Mafysh - مفيش » منة الباز https://mafysh.ballistichq.com Fri, 02 Sep 2016 12:24:17 +0000 ar hourly 1 https://wordpress.org/?v=4.0.38 دليلك للمناقشات السياسية في مصر https://mafysh.ballistichq.com/%d8%af%d9%84%d9%8a%d9%84%d9%83-%d9%84%d9%84%d9%85%d9%86%d8%a7%d9%82%d8%b4%d8%a7%d8%aa-%d8%a7%d9%84%d8%b3%d9%8a%d8%a7%d8%b3%d9%8a%d8%a9-%d9%81%d9%8a-%d9%85%d8%b5%d8%b1/ https://mafysh.ballistichq.com/%d8%af%d9%84%d9%8a%d9%84%d9%83-%d9%84%d9%84%d9%85%d9%86%d8%a7%d9%82%d8%b4%d8%a7%d8%aa-%d8%a7%d9%84%d8%b3%d9%8a%d8%a7%d8%b3%d9%8a%d8%a9-%d9%81%d9%8a-%d9%85%d8%b5%d8%b1/#comments Wed, 01 Apr 2015 22:30:08 +0000 http://mafysh.ballistichq.com/?p=2054 بعد 25 يناير، كل واحد طلع المحلل السياسي و الخبير الاستراتيجي الي جواه، و بدأ يحلل و يتوصل لنظريات و مؤمرات و يحاول يقنع بيها الي حوليه او يفرضها عليهم. كل مصري عنده اعتقاد تام ان اكتر واحد عارف مصلحة البلد ديه فين و عنده افكار بناءة للنهوض بالوطن و نظرة ثاقبة لا تخطئ في اختيار الشخص المناسب لتولي اي منصب مهم في البلد. و عشان تتجنب حرقة الدم و تفضل محافظ على صحتك، تجنب الاتي:

١. الاهل

بعد 30 يونيو حصلت تغييرات جذرية في معظم العائلات المصرية، كلهم مجمعين على رأي واحد و مقتنعين ان هو الي صح، و من وقت للتاني هيتكلموا معاك عشان يقنعوك انهم هما الي صح و عارفين مصلحة البلد فين و ان انت و الي شباب الي زيك على نيتكم و مش فاهمين حاجة في اي حاجة. متحولش تتناقش او تقنعهم بوجهة نظرك لانك لو خالفت رأيهم هيبدأوا يسألوا اسئلة من نوعية “هو انت مع الاخوان و لا العيال البايظة بتاعت 6 ابريل؟” و هيتهموك انك مبتحبش البلد ده بدليل انك قلتلهم مرة انك عايز تشتغل بره. لو كانوا كمان من الي بيتفرجوا على احمد موسى، يستحسن تتجنب اي نقاش سياسي، لانك لو اختلفت معاهم، مش بعيد احمد موسى يقنعهم انك ارهابي و عايز تخرب البلد

9181145109_d746ce1796_k

٢. دكاترة الجامعة

بعد اخر حلقتين عملهم باسم يوسف من برنامج البرنامج، دكاترة كلية اعلام حبوا يناقشوا معانا “ظاهرة باسم يوسف” و انه قد ايه وحش و مينفعش يستخدم الفاظ خارجة على التليفزيون. دكتورة من قسم اذاعة و تليفزيون كان عندها اقتناع تام انها هى الي شارية التليفزيون و الريسيفر و مش عايزة باسم يوسف عليه عشان ميدخلش بيتها، حاولنا نقنعها ان فيه اختراع اسمه ريموت و ببساطة ممكن متتفرجش بس مفيش فايدة. مش محتاجة طبعاً اقول الفاينال جه عامل ازاي. الخلاصة: سيب الدكتور يهري زي ما هو عايز و متأمنلوش لو قال انا عايز اعرف رأيكوا و اخد فكرة عن توجهات الشباب و الجو ده

9262545772_5378f40f8c_k

٣. الساوقين

تقريباً سواقين مصر كلها حافظين نفس الاسطوانة الي هتسمعها في الغالب في كل مواصلة هتركبها. وبتبقى حاجة زي كده (البد خربت، مفيش امان، الشغلانة مش جايبة همها، ركب معاه واحد اخواني قبل كده و لما عرف نزله في نص الطريق و سابه، التاكسي بتاعه ولع تلت مرات قبل كده بس محصلوش حاجة بفضل ربنا) و غالباً هيحكيلك عن قصص البطولية ايام ثروات مصر كلها و في الاخر هيسألك عن رأيك في الي بيحصل في البلد. متقألوش رأيك لانك 1)مش هتخرج باي حاجة مفيدة من المناقشة 2)هتجيب لنفسك وجع الدماغ

٤. صحابك

غالباً انت و اصحابك القريبين منك بتبقى افكاركم عامة متقاربة مع بعض فمش محتاجين تنقاشوا افكاركم السياسية مع بعض، بس زمايلك في الجامعة او الشغل ليهم نفس اراءك، المناقشة معاهم كتير ممكن تخسركوا بعض و ياما في ناس عملت لصحابها و زمايلها بلوك على فيس بوك عشان اراءهم السياسية مختلفة

7029060335_23a24eabbb_b

٥. الانترنت

الانترنت و مواقع التواصل الاجتماعي ادت الفرصة لكل من هب و دب انه يتكلم في اي حاجة و ينشر افكاره و ان يبقى فيه تواصل و الناس تتناقش و ترد على بعض. لو عندك وقت و طاقة انك تفضل تتناقش و تعيد و تزيد في الكلام من غير ما تقتنع او تقنع الي قدامك.. جو اهيد ضيع وقتك و الي في الغالب في الاخر بتقلب بخناقة و شتايم

