهف شكله تحفة نتيجة لطبيعة المياة النقية ومناخ الصحرا خلال ملايين السنين، شبه شلالات مياة متجمدة، والتكوينات الرسوبية الهابطة والصاعدة دي وصل أرتفاعها إلي 3 أو 4 أقدام، الطبيعة في الكهف ده ساحرة بجد.

١٢. راس محمد بشرم الشيخ – رأس غزلاني

عُمرك سمعت عن موقع من مواقع راس محمد إسمه رأس غزلاني؛ ده عبارة عن سلسلة صخرية مايلة محاطة بشعب مرجانية ألوانها ساحرة، فيها 3 مواقع للغطس، متصلة بشواطئ رملية وتقدر توصلها عن طريق الشاطئ،

١. كوكاكولا احلى مع

في اللحظة الي اتعرض فيها اولى اعلانات حملة كوكاكولا الدعائية “كوكاكولا احلى مع..” اتعملت صفحات كتير على فيس بوك غير الصفحة الرسمية للكوكاكولا بنفس اسم الحملة و بدأ كل واحد بيعرف فوتوشوب يكتب اسمه على الكان عشان ديه حاجة جامدة و كده مع ان مش ده اصلا الهدف من الحملة و ان كوكاكولا كان قصدها انك تشربها مع حد انت بتحبه بتبقى احلى بس احنا عندنا الانا عليا شوية في كل واحد قرر ان كوكاكولا احلى مع نفسه. انتشار الحملة الدعائية بالمنظر ده في حد ذاته نجاح بس لما الحاجة بتزيد عن حدها بتبوظ

٢. علشانك يا سهام، او نيفين – ميرفيت – هيام …

عشانك يا “فلانة” هعمل “اي حاجة ماشية مع نفس قافية الاسم” زي علشانك يا سارة لبست النضارة، علشانك يا نانسي نسيت نفسي، و امثلة تانية بتدل على مدى ابتكار و موهبة المصري لو اخد فرصته. الموضوع موقفش لحد كده، ده تطور لصور لاشخاص شكلها غريب و فوتوشوب رخيص كده مصاحبة للجمل ديه. يقال ان الحوار ده بدأ من مكالمة لبرنامج اسامة منير من واحدة اسمها سارة.

الصور مش لأصحاب القلوب الضعيفة.

٣. تمت الترجمة

المصري بيحب يحط دايما التاتش بتاعته و ابدع لما استخدمها في الترجمة، فظهرت صفحات زي تمت الترجمة و غيرها متخصصة بترجمة كل ما هو اجنبي لمصري بطريقة فيها سخرية شوية، و ترجموا كل اسماء المغنين الاجانب و اسماء اغنياتهم، و فيه نوع تاني من الكوميكس بيألف كلام عربي على صور افلام اجنبي

٤. دب سماش

هو ابليكشن انتشر كده مرة واحدة، انا قعدت فترة ليست بطويلة معرفش ايه ده
و اتعملو 5000 فان بيج عشان تشير الفيديوهات الي الناس بتعملها. الابليكشن ده عبارة انك بتعمل فيديو متركب عليه صوت من اغنية مثلا او فيلم و انت يدوب بتحرك شفايفك!

٥. هارلم شيك

هي قديمة شوية الصراحة، طلعت من سنتين كده، بس المصريين أبدعوا فيها فلازم نحطها في الليست

٦. Proposals

بتتعمل في مصر، يعني واحد يتقدم لواحدةProposals فيه فترة كده انتشرت فيها صور ل
و يلم صحابهم و ينزل على ركبته و يطلع دبلة و هي تتفاجئ و جو كده، يعني هما الاجانب احسن مننا في ايه! هو كل واحد حر طبعا و يعبر براحته عن الحب الي جواه بس دول اتنين بيحبوا بعض ليه صورهم بتنتشر كده؟!

٧. جانجم ستايل

اغنية كورية لساي حطمت كل الارقام القياسية على يوتيوب من كل انحاء العالم ، مش بس الاغنية كانت بتتلعب في كل مكان في كل وقت، ده اتعمل منها نسخة مصرية من فريق عمل “ديه سلطة”

١. مى وليد | Pop

28 سنة مواليد الأسكندرية بدأت فى العزف والغنا مع فرق موسيقية مختلفة فى الاسكندرية منهم “نايل بوليش” و”الاسماك الزرقا” وكتبت 10 اغانى بتعبر عن تجاربها الشخصية وسجلتهم على طريقة acoustic ولما سمعهم المنتج والموزع اللبنانى زيد حمدان اثناء زيارة للأسكندرية واللى يعتبر متبنى فكرة التوزيع الموسيقى للفرق المستقلة فى الوطن العربى فقرر يعيد انتاج وتوزيع اغانى مى بشكل مختلف وسافرت مى بيروت واتعاونت مع زيد حمدان واطلقوا البوم “موجة” سنة 2013على ساوند كلاود ومينى البوم “عادى” اللى صدر الشهر اللى فات.

