Mafysh - مفيش » رضوى رشاد https://mafysh.ballistichq.com Fri, 02 Sep 2016 12:24:17 +0000 ar hourly 1 https://wordpress.org/?v=4.0.38 اكتر خمس جمل البنت المصرية بتسمعها في الشارع https://mafysh.ballistichq.com/%d8%a7%d9%83%d8%aa%d8%b1-%d8%ae%d9%85%d8%b3-%d8%ac%d9%85%d9%84-%d8%a7%d9%84%d8%a8%d9%86%d8%aa-%d8%a7%d9%84%d9%85%d8%b5%d8%b1%d9%8a%d8%a9-%d8%a8%d8%aa%d8%b3%d9%85%d8%b9%d9%87%d8%a7-%d9%81%d9%8a-%d8%a7/ https://mafysh.ballistichq.com/%d8%a7%d9%83%d8%aa%d8%b1-%d8%ae%d9%85%d8%b3-%d8%ac%d9%85%d9%84-%d8%a7%d9%84%d8%a8%d9%86%d8%aa-%d8%a7%d9%84%d9%85%d8%b5%d8%b1%d9%8a%d8%a9-%d8%a8%d8%aa%d8%b3%d9%85%d8%b9%d9%87%d8%a7-%d9%81%d9%8a-%d8%a7/#comments Fri, 03 Apr 2015 18:19:02 +0000 http://mafysh.ballistichq.com/?p=1286 طبعا انت زهقت من الكلام عن التحرش, البنات اصلها زنانة اوي في الموضوع ده يا جدع!

انا قررت ابص على التحرش من وجهة نظر أدبية شوية, وده لأن الشعب المصري مسلي بطبعه و”كريتيف” جدا في الجمل اللي ممكن يقولها لبنت في الشارع ومن هذا المنطلق الادبي قررت أجرح اكثر خمس جمل مسلية البنت المصرية بتسمعها في الشارع.

١. يا مكن عمره ما اتركن

انا في الجملة دي احتجت استعين باصدقائي من الولاد للنزول بالترجمة على غرار الاستاذ انيس عبيد وطلع المعنى أقذر مما كنت أتخيل, عامة المكن اللي بيتركن أو اللي مبيتركنش مش مشكلتك, لو محتاجة اجابة لطيفة للجملة دي قولي “تعالى اخدك التوكيل” واطلعي بيه على بابا وهو هيتصرف.

٢. مش حقه يسيبك واقفة في الشارع كده

طبعا لأن اي بنت واقفة في الشارع, أكيد واقفة عشان تركب في عربية واحد راجل. مش اوبشن انها مستنية مواصلة او تاكسي او واحدة صاحبتها مثلا. وعشان كده عادة فيه ردين الاول هو انك تقوليله “ماهو **** زيك بالظبط” وتمشي. يا إما تسأليه بصوت عادي مفيهوش زعيق أو خوف “أفندم؟” في الاغلب عشان هو جبان هيسيبك ويمشي ولو ممشيش استعيني بكل قدرات نادية الجندي ونبيلة عبيد على الشرشحة ووريه مقامه في الشارع, التحرش مفيهوش كسوف, لو هو مش مكسوف متتكسفيش انتي كمان.

٣. ايه الصدر, الرجلين او الجسم الجامد ده (أو أي عضو اخر من أعضاء جسمك)؟

ده عادة بيقولها وهو ماشي ومش ناوي يقف يكمل الحوار, مترديش والاهم, دي مش مجاملة فمبتبتسميش او تمشي, اعتبري في كلب بينبح ومتعبريهوش بأي رد فعل.

٤. هو شارع (ميكي ماوس, الشهيد ميكي ماوس, طريق ميكي ماوس, مدرسة ميكي ماوس) فين؟

ده متحرش من الخمسينات او معتبر باباه مثله الاعلى في التحرش, في الحالتين المفروض يصعب عليكي وتكرمشي خمسة جنيه في ايده, ده اخره والله ومش مؤذي على الاطلاق.

٥. انا مش بعاكس والله

لا واقف في طابور الجمعية بتجيب رز طبعا! ده سيبيه وامشي وغيري مكانك بسرعة لانه من النوع اللازق زي الامير كده ومش ناوي يمشي خالص وبيعتبر التهزيق تجاوب منك فبيلزق اكتر, لو فيكي صحة ومواراكيش حاجة ممكن تقربي منه بابتسامة لطيفة وتاخديه مقص يقع على الارض بس غالبا هيقوم ينفض هدومه ويكمل تحرش عادي.


ده التحرش اللفظي باختصار مراعاة للرقابة, للتحرش البدني قصة اخرى…اوعى تغير المحطة…

]]> https://mafysh.ballistichq.com/%d8%a7%d9%83%d8%aa%d8%b1-%d8%ae%d9%85%d8%b3-%d8%ac%d9%85%d9%84-%d8%a7%d9%84%d8%a8%d9%86%d8%aa-%d8%a7%d9%84%d9%85%d8%b5%d8%b1%d9%8a%d8%a9-%d8%a8%d8%aa%d8%b3%d9%85%d8%b9%d9%87%d8%a7-%d9%81%d9%8a-%d8%a7/feed/ 0 مقارنة بين امينة رزق و انجلينا جولي للرجل المصري https://mafysh.ballistichq.com/%d9%85%d9%82%d8%a7%d8%b1%d9%86%d8%a9-%d8%a8%d9%8a%d9%86-%d8%a7%d9%85%d9%8a%d9%86%d8%a9-%d8%b1%d8%b2%d9%82-%d9%88-%d8%a7%d9%86%d8%ac%d9%84%d9%8a%d9%86%d8%a7-%d8%ac%d9%88%d9%84%d9%8a-%d9%84%d9%84%d8%b1/ https://mafysh.ballistichq.com/%d9%85%d9%82%d8%a7%d8%b1%d9%86%d8%a9-%d8%a8%d9%8a%d9%86-%d8%a7%d9%85%d9%8a%d9%86%d8%a9-%d8%b1%d8%b2%d9%82-%d9%88-%d8%a7%d9%86%d8%ac%d9%84%d9%8a%d9%86%d8%a7-%d8%ac%d9%88%d9%84%d9%8a-%d9%84%d9%84%d8%b1/#comments Sat, 13 Dec 2014 15:02:24 +0000 http://mafysh.ballistichq.com/?p=1697 حبيبتي, بحب فيك استقلالك بذاتك بس…

حبيبتي, بحب فيكي انك بتسمعي الكلام بس…

فكرة “بس” هي اللي عاملة المشكلة!

المشكلة , عزيزي الرجل, فيك ولا مؤاخذة.

انت عايز ايه؟ لا حقيقي, تعال نولع سيجارة كده ونقعد نتكلم ونشوف المشكلة فين؟

أولاً. أمينة رزق

التعريف العلمي للأم المصرية, الهاتف دعاها لسيدنا الحسين ونزلت تلبي ولبست في الحيط مع سي السيد وكلنا لبسنا معاها. بتسمع الكلام ومبتخرجش من البيت وبتطبخ طبيخ مش بايت وبتربي العيال وحاجة اخر حلاوة. بس عمرك خدت بالك ان ست امينة رزق مبتعرفش تقرا وتكتب, متقدرش تربي عيالها صح, معندهاش فيسبوك وتويتر وانستجرام وجوجل ومتعرفش الدنيا فيها ايه. طموحها انها تخلص شغل البيت قبل ما سي السيد تروح وبتحط راسها على المخدة تتخمد في لحظة من غير قلق.