الخلاصة

حافظ على صحتك و هدوء اعصابك و متتكلمش في السياسة مع حد

]]> https://mafysh.ballistichq.com/%d8%af%d9%84%d9%8a%d9%84%d9%83-%d9%84%d9%84%d9%85%d9%86%d8%a7%d9%82%d8%b4%d8%a7%d8%aa-%d8%a7%d9%84%d8%b3%d9%8a%d8%a7%d8%b3%d9%8a%d8%a9-%d9%81%d9%8a-%d9%85%d8%b5%d8%b1/feed/ 0 تاريخ الڤايرال المصري في سبع فيدوهات https://mafysh.ballistichq.com/%d8%aa%d8%a7%d8%b1%d9%8a%d8%ae-%d8%a7%d9%84%da%a4%d8%a7%d9%8a%d8%b1%d8%a7%d9%84-%d8%a7%d9%84%d9%85%d8%b5%d8%b1%d9%8a-%d9%81%d9%8a-%d8%b3%d8%a8%d8%b9-%d9%81%d9%8a%d8%af%d9%88%d9%87%d8%a7%d8%aa/ https://mafysh.ballistichq.com/%d8%aa%d8%a7%d8%b1%d9%8a%d8%ae-%d8%a7%d9%84%da%a4%d8%a7%d9%8a%d8%b1%d8%a7%d9%84-%d8%a7%d9%84%d9%85%d8%b5%d8%b1%d9%8a-%d9%81%d9%8a-%d8%b3%d8%a8%d8%b9-%d9%81%d9%8a%d8%af%d9%88%d9%87%d8%a7%d8%aa/#comments Fri, 13 Mar 2015 17:23:10 +0000 http://mafysh.ballistichq.com/?p=2004

١. كوكاكولا احلى مع

في اللحظة الي اتعرض فيها اولى اعلانات حملة كوكاكولا الدعائية “كوكاكولا احلى مع..” اتعملت صفحات كتير على فيس بوك غير الصفحة الرسمية للكوكاكولا بنفس اسم الحملة و بدأ كل واحد بيعرف فوتوشوب يكتب اسمه على الكان عشان ديه حاجة جامدة و كده مع ان مش ده اصلا الهدف من الحملة و ان كوكاكولا كان قصدها انك تشربها مع حد انت بتحبه بتبقى احلى بس احنا عندنا الانا عليا شوية في كل واحد قرر ان كوكاكولا احلى مع نفسه. انتشار الحملة الدعائية بالمنظر ده في حد ذاته نجاح بس لما الحاجة بتزيد عن حدها بتبوظ

10533365_1448026198789917_1745647233_n

٢. علشانك يا سهام، او نيفين – ميرفيت – هيام …

عشانك يا “فلانة” هعمل “اي حاجة ماشية مع نفس قافية الاسم” زي علشانك يا سارة لبست النضارة، علشانك يا نانسي نسيت نفسي، و امثلة تانية بتدل على مدى ابتكار و موهبة المصري لو اخد فرصته. الموضوع موقفش لحد كده، ده تطور لصور لاشخاص شكلها غريب و فوتوشوب رخيص كده مصاحبة للجمل ديه. يقال ان الحوار ده بدأ من مكالمة لبرنامج اسامة منير من واحدة اسمها سارة.

الصور مش لأصحاب القلوب الضعيفة.

Capture

for-you-ya-Nermin-I-worked-myself-at-least-two

39189_1

رخص

٣. تمت الترجمة

المصري بيحب يحط دايما التاتش بتاعته و ابدع لما استخدمها في الترجمة، فظهرت صفحات زي تمت الترجمة و غيرها متخصصة بترجمة كل ما هو اجنبي لمصري بطريقة فيها سخرية شوية، و ترجموا كل اسماء المغنين الاجانب و اسماء اغنياتهم، و فيه نوع تاني من الكوميكس بيألف كلام عربي على صور افلام اجنبي

tamt2

tamt1

tamt3

٤. دب سماش

هو ابليكشن انتشر كده مرة واحدة، انا قعدت فترة ليست بطويلة معرفش ايه ده
و اتعملو 5000 فان بيج عشان تشير الفيديوهات الي الناس بتعملها. الابليكشن ده عبارة انك بتعمل فيديو متركب عليه صوت من اغنية مثلا او فيلم و انت يدوب بتحرك شفايفك!

٥. هارلم شيك

هي قديمة شوية الصراحة، طلعت من سنتين كده، بس المصريين أبدعوا فيها فلازم نحطها في الليست

٦. Proposals

بتتعمل في مصر، يعني واحد يتقدم لواحدةProposals فيه فترة كده انتشرت فيها صور ل
و يلم صحابهم و ينزل على ركبته و يطلع دبلة و هي تتفاجئ و جو كده، يعني هما الاجانب احسن مننا في ايه! هو كل واحد حر طبعا و يعبر براحته عن الحب الي جواه بس دول اتنين بيحبوا بعض ليه صورهم بتنتشر كده؟!

Emil and Ferma Proposal

٧. جانجم ستايل

اغنية كورية لساي حطمت كل الارقام القياسية على يوتيوب من كل انحاء العالم ، مش بس الاغنية كانت بتتلعب في كل مكان في كل وقت، ده اتعمل منها نسخة مصرية من فريق عمل “ديه سلطة”

]]> https://mafysh.ballistichq.com/%d8%aa%d8%a7%d8%b1%d9%8a%d8%ae-%d8%a7%d9%84%da%a4%d8%a7%d9%8a%d8%b1%d8%a7%d9%84-%d8%a7%d9%84%d9%85%d8%b5%d8%b1%d9%8a-%d9%81%d9%8a-%d8%b3%d8%a8%d8%b9-%d9%81%d9%8a%d8%af%d9%88%d9%87%d8%a7%d8%aa/feed/ 1 ٥ ظواهر محتاجة تختفي من شوارع مصر https://mafysh.ballistichq.com/%d9%a5-%d8%b8%d9%88%d8%a7%d9%87%d8%b1-%d9%85%d8%ad%d8%aa%d8%a7%d8%ac%d8%a9-%d8%aa%d8%ae%d8%aa%d9%81%d9%8a-%d9%85%d9%86-%d8%b4%d9%88%d8%a7%d8%b1%d8%b9-%d9%85%d8%b5%d8%b1/ https://mafysh.ballistichq.com/%d9%a5-%d8%b8%d9%88%d8%a7%d9%87%d8%b1-%d9%85%d8%ad%d8%aa%d8%a7%d8%ac%d8%a9-%d8%aa%d8%ae%d8%aa%d9%81%d9%8a-%d9%85%d9%86-%d8%b4%d9%88%d8%a7%d8%b1%d8%b9-%d9%85%d8%b5%d8%b1/#comments Fri, 06 Feb 2015 18:01:39 +0000 http://mafysh.ballistichq.com/?p=1849 عشان مصر ام الدنيا.. و اعتقد خلاص انها قربت و هتبقى اد الدنيا اهي، فيها حاجات محتاجة تختفي حالياً مش موجودة في اي حتة في الدنيا. الحاجات اللا منطقية في شوارع مصر تقريباً ما تتعدتش! بس دول اكتر 5 مظاهر في مصر محتاجين يختفوا:

١. علاقة المية بالطراوة

احنا في القرن الواحد و العشرين و لسه المواطن المصري البسيط مقتنع انه لما يرش الاسفلت بخرطوم المية هتجبله طراوة في ايام الحر الشديد! ازاي معرفش! المية من الحر الشديد اصلا بتكون اتبخرت من قبل ما تلمس الاسفلت! ماخدش في مادة الدراسات الاجتماعية يا عم الحاج ان قطرة المياه هتبقى اغلى من قطرة البترول و ان بطريقة استغلالك للمية كده احفاد احفاد احفادك مش هيلاقوا يشربوا؟!

water

٢. الشارع مش بتاع حد

و عشان الشارع ملكية و مش بتاع حدن اصحاب القهاوي و المحلات بيقرروا يوسعوا البيزنس بتاعهم و يخدوا الرصيف لحسابهم. خصوصاً ايام الماتشات ممكن تلاقي قهوة واخدة الشارع كله عادي! ممكن الشرطة تنزل تلمهم شوية بس هما زي الزومبيز دايماً بيرجعوا تاني..

sellers

٣. المطبات

في مصر.. المطبات اظهر فجأة في اي مكان.. في اي شارع.. و على الطرق السريعة بتلاقي بين كل مطب و مطب.. مطب.. انا مش فاهمة ايه المغزي من المطبات غير انها بتشتتك و بتطلعك من مود السواقة. و هو انا عامة يعني مابشوفش المطبات..خالص..

matab

٤. الزحمة

الزحمة احد العلامات الي بتميز مصر! فيه زحمة في كل دول العالم تقريباً بس مش زي الزحمة بتاعتنا. في اي مكان بيبقى في سبب واضح للزحمة لكن احنا عندنا الزحمة بسبب و من غير سبب. الناس ممكن تركن عربيتها في نص الطريق في الزحمة عشان ينزلوا يشوفوا ايه سبب الزحمة و ده ما بينتجش عنه غير زحمة اكتر.. او لو فيه حادثة او خناقة لازم نقف نتفرج و نصور الي بيحصل.

traffic

٥. نفس الاعلان كتير

ايه الغرض انك تعلق نفس الاعلان على كل عمود نور او ركن على الطريق؟ هو هو نفس الاعلان بنفس الديزاين ما فهوش اي تغيير بس متكرر كتير فشخ ورا بعض! انا مش عارفة ايه الهدف من كده بس لو كان عشان تقنعني بفكرة معينة او اشترى منتج معين فانا اقتنعت بالعكس.

]]> https://mafysh.ballistichq.com/%d9%a5-%d8%b8%d9%88%d8%a7%d9%87%d8%b1-%d9%85%d8%ad%d8%aa%d8%a7%d8%ac%d8%a9-%d8%aa%d8%ae%d8%aa%d9%81%d9%8a-%d9%85%d9%86-%d8%b4%d9%88%d8%a7%d8%b1%d8%b9-%d9%85%d8%b5%d8%b1/feed/ 0 حالة الإبداع في مصر و ١٠ افلام مقتبسة من افلام اجنبية https://mafysh.ballistichq.com/%d8%ad%d8%a7%d9%84%d8%a9-%d8%a7%d9%84%d8%a5%d8%a8%d8%af%d8%a7%d8%b9-%d9%81%d9%8a-%d9%85%d8%b5%d8%b1-%d9%88-%d9%a1%d9%a0-%d8%a7%d9%81%d9%84%d8%a7%d9%85-%d9%85%d9%82%d8%aa%d8%a8%d8%b3%d8%a9-%d9%85/ https://mafysh.ballistichq.com/%d8%ad%d8%a7%d9%84%d8%a9-%d8%a7%d9%84%d8%a5%d8%a8%d8%af%d8%a7%d8%b9-%d9%81%d9%8a-%d9%85%d8%b5%d8%b1-%d9%88-%d9%a1%d9%a0-%d8%a7%d9%81%d9%84%d8%a7%d9%85-%d9%85%d9%82%d8%aa%d8%a8%d8%b3%d8%a9-%d9%85/#comments Fri, 06 Feb 2015 17:34:21 +0000 http://mafysh.ballistichq.com/?p=1836 الابداع في مصر وصل لمرحلة انه مبقاش موجود اصلاً. الاسهر من انك تبدع او تعمل حاجة متعملتش قبل كده هى انك تقلد الي الريدي موجود. االسينما المصري ماكنتش استثناء لقلة الابداع و التقليد للسينما الغربية. دول ١٠ افلام مقتبسين من افلام اجنبية:-

١. الحب كده

. مش بس قصة الفيلم الي “Are we there yet?”فيلم الحب بطولة حمادة هلال و درة مقتبس من فيام
مقتبسة، لا كمان نفس السيناريو، نفس المشاهد و نفس الريكشنات بتاعت الممثلين. و عشان لازم يحطوا التاتش المصرية زودوا مشهد ملوش لزمة لشخصية ملهاش لازمة سموها “الاسطورة”!! و زودوا اغنية عشان حمادة هلال لازم يغني و كده

الحب-كده

٢. جيم اوفر

ان مي عز الدين و يسرا يردحوا لبعض في اغنية شعبية ده كوم و ان مي عز الدين تعمل دور مشابهة
ده كوم تاني. صناع الفيلم المصري قدروا يحولوا واحد من “Monster in Law”لجينيفر لوبيز في فيلم
اشهر افلام جينيفر لوبيز لحاجة مش عارفة اوصفها بصراحة مينفعش تتفرج عليها. غير كده ايه علاقة محمد نور بالتمثيل؟!