٢. اية متولى | Trip-Hop

26 سنة مواليد القاهرة بدأت الغنا وهى عندها خمس سنين وعلمت نفسها العزف على الجيتار اية فى البداية كانت بتغنى اغانى اجنبية معروفة وترفعها على اليوتيوب واللى ساعدها فى تكوين قاعدة جماهيريه اليكترونية بعدها قررت تكتب اول اغنية عربى ليها فى نوفمبر2010 ومن وقتها اتجهت لتألف كل اغانيها بالعربى وكانت اول حفلة ليها فى مكتبة “بيكيا” سنة 2013 الجميل ان معظم اغانى اية متولى فيها تلقائية عشان اتعملت فى اوضتها وكانت كل ماتسجل اغنية ترفعها على طول على ساوند كلاود حتى لو الاغنية فيها اصوات دخيلة زى اصوات كلاب الشارع او كلاكسات عربيات معدية من تحت بيتها

٣. شين | Pop/Rock

باند مكون من اربع اعضاء على قليوبى “جيتار” ومحمد فارة “جيتار” واحمد اج “درامز” و شيرين عمرو “غناء وتأليف” وتعتبر العضو الرئيسى فى الباند وسبب تسميه الفريق “شين” على اول حرف من اسمها

شيرين عمرو – 29 سنة مواليد الاسكندرية بدأت رحلتها فى تعلم الميتال من عشر سنين واهلها كانوا رافضين تماماً فكرة توجهها للغنا شيرين بدأت العزف والغنا مع فريق ماسكارا وكانت اغنية ابعد مكان اول تجربة غنائية بالعربى لماسكارا واللى اتذاعت فى فيلم “مايكروفون” واللى حققت نجاح كبير وبدأ اهلها يقتنعوا بموهبة شيرين فقررت تعمل باند خاص بيها وصدر ليها السنة اللى فاتت البوم “عالم تانى” اللى انتجته على نفقتها الشخصية ومنتظر صدور البوم جديد على شبكة الانترنت خلال الشهور القادمة.

٤. اقصى الوسط |Fusion

باند مكون من فردين عمروعز “كيبورد ومنتج موسيقى” ولعب مع العديد من الفرق المستقلة فى الاسكندرية والعضو التانى تقى مكاوى “غناء وتأليف” وكانت المغنى الاساسى فى symphonic metal band

اتكون باند اقصى الوسط سنة 2013 بعد ما عملوا اغنية “انتى” واللى حققت نسبة استماع عالية على ساوند كلاود وقرروا بعدها يعملوا البوم كامل فى 2014 وتستند موسيقاهم على ال Fusion

٥. كارثة نيفين | Rock

باند مكون من اربع اعضاء عبد الرحمن حسين “جيتار” محمود رفعت “درامز” إسماعيل حسني “كيبورد” محمود توفيق “غناء” اتكون الباند السنة اللى فاتت وصدر لهم اغنيتين “الحب تلوث” و “مفيش” ومتوقع صدور البوم كامل خلال 2015على الانترنت.

اسمع اغنية كارثة نيفين الحب تلوث: http://www.dandin.me/#!/track/2701

١. ده إنجليزي ده يا مرسي؟

أصعب حاجة بتواجه أي حد رايح تركيا. من الصعب جداً إنك تلاقي حد بيتكلم إنجليزي في تركيا، ولا حتى الكلمات الأساسية للتواصل. وبالرغم من ذلك فمع الوقت هتلاقي قدرتك على التعبير عن اللي عايزه بلغة الإشارة بتتحسن، وهتقدر أكتر قوة الكلمات. يكمن بصيص وحيد من الأمل وهو لو إنك عربي، واتزنقت في موقف، الأسطورة بتقولك قولها بالعربي يمكن تتطلع موجودة في التركي لأن كتير من الكلمات موجودة في اللغتين.. حاجات زي فاتورة، حساب وإكرام بتفرق ساعات في مواقف كتير.