مميزاتها: على قد أيدك!
عيوبها: لو انت اترفدت من الشغل هي مش هتعرف تشحت معاك عشان بتتكسف.

amina

الاوبشن التاني. أنجلينا جولي

التعريف العلمي للمزة, حيرت اغلب العلماء لانها بتعمل مشاهد الاكشن بنفسها, في فيلم “مستر أند مسز سميث” اثبتت انها ممكن تتأمر ضد جوزها وتقتل جواسيس وتوقع حكومات وبعدين تروح البيت تعمل رز وبسلة وعمود لحمة زي الفل وتفضل مزة وجذابة ورجليها حلوة وبراد بيت يقع في غرامها ويجيب منها ست عيال ويصرف عليهم. برضه بتتخمد في دقيقة من الارهاق بتاع الشغل بس بتنام بعين مفتحة عشان مش واثقة في جوزها.

مميزاتها: الحياة معاها كلها أكشن ولو انت في يوم احتجتها هتلاقيها معاك بمليون راجل
عيوبها: طول الوقت بره البيت ومش ضروري تعمل البسلة طازة. وشغل السيكس بتاعها مكلف كوافيرات وسبا وحمام مغربي وهدوم ومكياج ومدرب شخصي وليلة ده غير مصاريف الست عيال ومدارسهم والدوشة.

angelina

الفكرة بمنتهى البساطة ان انا لا امينة رزق ولا انجلينا جولي , انا حاجة في النص كده, ماسكة العصاية من النص, بحب حنية سي السيد على أمينة وارتباط كل تفاصيل حياته بيها بس مقدرش أقعد في البيت مشتغلش وانتج وبحب عشق براد بيت لأنجلينا جولي واهتمامه ببيته ومساعدته ليها في كل تفصيلة في حياتهم بس مش عايزة افضل طول حياتي باجري ورا شغل او احس ان انا اللي عاملة البيت ومش عايزة جوزي يعيش سفلقة عليا. اقدر اعملك بيت زي الفل بس عايزة ايدك معايا برضه. عايزة ابقى فخر انتاج الصناعة المصرية مع تتش من العالمية اللطيفة.

سؤالي هنا, لو انا مش امينة ومش انجلينا, انا مين يا دادة؟ انت عايز مين؟ اختار وانا معاك, ما هو انت سيد الرجالة برضك.

ملحوظة: خد انجلينا وانت مغمض والاسباب واضحة…

]]> https://mafysh.ballistichq.com/%d9%85%d9%82%d8%a7%d8%b1%d9%86%d8%a9-%d8%a8%d9%8a%d9%86-%d8%a7%d9%85%d9%8a%d9%86%d8%a9-%d8%b1%d8%b2%d9%82-%d9%88-%d8%a7%d9%86%d8%ac%d9%84%d9%8a%d9%86%d8%a7-%d8%ac%d9%88%d9%84%d9%8a-%d9%84%d9%84%d8%b1/feed/ 0 ٨ قواعد عامة للسكستنج https://mafysh.ballistichq.com/%d9%a8-%d9%82%d9%88%d8%a7%d8%b9%d8%af-%d8%b9%d8%a7%d9%85%d8%a9-%d9%84%d9%84%d8%b3%d9%83%d8%b3%d8%aa%d9%86%d8%ac/ https://mafysh.ballistichq.com/%d9%a8-%d9%82%d9%88%d8%a7%d8%b9%d8%af-%d8%b9%d8%a7%d9%85%d8%a9-%d9%84%d9%84%d8%b3%d9%83%d8%b3%d8%aa%d9%86%d8%ac/#comments Sat, 13 Dec 2014 14:38:17 +0000 http://mafysh.ballistichq.com/?p=1687 طيب، مقدمة سريعة للناس المؤدبة، السكستنج ده مزيج من “سكس” و “تكستنج”. يعني ارسال رسائل نصية تحتوي على محتوى “سيكو سيكو” سواء بالصور او بالفيديو او بالكلام. طيب…عظيم..ايه بأه؟

curiosity

العالم التكنولوجي قرر يساعدكوا واطلق مليون تطبيق اقربهم هو سناب تشات, ده حاجة كده شبه انستاجرام وبيبعت صور تبقى اخرها على التليفون لمدة 10 ثواني, يعني نظرية اخطف بصة واجري. و دي شوية قواعد للسيف سكستنج او لارسال صور ورسائل نصية “هوت” بأمان.

١. خليك فيربال

استخدم خيالك المريض شوية, مش عيب ولا حرام, حسسها انها عشيقتك في الحرام وكده وان علاقتكوا “تابوو” رغم ان مصر كلها عارفة انكوا مع بعض بس قليل من الاثارة لا يضر.

و لو انت شخصية بتحب الالفاظ القبيحة القذرة وبتعتبرها دليل حب ووله, مش عيب ولا حرام. بس إتأكد انها متقبلة ده وفاهمة دوافعه. وانتي, لو قالك “يا و***” مثلا, متقفشيش قبل ماتسألي الاول, او اطلقي العنان لخيالك واعتبريه معلقك من كافيه على سبيل التغيير.

٢. اعمل شوية مجهود

صورتك وانت منكوش وبالبوكسر في السرير والعماص مغطي عينيك مش سكستنج. و بالنسبة للبنات ابقى حطي شوية احمر واخضر, كقاعدة عامة, احنا كستات شكلنا وحش واحنا صاحيين من النوم, متصدقيش مامتك في الموضوع ده خالص. مش ضروري تبيني وشك على فكرة لو قلقانة.

لو هتبعتي صور وكده, راعي انك متكونيش شبه اخوه الصغير في بعض التفاصيل.

٣. الحصرية

لو الصورة على انستاجرام, متبقاش سكستنج, السكستنج حاجة خاصة ليها ظروفها

٤. التوقيت

عنصر المفاجأة مهم بس مينفعش مثلا تبعت صورة “كده وبتاع” في يوم هي رايحة فيه عزاء او عندها يوم مهم في الشغل تاني يوم.

و مش كل يوم قباحة, خلوها ثلاث وجمعة.

٥. اتاكد بتبعت لمين

وانتي بتدوسي “send” وانتي بتضحكي ضحكة المراهقات, بصي بصة اخيرة على اسم المستقبل, اعرف واحد صاحبي بعت صورة من دول لمديره في الشغل دون قصد لأنه مبصش على شاشة واتس اب.

killme

٦. الإتيكيت

متجيش هي تتغلب على حيائها وتبعتلك صورة “سيكو سيكو” تقوم انت قايلها الاتي “الفلاش مش شغال”, “جربي وضع تاني” “انتي تخنتي ولا منفخة عادي بس” “استني معايا تليفون”, بطل فصلان!

و إمسح الصور بعد متتفرج عليها.

و بلاش كلمات زي “انجز, لخصي, ما تيالا, مش يالا بأه” لأن الرد لا مؤاخذة هيكون “ليه, انت حاجز مدة ولا مدتين؟”

لما الحوار ياخد منحنى اكثر اثارة, استنى اللحظة المناسبة عشان تقفل الحوار, مينفعش تسيب المدام تسترسل وبعدين تقولها على فكرة بكره انا صاحي بدري اروح المرور, مش قد السكستنج يومها متبدأهوش اساسا!

٧. الموضوعية

جرب تحكيلها مثلا عن تصورك لأكتر وقت رومانسي ممكن تقضوه سوا, ماتش الاهلي والزمالك في نهائي كأس مصر ميتحسبش ليلة رومانسية بالنسبة لها

normal-snapchat

٨. هات و خذ

المشاركة في الحالة دي مقبولة جدا, يعني الصورة بصورة, الفيديو بفيديو, الرسالة برسالة, متبقاش اناني في السكستنج لان وفقا لمعجم ابن القبيح في تتبيل العلاقات, السكستنج هات وخد.

no-reply

عزيزي الشاب, عزيزتي الشابة, كونوا قبحا مع بعض, قليل من القباحة لا يضير بحدود, هابي سيف سكستنج.