جيم-اوفر

٣. حبيبي نائماً

الي حازز في نفسيتي ان الفيلم ده مشارك في بطولته “خالد ابو النجا” و ان مي عز الدين بتعمل دور زي بتاع جوينيث بالترو (معرفش ليه مي عز الدين بتعمل كده!!). حبيبي نائماً مقتبس من فيلم
. الفرق بين الفيلمين ان الاجنبي البطل اتعملوا عمل عشان كان سطحي و بيحكم على “Shallow Hal”
البنات من شكلها يخليه يشوف البنات الي شكلها مش حلو اوي حلوين لان روحهم حلوة و التركيز كان على البطل اكتر بعكس الفيلم المصري

حبيبي-نائما

٤. جوازة ميري

الفرق ان “This means war”جوازة ميري بطولة ياسمين عبد العرزيز و حسن الرداد مقتبس من فيلم
في الفيلم المصري ياسمين عبد العزيز لسبب او لاخر كانت هتموت و تتجوز، و ديه كانت التاتش المصرية على الفيلم.

this-means-war

٥. طير انت

“Bedazzled” طير انت يعتبر من اكتر افلام احمد مكي الي حققت نجاح و هو مقتبس من فيلم
قصتين الفيلم واحدة بس الاحداث مختلفة شوية عن بعض. انا عارفة الي هقوله غريب بس طير انت
و استمتعت بيه اكترBedazzled ضحكني اكتر بكتير من

bedazzled

٦. حلاوة روح

هيفاء وهبي لما تعمل فيلم لازم يبقى فيه لا مؤاخذة حبة اباحة, و لما تيجي تعمل فيلم مقتبس لازم يبقي زي
لدرجة ان المواقع لما بتنزله بتكتب +21. صناع الفيلم وصل بيهم التقليد و الكسل انهم عملواMalina فيلم
تريلر حلاوة روح نسخة من تريلر ملينا، صناع الفيلم حتى ماكلفوش خاطرهم يبتكروا شوية في بوستر الفيلم

حلاوة-روح

٧. الحرب العالمية الثالثة

الصبح تماثيل في متحف، و بليل بتدب فيهم الحياة و يروحوا و يجيوا في المتحف.. ايوه هو فيلم
، لما اتعمل مصري بقى اسمه الحرب العالمية التالتة، انا اتفرجت علىNight at the museum
شوية من الفيلم و مستحملتش الافيهات الصراحة و مستحملتش اتفرج برده لحد ما اكتشف اسمه ليه الحرب العالمية التالتة!

night-at-the-museum

٨. حد سامع حاجة؟

بطولة ويل فيرل“stranger than fiction”الفيلم بطولة رامز جلال و ماجد الكدواني مقتبس من فيلم
الفكرة ان البطل في يوم بيبدأ يسمع اصوات في دماغه و كأن حد بيحكي قصة حياته و الاحداث الي بتحصله. طبعاً القصة لما اتعملت مصري اتشوه فيها كتير غير الاستظراف الي ملوش لزمة، النهاية برده بين الفيلمين تعتبر مشابهة و هي ان البطل كان مفروض يموت لكن الرواي بيقرر يغير نهاية البطل و ميخلهوش يموت

stranger-than-fiction

٩. يا انا يا هو

بطولة جيم كاري و الفكرة بتدو حولين شخصية بيعاني من Me, myself and ireneالفيلم مقتبس من
انفصام في الشخصية واحدة طيبة و واحدة شريرة، الفيلم المصري من بطولة نضال الشافعي و ريم البارودي

yana-ya-howa

١٠. الف مبروك

فيلم احمد حلمي و تأليف محمد دياب الي قال ان قصة فيلم الف مبروك مقتبسة من فيلم
و هي عبارة عن شخص بيعيش نفس اليوم باحداث مختلفة. في سنة 2006Groundhog day
ادرج في السجل القومي للافلام الامريكية باعتبار انه له تأثير حضاريGroundhog day فيلم
و ثقافي

groundhog-day

]]> https://mafysh.ballistichq.com/%d8%ad%d8%a7%d9%84%d8%a9-%d8%a7%d9%84%d8%a5%d8%a8%d8%af%d8%a7%d8%b9-%d9%81%d9%8a-%d9%85%d8%b5%d8%b1-%d9%88-%d9%a1%d9%a0-%d8%a7%d9%81%d9%84%d8%a7%d9%85-%d9%85%d9%82%d8%aa%d8%a8%d8%b3%d8%a9-%d9%85/feed/ 0 ٩ حاجات دايماً بتفصلك و هتفضل تفصلك أونلاين https://mafysh.ballistichq.com/%d9%a9-%d8%ad%d8%a7%d8%ac%d8%a7%d8%aa-%d8%af%d8%a7%d9%8a%d9%85%d8%a7%d9%8b-%d8%a8%d8%aa%d9%81%d8%b5%d9%84%d9%83-%d9%88-%d9%87%d8%aa%d9%81%d8%b6%d9%84-%d8%aa%d9%81%d8%b5%d9%84%d9%83-%d8%a3%d9%88%d9%86/ https://mafysh.ballistichq.com/%d9%a9-%d8%ad%d8%a7%d8%ac%d8%a7%d8%aa-%d8%af%d8%a7%d9%8a%d9%85%d8%a7%d9%8b-%d8%a8%d8%aa%d9%81%d8%b5%d9%84%d9%83-%d9%88-%d9%87%d8%aa%d9%81%d8%b6%d9%84-%d8%aa%d9%81%d8%b5%d9%84%d9%83-%d8%a3%d9%88%d9%86/#comments Tue, 27 Jan 2015 23:08:25 +0000 http://mafysh.ballistichq.com/?p=1800 تقريباً انت بتقضى معظم حياتك اونلاين (اذا مكنتش كلها). تقفل اللاب توب، تقوم تفتح التابلت او الموبايل. و اكيد لازم تتكعبل في شوية حاجات مستفزة ترفع ضغطك، عشان زي ما انت عارف احنا عندنا اسوأ خدمة انترنت في العالم بلا منازع. دول اكتر 10 حاجات مستفزة ممكن تقابلها اونلاين:

١. التنين الصغير

التنين الصغير الي بيطلعك و كأنه يعني بينبه حضرتك انك غير متصل بالنت. و انت بتبقى متصل عادي جداً و متعرفش العيب فين و لا من مين و تفضل تفصل و تفتح في الراوتر.