٢. أتاتورك خط أحمر

لو فاكر إن الناصريين في مصر عايشين في وهم وإن تمجيد الشخص فكرة سخيفة، يبقى أستعد عشان تتصدم بالحالة دي في تركيا.. أتاتورك يعتبر “أبو كل الأتراك”، هتلاقي صوره في كل مكان، في المحلات والمطاعم وعلى أوراق البنكنوت، كلها.. لو غلطت فيه ممكن تتسجن حرفياً، ده لو طلعت سليم من أيد محبيه –اللي هم الشعب كله تقريباً–.

٣. تركيا مش اسطنبول

الغلطة الشائعة لدى السياح العرب هي إنهم بيروحوا اسطنبول فقط، وعلى الرغم من جمال اسطنبول اللي محدش يقدر ينكره، إلا أن الميزة الأكبر لتركيا هي الإختلاف العظيم ما بين كل مدينة والتانية، سواء من حيث الطبيعة أو السكان أو حتى الأكل. أماكن زي كابادوكيا، ازمير، كونيا، افسس، وغيرهم كتير فيهم تجارب ومشاهد ما ينفعش تتفوّت، هتلاحظ إختلاف الشعب نفسه في العادات ودرجة التديّن، وهتلاقي إن الناس برة اسطنبول وأنقرة في الأغلب بيناموا بدري، جداً، (يعنى في حدود 8-9 كده!).

٤. انسى الدايت

لو فاكر إن مصر هي بلد الأكل، استنى لما تروح تركيا.. تركيا فيها سياحة أكل قوية ومستقلّة، هتلاقي لكل مدينة أكلتها المميزة اللي مشهورة بيها من أول إتلي إكْمِك كونيا وحتى إسكندر كباب بورصة اللذيذ، أو حتى الأكلات الخفيفة زي الكمبير والشي كفتة.. الأكيد هو إن الأكل اللي هتاكله في تركيا عمرك ما هتنساه.

دي رسالتي ليكي اللي لازم اكتبها رغم إنك مش هتشوفيها..

قالولي سافر مهما تسافر، مش هتلاقي زيها، وهترجع تحنلها. مصدقتهمش، قلت إزاي يعني؟ زيها زي غيرها، وسافرت.

البُعد عنك عرفني قيمتك، وقد أيه أنا كنت غلطان لما سيبتك.. كلام الأغاني ميكفيش عشان أعبّر عن ندمي، أنا اللي كبرت معاكي، وكنتي شاهدة على طفولتي منذ نعومة أظافري ولحد ما الشعر ملى دقني.. وملى حتت تانية. أنا اللي سيبتك ومشيت في لحظة تهوّر من غير ما أفكر في العواقب، طيش شباب يمكن، معرفش، بس اللي أعرفه إني مينفعش أموت وأنا بعيد عنّك.

كل مـ افتكر أيام لما كنتي بين إيديا، بحس بالندم.. فعلًا الإنسان مش بيحس بقيمة حاجة غير لما يفقدها، وفقداني ليكي أثر على حياتي كلها، مبقتش قادر أعيش من غيرك.. لا قادر أقف ولا أقعد ولا أنام.. ولا أدخل الحمام. كنت فاكر إن البعيد عن العين بعيد عن القلب، بس بعدي عنك وجع قلب.. الظاهر إن المثل ده بينطبق على القلب بس مش على باقي الجسم.

عارفة؟ كل ما بنزل أجازة وأقعد أسمع صحابي بيتكلموا عن صعوبة العيشة بعاتبهم، إزاي حد عايش معاكي في نفس المكان يقول كلام زي ده.. مش معنى كده إني بتغاضى عن عيوبك، أنا عارف إنك ساعات بتبقي قاسية ومندفعة وممكن حد يتأذي من كده. وساعات تانية بتبخلي برضوا. ساعات بتبقي زي الدش الساقع في عز الشتا، وساعات بتبقي زي المياة المغلية في عز الصيف. بس الأكيد، إن وجودك مش زي عدم، وإني لما بشوفك مهما كانت حالتك أو شكلك بحس بالفرحة مغرقاتي.

أنا عارف إني مقصّر، وعارف إنك مع أي حد غيري أكيد هيكون مبسوط بيكي ومعاكي.. ومقدرش ألومه طبعًا.. بس لازم تعرفي إني مش قادر أنساكي أو أعيش من غيرك..

إهداء إلى التي تركت بصمة في حياتي..

الشطافة.