]]> https://mafysh.ballistichq.com/%d9%a8-%d9%82%d9%88%d8%a7%d8%b9%d8%af-%d8%b9%d8%a7%d9%85%d8%a9-%d9%84%d9%84%d8%b3%d9%83%d8%b3%d8%aa%d9%86%d8%ac/feed/ 1 صاحبت؟ برافو عليك! ديه مراحل العلاقة اللي هتمر بيها https://mafysh.ballistichq.com/%d8%b5%d8%a7%d8%ad%d8%a8%d8%aa-%d8%a8%d8%b1%d8%a7%d9%81%d9%88-%d8%b9%d9%84%d9%8a%d9%83-%d8%af%d9%8a%d9%87-%d9%85%d8%b1%d8%a7%d8%ad%d9%84-%d8%a7%d9%84%d8%b9%d9%84%d8%a7%d9%82%d8%a9-%d8%a7%d9%84%d9%84/ https://mafysh.ballistichq.com/%d8%b5%d8%a7%d8%ad%d8%a8%d8%aa-%d8%a8%d8%b1%d8%a7%d9%81%d9%88-%d8%b9%d9%84%d9%8a%d9%83-%d8%af%d9%8a%d9%87-%d9%85%d8%b1%d8%a7%d8%ad%d9%84-%d8%a7%d9%84%d8%b9%d9%84%d8%a7%d9%82%d8%a9-%d8%a7%d9%84%d9%84/#comments Sat, 13 Dec 2014 12:34:57 +0000 http://mafysh.ballistichq.com/?p=1677 شفتها في كتب كتاب زميلك في الشغل؟ اتقابلتوا في عيد ميلاد بنت عمك؟ بتشتغلوا مع بعض في البنك؟ خدت نمرتها وعزمتها على قهوة في كوستا وهي طلبت لاتيه عشان رقيقة وكده؟ مبروك يا جماعة انتما الان في “ريليشن-شيب”.

تعرف معي عزيزي الطالب على تفصيل وتحليل دقيق للعلاقة بين اثنين في مصر…

أولا: مرحلة التظبيط

احلى مرحلة بين اي اثنين وعادة ما تنطوي على الافعال والعبارات الاتية

مفيش حاجة اسمها تركبي تاكسي او تيجي سايقة, انا هعدي اجيبك واروحك
طمنيني عليكي يا حبيبتي
يومك كان حلو؟
جربي ده, بيعملوه هنا كويس اوي (احيانا ممكن تدوقوا بعض بالشوكة)
شكلك حلو اوي النهارده
على فكرة انا بغير
ابعتيلي مسج او كلميني وانتي ماشية ولما توصلي البيت
ارتفاع غير مسبوق في فاتورة التليفون او عدد كروت الشحن
ابتسامة بلهاء دون سبب تستمر طوال اليوم
يوم الشغل بقى طويل وممل وبتحلم بالساعة اللي تروح تقابل الطرف التاني فيها

relationship-stages-2

عدد ساعات النوم بيقل عشان مكالمات الليل واخره بتزيد (غمزة وكده)
مصروف الخروج واللبس بيزيد جدا والكوافير بالنسبة للبنت تحول لاهم شخص في حياتها
بتحبي المانجا؟ وانا كمان…ايه التوافق ده
كل اغاني الحب بقا ليها معني وعبد الحليم حافظ رجع على الساحة
تنهيدة من القلب وانت بتمسك التليفون تكلمها

النصيحة هي, استمتع بكل لحظة بس متحاولش تطول فيها اوي لو حسيت الدنيا بتتغير, التطور من سمات الحياة.

ثانيا: التعديلات والموديفيكشن

انا خايف على صحتك وانتي بتشربي قهوة-سجاير-شيشة-شاي- ليمون بالنعناع كتير
هي صاحبتك دي على طول صوتها عالي كده؟
صاحبك ده شكله بتاع شرب-نسوان-حشيش, صح؟

صاحبت

مامتك على طول بتكلمك كده؟
جالي عريس امبارح (غمزة برضه)
ماما سألتني عليكي امبارح
بابا سألني عليك امبارح

كل ما سبق هي مرحلة اضافة تعديلات طفيفة (او كبيرة) على شخصية اللي قدامك عشان يلائمك ودي حاجة انسانية طبيعية المشكلة فيها بتكون عدم رغبة الاخر في تغيير نفسه. برضه دي مرحلة تمهيدية للصدام والصدام نوعين يا صدام قرار الارتباط الرسمي, يا صدام اكتشافك ان الشخصية دي مش هي اللي ممكن تقضي بقية عمرك معاها.

ثالثا: مين يسيب التاني الاول؟

الحقيقة هي ان فكرة قعدة نسيب بعض دي مش الطف قعدة ولو انت معندكش عشر سنين فانت محتاج تقعد تتكلم معاها زي العاقلين مش تبعت مسج مثلا!

القعدة مش سهلة وكلام الكبار مش هيجي فهتلاقي نفسك بتعمل حركات لا ارادية تبوظ العلاقة (الكلام يسري على الطرفين).

يعني مثلا تبتدوا تفقدوا الاهتمام بالتفاصيل, متاخدوش بالكوا من اي حاجة متغيرة اساسا وتبطلوا تسألوا بعض على حاجة ممكن تكون مملة او فيها حوارات من باب عدم وجود الرغبة في الاهتمام بشيء مش قاعد في حياتك كتير.

relationship-stages

الميل للخروج من غير بعض بيزيد والصمت والبحلقة في التليفون تزيد .من الاخر المرحلة دي علاماتها المميزة هي الرغبة الطفولية في هي انها “تيجي من الطرف الثاني” مش منك.

نصيحتي هي: خليك أد المسؤولية واعمل الصح!

ثالثا بشرطة: يا دبلة الخطوبة وكده

انت من الاحرار يا علي…لقيت فتاة احلامك وابتدت فكرة انك تصحى تلاقيها نايمة معمصة ومنكوشة جنبك مبقتش فكرة وحشة. وانتي متقبلة فكرة غسيل شراباته على الحوض عادي. شوية نصائح عامة ومبروك مقدما:

متاخدش جاتوه وانت رايح تخطب عشان دي معناها انك هتستنى تاكل منه وتقعد تفكر فيه طول القعدة
النيش مش مهم
الشبكة هدية منك ليها, والهدية مش المفروض تتحدد قيمتها مسبقا.
دلع حماتك وانتي قولي لحماتك يا ماما, النتيجة سحرية
مش ضروري تعزم مصر كلها على الفرح, اعزم اللي بيحبوك وهيفرحولك بجد حتى لو عشر افراد
الاستعداد للجواز مش معناه انكوا تبعدوا عن بعض رومانسيا, مينفعش كل الكلام يبقى عن الشقة والفرح والفلوس, ده وقتكوا, استمتعوا بيه
النيش مش مهم
وبالمرة, اوضة اطفال ايه اللي تتكلموا فيها وانتوا لسه لابسين دبل؟ متقاطعوش!
الجواز مش الفرح وليلة الدخلة, دي البداية مش خط النهاية اللي لازم توصلوله.
القائمة ووصل الامانة والشيك على بياض والشقة باسمها, الراجل مش وظيفته تمويل الجواز والطلاق, متتجوزيش راجل انتي كاسرة عينه بالفلوس من اولها

واخيرا…العلاقات مش ترفيه, ارتبط باللي يملا عينك بجد واظهر كل عيوبك قبل مميزاتك, الدنيا اقصر من اننا نقضيها تمثيل.