اعتقد اختيار التنين للتعبير عن عدم اتصالك بالانترنت لانك من غير انترنت كأنك بقيت في عصر الدينصورات، أو لأن ال تي-ركس ايديه صغيرة اوي و مش عارف يعمل بيها حاجة، فأنت بقيت زيه بالضبط من غير انترنت. بس بوص عندك ديه، انت لو ضغطت سبيس هتلاقي التنين ده بدأ يتحرك و يقابل صبار مفروض ينط من فوقيه لما تضغط سبيس. و بكده تقدر تضيع وقتك سواء انت اونلاين او اوف لاين. شكراً جوجل!

chrome-t-rex

٢. الفيديو مش لبلدك

فيه فيديوهات اول ما بتنزل بتبقى غير متاحة لمصر! السبب غير معروف.. الموضوع ده ممكن مايضيقش ناس كتير، بس لو انت فان لسيبرتي معين و نزل فيديو مش متاح في مصر هتحس بالاهانة و الخيانة! مصر مش وحشة.. و من حقنا نتفرج على كل الفيديوز!!

country-restriction

٣. الصوت ده جاي منين

لما تفتح اي صفحة و بعدين تلاقي مزيكا او فيديو اشتغل مزعج جدا و انت مش عارف جاي منين و عايز تقفله و في الاخر تضطر انك تقفل البراوزرز كله عشان تتخلص من الازعاج ده

chrome-sound

٤. رسالتك لم تصل!

عارف انت اللحظات المهمة الي بتتشات فيها مع حد مهم بالنسبة لك و الكون و الفيس بوك و الانترنت يقرروا يتأمروا عليك و كل الكلام الي عمال تكتبوا مش راضي يوصل.. اللحطات ديه دمرت علاقات حلوة كتير!

message-not-recieved

٥. ام ال CAPTCHA

هى الكود الي بيبقى في بوكس و مفروض تكتبه عشان النظام يتأكد انت بني ادم و لا روبوت. السخيف ان الكود ده CAPTCHA
يجي صعب لدرجة متتقريش و تفضل تحاول و يجيلك الاصعب منه. اكيد المهندسين ممكن يلاقوا حل الطف شوية.

captcha

٦. تابز كتير .. اوي

لما تفتح صفحات كتير اوي لدرجة انك مبقتش عارف كل صفحة بتودي فين عشان العنوان مش باين. عارف ايه الاسوأ؟ ان كل الصفحات تكراش و تضطر تفتح كل حاجة تاني من الاول

chrome-tabs

٧. الدايرة الرمادي

الدايرة الي بتظهر و انت بتتفرج على فيديو و يقف! و يا سلام لو النت اقطع و اضطريت ترفرش الصفحة و تتفرج من الاول. انت متخيل ان فيه دول النت عندهم سريع جداً لدرجة انهم عمرهم ما شافوا الدايرة الرمادي ديه في حياتهم، و لا اضطروا يقعدوا حاطين ايديهم على خدهم مستنين الشريط الرمادي الي تحت الفيديو يسبق الشريط الاحمر!

youtube-loading

٨. اعلانات

انت ممكن تكون جامد جداً و محدش بيجبرك على حاجة .. بس اليوتيوب هيجبرك تشوف اعلانات بالعافية و لو اول كام ثانية منه. الجديد بقى ان بقى فيه اعلانات بتشتغل في نص الفيديو و انت بتتفرج و لازم تتفرج عليها كلها!! ليه الغلاسة ديه؟! يوتيوب لو اتضغط عليه شوية و خد شوية فلوس كمان ممكن يخلينا نشتري المنتجات بالعافية قبل ما نتفرج على اي فيديو!! فيس بوك نفس الحكاية.. بوستات بتظهرلك على تايم لاين لصفحات انت مش عاملها لايك زي مانت بتقرا المقال ده بالضبط.

Ads-Ads-Everywhere

٩. ال توول بارز الكتير

طبعاً اكيد اقعدت قبل على كمبيوتر اهلك او واحد صاحبك مالوش في الكمبيوتر و صدمك بحجم التوول بارز الرهيب ألي عنده. و بعد كده يعد يشتكي النت بطيء اوي.

toolbars

]]> https://mafysh.ballistichq.com/%d9%a9-%d8%ad%d8%a7%d8%ac%d8%a7%d8%aa-%d8%af%d8%a7%d9%8a%d9%85%d8%a7%d9%8b-%d8%a8%d8%aa%d9%81%d8%b5%d9%84%d9%83-%d9%88-%d9%87%d8%aa%d9%81%d8%b6%d9%84-%d8%aa%d9%81%d8%b5%d9%84%d9%83-%d8%a3%d9%88%d9%86/feed/ 0 ٦ خروجات ملهاش وجود في الاقاليم https://mafysh.ballistichq.com/%d9%a6-%d8%ae%d8%b1%d9%88%d8%ac%d8%a7%d8%aa-%d9%85%d9%84%d9%87%d8%a7%d8%b4-%d9%88%d8%ac%d9%88%d8%af-%d9%81%d9%8a-%d8%a7%d9%84%d8%a7%d9%82%d8%a7%d9%84%d9%8a%d9%85/ https://mafysh.ballistichq.com/%d9%a6-%d8%ae%d8%b1%d9%88%d8%ac%d8%a7%d8%aa-%d9%85%d9%84%d9%87%d8%a7%d8%b4-%d9%88%d8%ac%d9%88%d8%af-%d9%81%d9%8a-%d8%a7%d9%84%d8%a7%d9%82%d8%a7%d9%84%d9%8a%d9%85/#comments Tue, 20 Jan 2015 17:14:28 +0000 http://mafysh.ballistichq.com/?p=1953 لو متعود تشرب نسكافيه كل يوم الصبح، و في يوم صحيت مالقتوش، يومك هيبوظ، هتتعصب و تتعفرت و تضايق! عارف ليه؟ عشان انت كنت واثق ان ده مش ممكن يحصلك في يوم من الايام.. اخدته فور جرانتد زي ما بقولوا..
زي حاجات كتيرة اوي سكان العاصمة بياخدوها فور جرانتد مش موجودة في معظم المحافظات التانية، دول اكتر ٦ اماكن محتاج تقدرهم اكتر:

١. مولات

مفيش و لا مول, يعني مفيش براندز يعني مفيش شوبينج!! مفيش شوبينج!!! بس الحمد الله ربنا كرمنا و عندنا فرع كارينا

sad

٢. اماكن ترفيهية

مفيش سينما واحدة بينزل فيها افلام اجنبي.. مفيش.. متخيل حجم المأساة؟

في فالقاهرة بولينج، سكيتنج، دريم بارك و 5000 مكان و في الاخر تشتكي انك مش عارف تخرج فين! احنا عندنا كافيهات كتير! بين كل كافيه و كافيه كافيه! طب نعمل ايه؟

٣. نوادي

عندنا نادي على فكرة! يمكن صغير شوية و تدخل من باب النشاط الرياضي تمشي خطوتين تلاقي نفسك خارج من باب النشاط الاجتماعي .. بس عندنا! اه و فيه حمام سباحة اوليمبي و عندنا استاد

40771827[1]

٤. ماكدونالز

تقريباً مفيش منطقة في القاهرة في مفيهاش ماكدونالز، و مع احتفال ماك بمرور 20 سنة على افتتاح اول فرع ليه في مصر، حابة اعرفكوا ان فيه مدن كتير اوي في مصر مفهاش ماك.. خالص!