]]> https://mafysh.ballistichq.com/%d8%b5%d8%a7%d8%ad%d8%a8%d8%aa-%d8%a8%d8%b1%d8%a7%d9%81%d9%88-%d8%b9%d9%84%d9%8a%d9%83-%d8%af%d9%8a%d9%87-%d9%85%d8%b1%d8%a7%d8%ad%d9%84-%d8%a7%d9%84%d8%b9%d9%84%d8%a7%d9%82%d8%a9-%d8%a7%d9%84%d9%84/feed/ 0 ٨ مسلسلات مصرية غير مفهومة، حين تفقد السرقة معناها https://mafysh.ballistichq.com/%d9%a8-%d9%85%d8%b3%d9%84%d8%b3%d9%84%d8%a7%d8%aa-%d8%a7%d9%84%d9%85%d8%b5%d8%b1%d9%8a%d8%a9-%d8%ad%d9%8a%d8%ab-%d8%aa%d9%81%d9%82%d8%af-%d8%a7%d9%84%d8%b3%d8%b1%d9%82%d8%a9-%d9%85%d8%b9%d9%86%d8%a7/ https://mafysh.ballistichq.com/%d9%a8-%d9%85%d8%b3%d9%84%d8%b3%d9%84%d8%a7%d8%aa-%d8%a7%d9%84%d9%85%d8%b5%d8%b1%d9%8a%d8%a9-%d8%ad%d9%8a%d8%ab-%d8%aa%d9%81%d9%82%d8%af-%d8%a7%d9%84%d8%b3%d8%b1%d9%82%d8%a9-%d9%85%d8%b9%d9%86%d8%a7/#comments Sat, 13 Dec 2014 12:17:14 +0000 http://mafysh.ballistichq.com/?p=1661 الظروف اسعفتني رمضان اللي فات وكانت صحتي على قدها فقعدت في البيت قدام التلفزيون وهالني ما رأيته. أه والله.

المسلسلات المصرية بصفة عامة معروفة برتابتها وتشابهها ودي شيء اتعودنا عليه وعلى الكليشيهات المكررة اللي فيها لكن السنة دي والسنة اللي قبلها لفت نظري السرقة البجحة لا مؤاخذة واللي بتبان بسبب فقر السرقة, حتى في السرقة مش عارفين نسرق. تعرف معي على اشهر حالات السرقة المصرية لمسلسلات اجنبية في الكام موسم اللي فات.

١. السيدة الاولى

بصفتي محبة للسيد كيفين سبيسي والسيدة كيري واشنطن كان من السهل اني اشوف الكثير من “الاقتباس” بين مسلسل السيدة والاولى ومسلسلي House of Cards و Scandal . سيبك من الخلطة الغير منطقية واللي مش لايقة اساسا على الساحة السياسية المصرية (من منطلق اننا منزلناش تسعين مرة ننتخب في خلال 3 سنين) لكن من اول لبس غادة عبد الرازق لأخطاء في فهم السياسة المصرية تتأكد تماما ان خلطة المسلسلين دول مع حتة من مسلسل مكسيكي بنفس الاسم مع شينيون غادة عبد الرازق عاملة شغل مش عاطفي خالص.

image1

٢. سرايا عابدين

اول حلقة طلعت منها بتاع 5 اخطاء تاريخية وصاحباتي من ربات البيوت اكدولي ان فيه حتت مسروقة بالظبط من حريم السلطان. على فكرة الخديوي اسماعيل مكانش عنده حريم وكان بيحكم مصر الحديثة اللي هو يعتبر مؤسسها ومكانش مقضيها مع النسوان في السراير طول اليوم, طب خلوه يعدي على مكتبه مرة على سبيل التغيير! سيبك من ان قصي خولي واد مز زي العسل, دي تفاصيل صغيرة!

image2

٣. دهشة

حتى الملك لير مكانش ممل كده! وفكرة المسرحية اتهرست مليون مرة قبل كده. الرحمة حلوة!

٤. هبة رجل الغراب

الله يمسيكوا بالخير با بتوع Ugly Betty , مكانش مكتوب لكوا الاهانة والبهدلة دي والمصحف!

ugly-betty

٥. الصياد

خلطة مستفزة من مسلسل The Mentalist و فيلم The Double ومعندناش ظباط شرطة ومرتزقة سكس اوي كده ولابسين نضارات شمس ومليانين غموض طول المسلسل كده وعلى فكرة ريتشارد جير خط أحمر!

image5

٦. الباب في الباب

عايز تسرق فكرة Everybody Loves Raymond مش إشكال, مش هزعل بس والنبي حتى حاول تغير في تصميم البيت او الحوار او اي حاجة, لاني لو عايزة اشوف اسرة من نيويورك, اتفرج على النسخة المصرية ليه؟

elbabfelbab

٧. احلى ايام

ممكن اتوقف هنا واخد نفس عميق وافتكر اني مينفعش اشتم عشان مشاعرك بس &#@!$@!$ يعني الصراحة, انت مش بس سارق How I met Your Mother بس سارقها بفجاجة وبتقل دم غير مسبوق, ثم ان Barney كان امور, مينفعش يبقى شكله وحش ودمه تقيل في النسخة المصرية, وتاني, الشباب المصريين مش عايشيين في نيويورك ومشاكلهم مش مشاكل شباب نيويورك , اه والمصحف.

image4

٨. احمد اتجوز منى

أه يا قلبي, انتوا مضيتوا على المسلسل ده بقلب جامد ازاي؟ لا حقيقي؟ هو على العموم خليط ما بين Mad About you و Friends و Will and Grace ( من غير الشذوذ). هي حاجة كده شبه لية الخروف وبتدفعك لقطع شرايينك بسرعة.
مش هتكلم عن الافلام لاني ممكن اقعد هنا لحد مصر ماتكسب كاس العالم, ومصر مش هتكسب كاس العالم فانا هتكلم كتير. وعلى رأي شعبان عبد الرحيم: بس خلاص!

cb03e16f088a6ae8082e784727dc2edd_123483008_147

من امريكا لبريطانيا وتركيا وحتى المكسيك (المكسيك يا كفرة), انا خايفة افتح التلفزيون رمضان اللي جاي الاقينا سارقين من كوريا الجنوبية وبيرو, حسبي الله ونعم الوكيل!

]]> https://mafysh.ballistichq.com/%d9%a8-%d9%85%d8%b3%d9%84%d8%b3%d9%84%d8%a7%d8%aa-%d8%a7%d9%84%d9%85%d8%b5%d8%b1%d9%8a%d8%a9-%d8%ad%d9%8a%d8%ab-%d8%aa%d9%81%d9%82%d8%af-%d8%a7%d9%84%d8%b3%d8%b1%d9%82%d8%a9-%d9%85%d8%b9%d9%86%d8%a7/feed/ 0 خمس جمل هتسمعها عند الميكانيكي https://mafysh.ballistichq.com/%d8%ae%d9%85%d8%b3-%d8%ad%d8%a7%d8%ac%d8%a7%d8%aa-%d9%87%d8%aa%d8%ad%d8%b5%d9%84%d9%83-%d8%b9%d9%86%d8%af-%d8%a7%d9%84%d9%85%d9%8a%d9%83%d8%a7%d9%86%d9%8a%d9%83%d9%8a/ https://mafysh.ballistichq.com/%d8%ae%d9%85%d8%b3-%d8%ad%d8%a7%d8%ac%d8%a7%d8%aa-%d9%87%d8%aa%d8%ad%d8%b5%d9%84%d9%83-%d8%b9%d9%86%d8%af-%d8%a7%d9%84%d9%85%d9%8a%d9%83%d8%a7%d9%86%d9%8a%d9%83%d9%8a/#comments Sat, 29 Nov 2014 13:20:34 +0000 http://mafysh.ballistichq.com/?p=1573 بما اننا كلنا مش سهل بالنسبة لنا تغيير العربية اول ما تبتدي اعطالها تزيد فأكيد فيه مرحلة في حياتك هيتحول فيها الميكانيكي لصديقك الصدوق وانتيم عمرك, المرحلة دي من علاماتها الاساسية ان نمرة الميكانيكي دايما في صفحة Recent Calls في تليفونك ده غير انك عارف اسم مرات الميكانيكي وعياله ومشاكلهم مع مدرس الكيميا.