٥. سينابون

مفيش سينابون!! يعني وقت ما يجيلي كيف اكل سينابون ملاقيش و افضل الف حوالين نفسي زي المدمنين! فيه ناس اصلاً متعرفش ايه سينابون ده.. متخيل حجم السعادة الي فايتاهم؟

Cinnabon_in_2005

٦. الساقية

ساقية الصاوي تقريباً فيها حفلات كل يومين.. احنا عندنا حفلات برده بتبقى مرة كل سنة و لا حاجة و تلاقي المدينة كلها هناك!

DSC_2330

]]> https://mafysh.ballistichq.com/%d9%a6-%d8%ae%d8%b1%d9%88%d8%ac%d8%a7%d8%aa-%d9%85%d9%84%d9%87%d8%a7%d8%b4-%d9%88%d8%ac%d9%88%d8%af-%d9%81%d9%8a-%d8%a7%d9%84%d8%a7%d9%82%d8%a7%d9%84%d9%8a%d9%85/feed/ 0 انواع الطلبة ايام الفاينال على السويشال ميديا https://mafysh.ballistichq.com/%d8%a7%d9%86%d9%88%d8%a7%d8%b9-%d8%a7%d9%84%d8%b7%d9%84%d8%a8%d8%a9-%d8%a7%d9%8a%d8%a7%d9%85-%d8%a7%d9%84%d9%81%d8%a7%d9%8a%d9%86%d8%a7%d9%84-%d8%b9%d9%84%d9%89-%d8%a7%d9%84%d8%b3%d9%88%d9%8a%d8%b4/ https://mafysh.ballistichq.com/%d8%a7%d9%86%d9%88%d8%a7%d8%b9-%d8%a7%d9%84%d8%b7%d9%84%d8%a8%d8%a9-%d8%a7%d9%8a%d8%a7%d9%85-%d8%a7%d9%84%d9%81%d8%a7%d9%8a%d9%86%d8%a7%d9%84-%d8%b9%d9%84%d9%89-%d8%a7%d9%84%d8%b3%d9%88%d9%8a%d8%b4/#comments Tue, 20 Jan 2015 16:20:08 +0000 http://mafysh.ballistichq.com/?p=1939 لو انت طالب جامعي، فاكيد اول ما قريت العنوان جيه في دماغك كام شخصية معينة كده. التيرم كله كوم، و ايام الامتحانات كوم تاني خالص. خلينا نركز على شخصيات الطلبة على سويشال ميديا ايام الامتحانات:

١. طلاب الصف الاول

الي بيجوا قبل المحاضرة بنص ساعة عشان يقعودوا في اول صف (على اساس لو جم متأخر هيلاقوا حد اقعد مكانهم)، مبيبطلوش اسئلة في احيان كتير غير مفيدة، الي بيفكروا الدكاترة بالمشاريع و الاسينمنتس. الناس ديه بتختفى تماماً ايام الامتحانات من السويشال ميديا. و مهما تعملهم منشن على جروب الدفعة عشان يساعدوك او يشاركوا اي حاجة من الي كتبوها ورا الدكتور بيعملوا فيها من بنها، او مش فاديين طبعاً عشان بيذاكروا و بيرجعوا المنهج على الاقل 15 مرة!

٢. السهن

بتاعه بيتراوح بين 4 و 3.7GPA مكانه عادة ما بين اول 3 صفوف، ال

الشخص ده بيجي وقت الفاينال و الفيس بوك بتاعه بيقلب ملطمة و ولولة انه مش فاهم حاجة و مش عارف هيخلص المنهج ازاي و مش حاسس بمود المذاكرة و حقد على الناس الي بتذاكر! تقريباً بيعمل كده خوف من الحسد. انا و انت و الدفعة كلها عارفة الناس ديه بعينها.. علاجهم: التجاهل التام.

هنسقط

٣. عيد السؤال تاني

الناس ديه ماشية بمبدأ التكرار يعلم الشطار، عندهم كسل رهيب انهم يفتحوا الكتاب او يدوروا شوية في جروب الدفعة، مع انهم لو دوروا هيلاقوا اجابات كل الاسئلة الي عايزين و الي مش عايزين يعرفوها. يعني مثلاً يسأل على ايه الي داخل في الامتحان بعد ما يكون 20 واحد سأل قبله، تاني يوم يسأل عن ايه الي ملغي من المنهج، بعدها بحبة “معلش ممكن حد يقولي ايه الي داخل في الامتحان عشان نسيت”!! التفسير الوحيد للي بيحصل ده انه فراغ و حاسيين بتأنيب الضمير انهم ما بيذاكروش و عايزين يحسوا انهم بيعملوا حاجة مفيدة و خلاص.

عيد-السوال

٤. نجوم ليلة الامتحان

الناس ديه بتظهر فجأة ليلة الامتحان على جروب الدفعة، و تسأل في الفتافيت الي بين السطور الي انت اكيد اكيد ماخدتش بالك منها او ماقرأتهاش اصلاً. ممكن تبدأ تتوتر و تتعصب و تسأل نفسك سؤال من الاتنين: “هو الكلام ده عندنا في المنهج؟” او/و “يعني هما فاهمين كل حاجة جم على الحتة ديه و مش فاهمينها؟” السؤالين عامة ملهمش اجابة، بس انت اهم حاجة ما تفقدتش ثقتك بنفسك و ما تركزش معاهم عشان صحتك ما تتعبش.

ليلة-الإمتحان

٥. الناس الي بتشتم في كل الناس

مش عاجبهم حد! شاغلين شتيمة و تريقة على دفعة بتاعتهم و جروب الدفعة و الدكاترة و المعيدين و المواد و الجامعة و كل حاجة. و مخنقوين جداً من كمية النوتيفكيشن الي بتجيلهم بسبب جروب الدفعة و بيشكروا مارك على اوبشن الان فولو و قد حياتهم كانت هتخرب من غيره! اهدوا شوية.. ها اهدوا!