ده مش معناه ان حياتك اسهل او انه الصراحة الميكانيكي دايما بيصلحلك عربيتك في صمت, لا لازم يسمعك كلام معين كل مرة تروحله

١. شكلك دورتها وطلعت على طول

امال هقرا عليها تعويذة او اغنيلها؟ عمري ما فهمت الغرض من السؤال وعمري ما فهمت الخطوات المتبعة في تدوير العربية.

٢. دي مشكلة في دورة السربنتينة فالريدياتير اتخض منك بس بسيطة

هي مشكلة انت مش فاهمها ولو جبت شركة مرسيدس او فيات من بيتها تشرحلك هتلاقيهم مش فاهمين الميكانيكي قصده ايه بس متتعبش دماغك, المهم ان العربية بتتصلح وتمشي بعدها

٣. قطعة غيار ايه سيادتك, انا هتصرف عندي هنا جوه

حتى لو هو احرف من الشركة الام بمراحل, قطعة الغيار الاصلية ليها لازمة مهمة في حياتك وهي انها معمولة مخصوص لعربيتك مش على ايد خراط مخلص شريط ترامادول حالا

٤. لا يا باشا دي عايزة شغل تعالالي الصبح بدري ان شاء الله

اديله خمس ايام وبعدين ابتدي اسأل على العربية على استحياء من غير قفش, الفرق بين الميكانيكي والتوكيل ان الميكانيكي ارخص بس شغال على توقيته الخاص اللي ملوش علاقة بالعالم البشري خالص

٥. مين اللي صلحلك البتاع ده, ده مش شغل ايدي

لازم يطلع السمكري او الكهربائي حمار قراري وانت اغبى منهم عشان وديت عربيتك عند حد تاني غيره او من غير الرجوع ليه. في الحالة دي انقذ نفسك واعتذر, متحسسوش بجرح الخيانة اكتر من كده. عامله على انه زهرة رقيقة اتجرحت من اقرب الناس ليه ومشي حالك, عشان انت محتاجه وعشان انت محتاجه يولع الكهربائي والسمكري لحد مترجع لهم تاني يبقى يحلها ربنا.

خلاصة الحوار: الميكانيكي بينصب عليك وهينصب عليك وبيعمل شغل مش منطقي وعنده مصطلحات مش طبيعية, لكن انت محتاجه, تقبل الموضوع ده كأحد حقائق الكون وتعامل معاه بصورة طبيعية ومتنساش تلبس لبس مريح وتاخد معاك لانش بوكس وأكل وشرب كفاية وتعمل حسابك تعمل بيبي في زقاق ورا الورشة لو انت ناوي تقضي اليوم عشان “تقف على ايده وكده”. إنجوي حضرتك وهتوحشنا مقدما.

]]> https://mafysh.ballistichq.com/%d8%ae%d9%85%d8%b3-%d8%ad%d8%a7%d8%ac%d8%a7%d8%aa-%d9%87%d8%aa%d8%ad%d8%b5%d9%84%d9%83-%d8%b9%d9%86%d8%af-%d8%a7%d9%84%d9%85%d9%8a%d9%83%d8%a7%d9%86%d9%8a%d9%83%d9%8a/feed/ 0 فلوس ضرايبي فين يا حكومة؟ https://mafysh.ballistichq.com/%d9%81%d9%84%d9%88%d8%b3-%d8%b6%d8%b1%d8%a7%d9%8a%d8%a8%d9%8a-%d9%81%d9%8a%d9%86-%d9%8a%d8%a7-%d8%ad%d9%83%d9%88%d9%85%d8%a9%d8%9f/ https://mafysh.ballistichq.com/%d9%81%d9%84%d9%88%d8%b3-%d8%b6%d8%b1%d8%a7%d9%8a%d8%a8%d9%8a-%d9%81%d9%8a%d9%86-%d9%8a%d8%a7-%d8%ad%d9%83%d9%88%d9%85%d8%a9%d8%9f/#comments Sat, 29 Nov 2014 12:58:34 +0000 http://mafysh.ballistichq.com/?p=1566 قالك في الدول المتقدمة اللي احنا منها (ضحكة رقيعة), فيه حاجة خير اللهم اجعله خير اسمها ضرايب, انا وانت بندفعها من دخلنا. هي حاجة ده ببساطة زي مصروف البيت اللي بتديه لمراتك. هي بتستخدمه عشان تأكلك وتشربك وتدلعك وتلبسك وتعالجك وكده.

في مصر الموضوع مختلف شوية, تحس مراتك ناشز وبتاخد منك نفقة متعة ونفقة أطفال والشقة اساسا رغم انكوا مخلفتوش. يعني انت بتدفع كل شهر عشان متاخدش اي حاجة خالص. تعرف على اكثر اوجه عبثية تنفق فيها الحكومة فلوس ضرايبك. والضحك ممنوع والشتايم ممنوعة

١. الفحر

اللي هو مش الحفر, اللي هو لما شارع بيتكوا يتحفر عشان الغاز وبعدين يتحفر عشان المية وبعدين عشان الكهرباء وبعدين عشان التليفونات حطت حاجتها مكان الكهرباء من غير متقول لبتوع الكهرباء, تحس كده ان فيه علاقات فاشلة ومشاكل في التواصل. في الحالة دي ممكن يستغلوا فلوس الضرايب في انهم يجيبوا تليفونات محمولة يكلموا بعض وينسقوا قبل ما يبهدلوا ام الشارع.

٢. متلازمة الكهرباء والزبالة

تنقسم المشكلة لمليون مصيبة, لو انا بدفع فلوس من ضرايبي عشان تنضفوا الشارع من الزبالة, ليه بتنزل فلوس الزبالة على فاتورة الكهرباء وبعدين اصلا انا بحاسب الزبال كل شهر. يعني انا بدفع 3 مرات والشوارع مليانة زبالة.

٣. الدعم

كلنا زي الجدعان دفعنا عشان كارت الدعم بتاع البنزين, والحكومة بتدفع فيه من فلوس ضرايبنا, هو حاليا مأنسني في المحفظة مبعملش بيه حاجة. لا والكارت مميكن كمان, العبي يا حكومة يا الكترونية!
20141118_184204

٤. السينما

اللي اعرفه ان الحكومة بتدعم الفن من فلوس ضرايبي, طيب انا بدفع حاجات غريبة من ضمن تمن التذكرة ليه؟ ايه ضريبة الخير دي؟ افرض انا شريرة وعايزة ادخل النار, انتوا بتاخدوا الفلوس مني غصب عني ليه؟

٥. نور الشوارع

في مصر فلوس ضرايبك بتخلي الشوارع بالليل ضلمة وشاعرية والصبح منورة جدا, ليك شوق في حاجة؟

٦. الطرق والكباري

لسه بنخبط بعض في حوادث والمحور بيتصلح على فكرة من ساعة ما انا كنت بضفاير. عادي بأه.

hawadth

٧. التعليم في مصر

هاهاهاها, اه والله. احنا بندفع تمن التعليم الحكومي من ضرايبنا بس هو سؤال الحلقة بصفتي خريجة التعليم الحكومي, احنا بندفع مصاريف كتير برضه على فكرة وليه بدفع 100 جنيه عشان رسوم شهادة التخرج اللي عمري ماستلمتها عشان الموظفة كل مرة تبقى في اجازة وضع.
القمامة-تصوير-مريهام-صالح-2-1024x682

٨. مكتب العمل

اللي هو ببلاش الصراحة بس هو لازمته ايه غير انك تروح تكتب اسمك عند واحد يحول مجال تخصصك لحاجة ملهاش علاقة بيك ويديك ورقة حقيرة مكتوبة بخط ايدك تترمي برضه في ملف تعيينك في الشركة. يعني الموظفين دول بيقبضوا من فلوس ضرايبي عشان يعملوا ايه؟ وبالمرة, انا خريجة اداب انجليزي, اتكتب في مكتب العمل اني مدرسة انجليزي ليه؟ انا عمري ما درست ولا اشتغلت في مدرسة اساسا!