٦. ولاد الحلال

لو معاك من دول اتنين تلاتة في الدفعة، تحد ربنا و تبوس ايدك وش و ضهر. ولاد الحلال دول الي بيذاكروا كويس و تقديرهم على طول امتياز، لما بيعملوا ملخصات بينزلوها، لو محتاج حاجة بيفهموهالك، لو حد عنده سؤال بيجابوا عليه. الناس ديه كويسة اوي و مابتستخصرش حاجة في حد. فيه كتير نجحوا بسبب المخلصات الي بينزلوها على جروب الدفعة. و دول ثوابهم عند ربنا كبير اوي.

]]> https://mafysh.ballistichq.com/%d8%a7%d9%86%d9%88%d8%a7%d8%b9-%d8%a7%d9%84%d8%b7%d9%84%d8%a8%d8%a9-%d8%a7%d9%8a%d8%a7%d9%85-%d8%a7%d9%84%d9%81%d8%a7%d9%8a%d9%86%d8%a7%d9%84-%d8%b9%d9%84%d9%89-%d8%a7%d9%84%d8%b3%d9%88%d9%8a%d8%b4/feed/ 0 ٥ حاجات متقولهاش لسكان الاقاليم https://mafysh.ballistichq.com/%d9%a5-%d8%ad%d8%a7%d8%ac%d8%a7%d8%aa-%d9%85%d8%aa%d9%82%d9%88%d9%84%d9%87%d8%a7%d8%b4-%d9%84%d8%b3%d9%83%d8%a7%d9%86-%d8%a7%d9%84%d8%a7%d9%82%d8%a7%d9%84%d9%8a%d9%85/ https://mafysh.ballistichq.com/%d9%a5-%d8%ad%d8%a7%d8%ac%d8%a7%d8%aa-%d9%85%d8%aa%d9%82%d9%88%d9%84%d9%87%d8%a7%d8%b4-%d9%84%d8%b3%d9%83%d8%a7%d9%86-%d8%a7%d9%84%d8%a7%d9%82%d8%a7%d9%84%d9%8a%d9%85/#comments Sun, 04 Jan 2015 16:30:57 +0000 http://mafysh.ballistichq.com/?p=1947 لسبب غير واضح، سكان القاهرة بيتعملوا مع سكان الاقاليم كأنهم جايين من عالم تاني، و هى هى نفس الاسئلة الي بتسمعها من كل واحد قاهري، متعرفش هما متفقين علينا و لا ايه، و بما اني عانيت سنتين من الاسئلة ديه و ما زلت بعاني، فانا حابة انقذك من الاحراج .. بعد هاي ازيك عاملة ايه منين (انا من طنطا بالمناسبة) و اكيد اكيد ردك هيبقى (اجدع ناس والله) حاول تتفادى الكام جملة الجايين دول:

١. انت ساكنة فين هناك؟

“انتي منين من طنطا؟” “انت ساكنة فين هناك؟ اصل انا مرات بنت عمة خال جوز اختي ساكنة هناك” “قوليلي انتي ساكنة فين بالظبط! اصلي جتلكوا طنطا مرة و انا عندي سنتين”
طنطا صغيرة اه بس ده مش معناه انك هتبقى عارف انا ساكنة فين , ان مش كلنا عارفين بعض هنال بالإسم.

٢. *اندهاشة* و بتيجي القاهرة ازاي؟

فيه اختراع جامد اسمه “قطر” و بتروح تقطع تذكرة من المحطة و ممكن يوديك اي حتة في مصر

٣. انت عايشة في غيط و كده؟

لأ انا مش عايشة في غيط *و مش لازم تتبع السؤال ده ب “يعني انت مبتعرفيش تزرعي؟” لو مفهوم الزراعة عندك الفول الي بنزرعه في طبق فيه قطن و احنا في رابعة ابتدائي، فيبقى بعرف ازرع

الولية

٤. يعني معندكوش بقر و جواميس؟

ما بقاش لاقية رد مناسب! بقر و جواميس ايه؟! ده زي الاجانب كده لما بيبقوا فاكرين ان المصريين عايشين عند الاهرامات و بيركبوا جمال!

غيط

٥. بس شكلك مش من طنطا

ديه عنصرية على فكرة و ستريوتايبنج بقى و كده! ليه متخيلني اني بصحى الصبح بالجلابية اكل الفراخ و احلب الجاموسة.. ستوب ستريوتيبج بيبول!

]]> https://mafysh.ballistichq.com/%d9%a5-%d8%ad%d8%a7%d8%ac%d8%a7%d8%aa-%d9%85%d8%aa%d9%82%d9%88%d9%84%d9%87%d8%a7%d8%b4-%d9%84%d8%b3%d9%83%d8%a7%d9%86-%d8%a7%d9%84%d8%a7%d9%82%d8%a7%d9%84%d9%8a%d9%85/feed/ 0 الشتاء.. اونلي ان ايجيبت! https://mafysh.ballistichq.com/%d8%a7%d9%84%d8%b4%d8%aa%d8%a7%d8%a1-%d8%a7%d9%88%d9%86%d9%84%d9%8a-%d8%a7%d9%86-%d8%a7%d9%8a%d8%ac%d9%8a%d8%a8%d8%aa/ https://mafysh.ballistichq.com/%d8%a7%d9%84%d8%b4%d8%aa%d8%a7%d8%a1-%d8%a7%d9%88%d9%86%d9%84%d9%8a-%d8%a7%d9%86-%d8%a7%d9%8a%d8%ac%d9%8a%d8%a8%d8%aa/#comments Sat, 20 Dec 2014 13:25:31 +0000 http://mafysh.ballistichq.com/?p=1726 تأثير الاحتباس الحراري وصل لحد هنا و جو مصر تحول الى صيف حار طوال العام و بارد ممطر لمدة اسبوعين شتاءاً. الشتاء في مصر في الفترة الوجيزة ديه مختلف عن اي شتاء في العالم، احنا تقريباً بنكون طالعين من 10 شهور صيف و محتاجين نحسس نفسنا بالبرد و الشتاء و خلاص. دول اكتر 5 مظاهر مش هتشوفهم غير عندنا اكسكلوزيف و بس:

١. بنغرق في شبر ماية

اليوم الي الدنيا بتمطر فيه (و ده بيحصل من مرتين لتلاتة في السنة) مصر بتبقى عبارة عن بحر كبير عميق.. برك مياه في كل حتة.. الطرق بتقف.. محدش بيعرف يتحرك.. يعني عادي ممكن تاخد اكتر من ست ساعات لبيتك عشان كان فيه شوية ماية على الدائري! الي هو احنا عبرنا القناة اسرع من كده!