٩. الصحة

المفروض ان الحكومة بتعالجنا ببلاش من اي مرض بخدمة خمس نجوم من فلوس ضرايبنا, * ضحكات شريرة متقطعة*

١٠. الحماية

اوقف الضحك! المفروض ان الشرطة بتقبض من فلوس ضرايبي عشان لما الاقي حرامي يجوا يمسكوه مش نكلم النجدة تقولنا لو سمحتوا هاتوا الحرامي انتوا مش بعاد عن القسم *ترو ستوري*

*حاجة اضافية من باب التنفيس: هي دي مش ضرايب اوي بس المأذون بياخد نسبة من مهري ليه؟ انا اللي هتجوز جوزي مش هو, لو هياخد نسبة من مهري يجي يطبخ بدالي مرة في الاسبوع!

خلاصة القول, هتدفع الضرايب وانت ساكت ومش هتاخد بيها حاجة مفيدة وانت ساكت برضه. تعامل مع الحكومة على انها طليقتك اللي قارفاك وانت اللي غلطان انك اتجوزتها اساسا.

]]> https://mafysh.ballistichq.com/%d9%81%d9%84%d9%88%d8%b3-%d8%b6%d8%b1%d8%a7%d9%8a%d8%a8%d9%8a-%d9%81%d9%8a%d9%86-%d9%8a%d8%a7-%d8%ad%d9%83%d9%88%d9%85%d8%a9%d8%9f/feed/ 0 فيلم الرعب المصري الاول: الموضة https://mafysh.ballistichq.com/%d9%81%d9%8a%d9%84%d9%85-%d8%a7%d9%84%d8%b1%d8%b9%d8%a8-%d8%a7%d9%84%d9%85%d8%b5%d8%b1%d9%8a-%d8%a7%d9%84%d8%a7%d9%88%d9%84-%d8%a7%d9%84%d9%85%d9%88%d8%b6%d8%a9/ https://mafysh.ballistichq.com/%d9%81%d9%8a%d9%84%d9%85-%d8%a7%d9%84%d8%b1%d8%b9%d8%a8-%d8%a7%d9%84%d9%85%d8%b5%d8%b1%d9%8a-%d8%a7%d9%84%d8%a7%d9%88%d9%84-%d8%a7%d9%84%d9%85%d9%88%d8%b6%d8%a9/#comments Sat, 29 Nov 2014 11:57:14 +0000 http://mafysh.ballistichq.com/?p=1559 بصفتي بنت عايزة يبقى شكلها حلو, بتابع الموضة العالمية والمحلية… برافو, صح؟

لا غلط! انا بعاني مع المفهوم المصري للموضة والمفاهيم الخاطئة للبنات فيما يتعلق بالموضة الحريمي.

هيا بنا نخوض في معركة الرعب المستمرة وهي موضة البنات في مصر.

١. جلد النمر- الحمار الوحشي- جلد اي حيوان متوفي

هو مش وحش, وشكله لطيف, بس عامة يعني انتي مش نمر فمينفعش يا اختي الطقم كله يبقى نمر, نوعي, غيري, قطعة واحدة تكفي, وحياة اغلى حاجة حاجة عندك, متتحوليش لذكر النمر المتربص بفريسته, احنا مش ناقصين رعب!

٢. نظرية قمع المرور الفسفوري

انتي مش سايس في باركنج سيكويا ومش قمع التصليح اللي بنحطه واحنا بنغير العجلة على الصحراوي بالليل, ثم ان موضة الفسفوري خلصت من 2013 اساسا وغير كده لو معذورة اوي في الموضوع يعني, برضه ركزي في قطعة واحدة واختاري لون ونوع قماش مش عاكس للضوء, بحس اني في فيلم فانيال ديستينشان وشبح الموت المضيء داخل عليا.

٣. اي حاجة لابساها احلام

دي قاعدة عامة, للتوضيح انظري الشكل بالاسفل
ahlam

٤. لفة الهدايا

انتي محجبة وفرفوشة وبتحبي الالوان, وده شيء جميل. لكن انك تحشي سفنج في راسك عشان راسك تبقى كبيرة ده بيفكرني بفيلم مارس اتاكس او انك مخبية الخزنة فوق راسك, عايز تباني اطول البسي كعب, غير كده بلاش والنبي!
laffa

٥. بنطلون البمبوطية او بنطلون علاء الدين

لو انتي علاء الدين يبقى فين المصباح؟ مش عشان حاجة غير انه لازم يكون وزنك 40 كيلو عشان البنطلون ده يبقى شكله حلو عليكي ولما تجيبيه بتنقي الملون اللي مليان ورد ونقوشات, يعني بيجاما مطلعاكي عندك جنوط سبور في الجنب, برافو!

٦. الاي شادو والاي لاينر ومهرجان الوان 2015

بمنتهى البساطة, لو لقيتي نفسك بتختاري اكتر من ثلاث الوان اي شادو او الاي لاينر خارج بره عينيكي اهربي! محدش بيبقى شكله حلو في الطلعة دي خالص, لمزيد من المعلومات راجعي نظرية الكولور وييل او عجلة الالوان واختار 3 الوان بس ماشيين مع بعض. اكتر من كده بفتكر اي مهرج في سيرك مصر القومي وانا بخاف منهم الصراحة.

٧. ضوافر الساحرة الشريرة

لو ناوية تمصي دم عشر بنات عذراوات عشان تحصلي على الشباب الدائم ركبي الضوافر دي, لو ظروفك مختلفة يبقى لا! وبالمرة, بلاش حد يقنعك بانك تلزقي حاجات او ترسمي حاجات على ضوافرك لو انت عديتي سن العشرين.
long-nails

٨. الجليتر ومشتقاته

انا حالفة متكلمش عن الموضوع ده عشان صحتي, اي حاجة عاكسة للضوء مش من مصلحتك فمتلبسيش حاجة بتفكر الناس بدبدوب ملفوف تحت الكوبري يوم الفالنتاين.

]]> https://mafysh.ballistichq.com/%d9%81%d9%8a%d9%84%d9%85-%d8%a7%d9%84%d8%b1%d8%b9%d8%a8-%d8%a7%d9%84%d9%85%d8%b5%d8%b1%d9%8a-%d8%a7%d9%84%d8%a7%d9%88%d9%84-%d8%a7%d9%84%d9%85%d9%88%d8%b6%d8%a9/feed/ 0 قواعد الشيشة الثلاثون (من واحدة بنت) https://mafysh.ballistichq.com/%d9%82%d9%88%d8%a7%d8%b9%d8%af-%d8%a7%d9%84%d8%b4%d9%8a%d8%b4%d8%a9-%d8%a7%d9%84%d8%ab%d9%84%d8%a7%d8%ab%d9%88%d9%86-%d9%85%d9%86-%d9%88%d8%a7%d8%ad%d8%af%d8%a9-%d8%a8%d9%86%d8%aa/ https://mafysh.ballistichq.com/%d9%82%d9%88%d8%a7%d8%b9%d8%af-%d8%a7%d9%84%d8%b4%d9%8a%d8%b4%d8%a9-%d8%a7%d9%84%d8%ab%d9%84%d8%a7%d8%ab%d9%88%d9%86-%d9%85%d9%86-%d9%88%d8%a7%d8%ad%d8%af%d8%a9-%d8%a8%d9%86%d8%aa/#comments Sat, 29 Nov 2014 11:43:17 +0000 http://mafysh.ballistichq.com/?p=1553 تحب اقولك على ثقافة الشيشة المصرية؟ اكيد لا. انت بتنزل كافيهات ومطاعم وعارف علاقة العشق والوله بين المصري ولي الشيشة.