4مطر

٢. طين ايفري وير

مفيش شمس و الدنيا بتمطر و الطين بدأ يملى شوارع مصر و انت حظك وحش نزلت بالشوز و الجينز المفضلين عندك.. استعوض ربنا فيهم لان ياما هتدوس في طين و ماية كتير يبوظلك الشوز و الجينز ياما هيعدي من جنبك عربية او موتسيكل ابن تيت بسرعة و يبوظك انت شخصيا

مطر3

٣. دانسج ان زا راين

الدنيا تبدأ تمطر من هنا، و الناس تتحول من هنا. الي ينزل يجري في الشارع و الي يرقص و يتنطط و واحد تاني فارد ايده و مغمض و عينه و فاتح بقه متفهمش كان محروم انه يشرب و لا ايه.. بس احنا معزورين يعني .. الدنيا مبتمطرش كل يوم! الحالة ديه بتنطبق على المصريين كلهم ما عدا امهات مصر الي بيبقى كل هدفهم ينقذوا الغسيل الي على حبل.

مطر

٤. بت فيرست…

الدنيا بتمطر جامد و شعرنا الي لسه عاملينه هيتحرق و هدومنا هتتملي ماية برا و جوا و هنمشي مبللولين و مش بعيد ناخد دور برد ابن لذينية يقعدنا في السرير اسبوعين ..بت فيرست لاتس تاك اسيلفي.. اي مين ديه لحظة متتعوضتش يا جماعة!

selfie-rain

٥. ورجعت الشتوية

فيس بوك.. تويتر.. و اي وسيلة تواصل اجتماعي بيظهر فيها بوستات من نوعية “و رجعت الشتوية” و قلوب و فيروز و هوت شوكلت و بنات بتنفخ في ايديها من البرد و اي حاجة تحسسنا ان احنا عندنا شتا بجد.

winter-is-coming

]]> https://mafysh.ballistichq.com/%d8%a7%d9%84%d8%b4%d8%aa%d8%a7%d8%a1-%d8%a7%d9%88%d9%86%d9%84%d9%8a-%d8%a7%d9%86-%d8%a7%d9%8a%d8%ac%d9%8a%d8%a8%d8%aa/feed/ 0 ٧ شخصيات فصيلة في السينما https://mafysh.ballistichq.com/%d9%a7-%d8%b4%d8%ae%d8%b5%d9%8a%d8%a7%d8%aa-%d9%81%d8%b5%d9%8a%d9%84%d8%a9-%d9%81%d9%8a-%d8%a7%d9%84%d8%b3%d9%8a%d9%86%d9%85%d8%a7/ https://mafysh.ballistichq.com/%d9%a7-%d8%b4%d8%ae%d8%b5%d9%8a%d8%a7%d8%aa-%d9%81%d8%b5%d9%8a%d9%84%d8%a9-%d9%81%d9%8a-%d8%a7%d9%84%d8%b3%d9%8a%d9%86%d9%85%d8%a7/#comments Sat, 29 Nov 2014 14:35:30 +0000 http://mafysh.ballistichq.com/?p=1596 انا من محبي السينما. ممكن ادخل سينما كل يوم. بعتبره بيتي التاني. حفلات الساعة 10 الصبح و 1 الضهر عاملنها عشان نفكس للمحاضرات و نروحها. و من كثرة ترردي على هذا المكان، قدرت ارصد اكتر افعال بتعصبني جداً من المشاهدين

١. رايح جاي

من اول ما الفيلم يبدأ، تلاقيه ناس كده مش قاعدة على بعضها. كل شوية تقوم و تيجي. مرة بيجيبوا فشار، مرة حمام، مرة واحدة تقوم تعدل هدومها. في الدقيقة الي بيتحركوا فيها ديه انا بتشتت و بنفصل و بضايق! الفيلم لما يبدأ يا ريت محدش يتحرك كأنك بتلعب تماثيل اسكندرية.

٢. الضحك من غير سبب

الفيلم يبقى اكشن و حاجات عاملة تطير او الفيلم دراما و انا عاملة اعيط و اسمع واحد ضحكته بترن في المكان! جامد انت كده يعني؟!

٣. كل الي يعجبك

انا عارفة ان الفيلم ما بيحلاش غير و فيه في ايدك حاجة تاكلها. بس مش لازم اسمع صوت قرمشة الشيبسي و انت بتاكل. بتشتت و بنفصل و بضايق.

٤. حبوا بعض بعيد

ما هو مبقاش انا جاية لوحدي او مع صحابي البنات و بنتفرج على فيلم درامي و اتنين بيحبوا بعض قاعدين جنبنا او قدامنا و عاملين يحبوا في بعض و يضحكوا و مش مركزين في الفيلم اصلاً!! حبوا بعض براحتكوا.. بس بعيد عني و بعيد عن السينما.

٥. اطلع برا

انا مقدرة حقيقي اهمية المكالمات الي بتجيلك و خصوصاً في نص الفيلم و هو شغال بس الي مش هقدره خالص انك ترد و بصوت عالي و كمان تحكي للشخص الي بيكلمك المشهد الي بتتفرج عليه دلوقتي! لأ اطلع برا!

٦. عرفنا انك عارف

الشخص الي دايماً بيقرا الكتاب قبل ما يتفرج على الفيلم و يفضل يقارن بين الرواية و الفيلم و يحرق الفيلم لصحابه لحد ما يقوموا من جنبه و يحلفوا ما يدخلوش اي فيلم معاه بعد كده! خلاص عرفنا انك عارف.. اتفرج و انت ساكت بقى! (انا للاسف بعمل كده على طول 

٧. سيلفي

ترفع الموبايل او السيلفي ستيك فجأة في نص الفيلم عشان تتصور!! عارف ان ببقى بعمل ايه ساعتها في عقلي الباطن؟! باخد الموبايل او السيلفي ستيك ديه و برميها في الحيطة! في بريك تتصوروا فيه!

]]> https://mafysh.ballistichq.com/%d9%a7-%d8%b4%d8%ae%d8%b5%d9%8a%d8%a7%d8%aa-%d9%81%d8%b5%d9%8a%d9%84%d8%a9-%d9%81%d9%8a-%d8%a7%d9%84%d8%b3%d9%8a%d9%86%d9%85%d8%a7/feed/ 0