الحقيقة انه برغم سيطرة الشيشة على ساحة ضرر الرئة المصرية الا انه بتفوت على الرجالة كيفية تعامل البنت المصرية مع الشيشة. اليك قواعد الشيشة الثلاثون من واحدة بنت على دراية بكل ما تحمله الشيشة من معاني.

١. الكيف مناولة

لما البنت بتشيش مبتعزمش الا على صاحباتها البنات من باب التعرف على المذاقات او التأكيد على كون الشيشة مكتومة او منفسة او “طعمها غريب, صح؟”

٢. حجر الصباح يسبق كل شيء

يعني البنت تحب تظبط دماغها في الصباح بالشيشة خاصة لو مقبلة على يوم صعب او مليء بالتوتر في حياتها. اعرف شخصيا عروسة نزلت لافة شعرها يوم فرحها بالرولو عشان تلحق حجر ما قبل الزفاف.

٣. رجل الشيشة الاول

لو البنت معتادة تقعد في مكان بعينه دايما يكون ليها رجل الشيشة المفضل اللي قادر على تحمل وفهم اهوائها المتغيرة دائما فيما يتعلق بالشيشة, الراجل ده بيتحول لصديقها الصدوق زي الكوافير كده ومش من حقك كراجل تغير منه لان المقارنة مش في صالحك.

٤. البلو ميست زي الخاتم السوليتير

لو بتحب بنت بتشيش وعرضت تعزمها على حجر “بلو ميست” وهو نوع امريكي من المعسل ذو طعم مختلف بس غالي حبتين. انت كده قدمتلها المعادل الموضوعي للخاتم السوليتير. مبروك مقدما!

٥. رجل الشيشة الشرير

راجل الشيشة اللي ريحته مش حلوة او دمه تقيل او بيجيب الشيشة غلط هو راجل شرير لازم يموت دلوقتي, اقلب وشك عليه شوية وهي هتشيلهالك وتردهالك.

٦. كله الا القص

كونك بتشيش زيها ده شيء محمود ولطيف ويحسب لك. لكن اختيارك للمعسل ممكن يدمر العلاقة. الشيشة القص والسلوم والتومباك بيحسسها انها خارجة مع غفير مقابر. خلي المعسل ده لقعدة القهوة مع صحابك بعد ما تروحها البيت. مشيها خوخ, الخوخ حلو مفيش كلام.

٧. الفحم الصغير اوجب

البنت دايما بتحاول تبين خبرتها في الشيشة وعشان كده بتستقي خبراتها من فيلم الكيف وتطلب فحم “سماسم” يعني صغير قال عشان يعني “الحجر ميتحرقش”.

٨. الدين لله والفليفورز متغيرة

مفيش بنت ثابتة على طعم او مذاق شيشة واحد , من الخوخ الى الدراق الى الليمون, كله على كله وكله بيتغير كل يوم.

٩. الشيشة مع الاكل والشرب وقبل النوم وبعده

ادمان الشيشة بالنسبة للبنت شيء بتكيف حياتها عليه, وبيتضافر المجتمع كله لتسهيل حصولها على حجر الصباح وحجر الوداع (اللي هو حجر قبل ما تروح).

١٠. الصحاب ماشيين بس الشيشة قاعدة

يعني لو الصاحبات خارجين في مكان مفيهوش شيشة مش اوبشن. امام البنت اختيارين اساسيين في هذه الحالة , يا رفض الخروجة او دفع البنات للخروج في مكان فيه شيشة او الاختيار الخفي لو بتحب صاحباتها انها تمشي بدري عشان “تلحق الحجر”.

shisha2

١١. يعني ايه افطار من غير شيشة

مينفعش في رمضان تفكر تخرج مع بنت في مكان مفيهوش شيشة, ده غير ان مفيش في مصر مكان مبيقدمش شيشة في رمضان اساسا. كونك بتفكر في مطعم سوشي في رمضان ده شيء مهين ومستفز وابعد عنها دلوقتي عشان مخدتش الجرعة.

١٢. العزومة ليها اصول

لو البنت كانت لطيفة وقررت تشارك واحدة صاحبتها في شيشة الاصول بتقول انها تمسح المبسم بأيدها او تشيله خالص ان امكن قبل ما تقدم الشيشة لصاحبتها. الامراض منتشرة زي ما انت عارف.

١٣. لو الشيشة مش حلوة, اهرب!

لو لسبب ما يتعلق بالقدر البنت قررت ان الشيشة في المكان ده مش “ظابطة” وجربت كذا واحدة والراجل بتاع الشيشة ابتدى يتخنق. عندك قرار تاخده ما بين اختيارين, يا تاخدها وتروح مكان تاني يا اما تاخدها تروح مكان تاني. حذاري تعتبر ان الليلة خلصت وتقرر تروح بيها. هذه اهانة لا تغتفر.

١٤. المشاركة الوجدانية مطلوبة

البنت بطبيعة الحال معندهاش مشكلة تكون هي الوحيدة اللي بتشيش لكن لو انت بتحبها هتجرب وتدوق عشان “تحسها”, معلش هو ده قدرك, هات الشيشة لو على سبيل الديكور وصدقني هتدعيلي.

١٥. الحمل والشيشة

من الذوق ان البنت متشربش شيشة لو صاحبتها او قريبتها قاعدة وحامل. بلاش ندمر اجيال قادمة من الرحم اساسا, لو في اطفال في القعدة او واحدة حامل عوضي الشيشة فيما بعد

١٦. قعدة الشيشة في البيت

جرت العادة ان البنات تحلم ببيت الزوجية والفارس اللي هيخدها على حمار ابيض لكن البنت مدمنة الشيشة بتضيف تفصيلة صغيرة وهي قعدة الشيشة العربي في البيت وغالبا في البلكونة “عشان لو فيه بيبي وكده”.

١٧. حالة التنين الوردي

فيه مرة في الشهر هتلاقي البنت اللي بتشيش بتستهلك عدد احجار غير طبيعي. ده بسبب متلازمة اللي بالي بالك وتوتر الهرمونات الغير مستقرة, سيبها تقضي على الحجر وانت ساكت.

١٨. عندك شيشة فانيليا ايراني؟

البنات هي القوة الشرائية الدافعة وراء صناعة المعسل ولهذا السبب هتلاقي انواع والوان واشكال من المعسل البنات بتتكلم عليها. فانيليا, ميلك شيك, جوز هند بالقرفة,كبدة اسكندراني, حاجات غريبة مسلية البنات بتحبها, عدي الليلة وخلاص من غير تريقة.

١٩. المروحة بتبوظ كل شيء

لو فيه مروحة او تكييف حوالين الشيشة البنت بتتوتر من الشيشة واحتمال ان الحجر يتحرق. الشيشة مهمة والتكييف مهم وايجاد التوازن بين الاثنين شيء من دروب المستحيل ويجب عليك تفهم توترها في المسألة دي.

٢٠. المبسم الطبي حلو مفيش كلام

من المهم ان المبسم واللي يكون طبي وانه يجي في الكيس المقفول. دي ليها علاقة بالنظافة وانتقال الامراض ومش استعباط ولا رخامة من البنت, الشيشة بطبعها تتنقل بين الناس وده شيء مقلق, نحن لا نزرع الشوك بس الحرص واجب.

٢١. الحجر بيحلو اول ما تطلب الحساب

دي قاعدة ميتافيزيقية ملهاش تفسير. اول ما تطلب الحساب وهتقوم هتلاقيها مش بتقوم لأن “الحجر احلو فجأة” تتبعها “استنى شوية”. الصبر فضيلة في هذه الحالة.

٢٢. الشيشة بتنور, الله!

فيه سوق كبير للشيشة بكافة الاشكال, من الشيشة الميني لشيشة ميدوسا (انظر الشكل ادناه) للشيشة اللي بتنور او اللي بتغني, كل ما زادت الافتكاسات تقدر تعرف البنت اللي بتشيش بجد عن اللي بتشيش من باب الموضة. البنت اللي بتشيش بجد لن تقتنع بكل هذه الاختراعات وهترجع لاصلها للشيشة المعمولة في الورشة في الحسين وحجر الخوخ او التفاح الاصيل.

٢٣. الماشة والبنات

الماشة هي الة شبيهة بالملقاط الكبير سوية تستخدم لوضع الفحم على الحجر, لو البنت طلبت الماشة بنفسها ده دليل على قدرتها الخارقة ومعرفتها برغباتها فيما يتعلق بمدى سخونية الحجر.

٢٤. الشيشة يعني فيروز

زي ما الشتا بيفكرك بفيروز فالشيشة وام كلثوم وفنجان القهوة او الشيشة وفيروز وفنجان الشاي هما حالة فنية شبيهة بالحلم, لو لقيت البنت في الحالة دي سيبها والنبي, بلاش نكد.

٢٥. الشيشة مش بتاعة المعلمات

البنت ممكن تكون متعلمة ومصروف عليها وغنية وبتشتغل في كاريير لطيف وبتحب الشيشة, متطبقش الطبقية في الشيشة والنبي.

٢٦. اللبان صديقك الصدوق

الحقيقة ان حوالي 85% من البنات مش بيقولوا انهم بيشيشوا, وده معناه ان لازم تحصل اجراءات وقائية قبل الشيشة, هتلاقي لبان في البق بسرعة ورشتين “بودي سبلاش” قبل ما يروحوا, ده امر طبيعي لا يستدعي توقفك معاه اطلاقا.

٢٧. لو الدنيا بتمطر…

لو الدنيا بتمطر البنت اللي بتشيش هتقعد بره, دخان الشيشة في الاماكن المغلقة مش لطيف وهو عارفة, البس لبس تقيل واعتبر نفسك في فيلم اجنبي رومانسي وعدي الليلة.

٢٨. كل الاماكن لا تستوي

البنت معندهاش مشكلة تجرب اماكن الشيشة الجديدة ولكن يظل لها مكان مفضل معتاد عادة قريب من بيتها. الشيشة طقس بالنسبة لها وليست موضة.

٢٩. حجر الصباح قبل كل شيء (اه تاني, فيه حاجة)

]]> https://mafysh.ballistichq.com/%d9%82%d9%88%d8%a7%d8%b9%d8%af-%d8%a7%d9%84%d8%b4%d9%8a%d8%b4%d8%a9-%d8%a7%d9%84%d8%ab%d9%84%d8%a7%d8%ab%d9%88%d9%86-%d9%85%d9%86-%d9%88%d8%a7%d8%ad%d8%af%d8%a9-%d8%a8%d9%86%d8%aa/feed/ 0 الو, سمعت عن كيو نت؟ https://mafysh.ballistichq.com/%d8%a7%d9%84%d9%88-%d8%b3%d9%85%d8%b9%d8%aa-%d8%b9%d9%86-%d9%83%d9%8a%d9%88-%d9%86%d8%aa%d8%9f/ https://mafysh.ballistichq.com/%d8%a7%d9%84%d9%88-%d8%b3%d9%85%d8%b9%d8%aa-%d8%b9%d9%86-%d9%83%d9%8a%d9%88-%d9%86%d8%aa%d8%9f/#comments Sat, 29 Nov 2014 10:45:52 +0000 http://mafysh.ballistichq.com/?p=1546 مين مننا مخسرش شوية من أصحابه في الطلعة دي؟ تصحى على تليفون او مسج من صديق قديم مشفتوش من ايام فحت البحر(اللي هو حفر قناة السويس الاولانية) يقولك لازم اقابلك في حاجة ضروري. تنزل تقابله تسمع سيناريو مبيتغيرش عن كيو نيت وقد ايه انت هتعمل فلوس من البيت أو وانت قاعد على البحر, تقع فيها وتشتري حصة وتبتدي تلف على الاصحاب القريبين والبعاد والبواب وابن البواب والجنايني وابن اخته وزمايلك في الشغل, ده غير انك بتدخل ماما وخالتك وابن اختك اجباري اساسا.

BTa-1mpCAAA6vXT

بس هي ايه كيو نيت؟

هي فكرة البيع المباشر عن طريق النظام الهرمي, يعني تبيع منتج من منتجات الشركة لاصحابك فتكسب نسبة من تمن المنتج ولما هما يبيعوا لاصحابهم انت برضه تاخد نسبة اقل وهكذا. من الاخر كل ما تدخل ناس عن طريق رقم التعريف بتاعك ما تكسب فلوس وانت قاعد في البيت.

بعد ما تقريبا مصر كلها سمعت عن كيو نت وخسرت اصحابها بسبب كيو نت (السبب الرئيسي انك لما ترفض صاحبك بيقفش عليك باعتبارك خنته مع مراته تقريبا) الناس ابتدت تسيب شغلها وتركز عليها لدرجة خلت دار الافتاء تتوقف وتقول على فكرة الحوار كله حرام وغير جائز بصفته نوع من انواع النصب.

1e06e10b8ad3f5b5c19dd7fb64a848895ec9908f468313f530fa0439e21427f3

انا مش بقول هو نصب ولا لأ لاني عمري ما دخلته بس مثلا لاحظت ان 99% من الناس اللي اعرفها اللي دخلت كيو نت دي مكملتش فيه واللي كملوا مكسبوش فلوس زي ما هما فاكرين او كسبوا فلوس بس خسروا الناس اللي في حياتهم. تنوعت الاسباب وعمري ما فهمت كيو نت بجد وعمري ما اقتنعت بالفكرة.

فكرة ان الشركة مثلا بتغير اسمها كتير واتمنعت في دول كتير دي قلقني, حتى لو انا مش شايفة المشكلة بعيني او مش قادرة احط ايدي عليها لكن انا شامة ريحتها. اصل لو كلنا سبنا شغلنا وقضيناها بيع مباشر او غير مباشر, مين اللي هيشتري ومين اللي هيعمل المنتجات اللي هتتباع.

qnet

اللي انا ملاحظاه ان طلبة الجامعة اليومين دول رجعوا يقعوا في الحوار وحاسة اني لازم اقولهم ياخدوا بالهم ويقروا شوية عن الموضوع.

من الاخر, عايز تدخل على اي شركة من دول وتعمل مصلحة؟ وماله مش عيب! بس متبقاش لازقة ومتخليش الموضوع يسيطر على حياتك ويخسرك شغلك واهلك واصحابك والمحيطين بيك واعملها بصياعة, متوقفش الناس اللي متعرفهاش في الشارع تقنعهم بالفكرة لانك هتتاكل علقة ملهاش حل.

]]> https://mafysh.ballistichq.com/%d8%a7%d9%84%d9%88-%d8%b3%d9%85%d8%b9%d8%aa-%d8%b9%d9%86-%d9%83%d9%8a%d9%88-%d9%86%d8%aa%d8%9f/feed/ 0