Mafysh - مفيش » هاني بخيت https://mafysh.ballistichq.com Fri, 02 Sep 2016 12:24:17 +0000 ar hourly 1 https://wordpress.org/?v=4.0.38 اربع مدارس للموسيقى التصويرية في مصر https://mafysh.ballistichq.com/%d8%a7%d8%b1%d8%a8%d8%b9-%d9%85%d8%af%d8%a7%d8%b1%d8%b3-%d9%84%d9%84%d9%85%d9%88%d8%b3%d9%8a%d9%82%d9%89-%d8%a7%d9%84%d8%aa%d8%b5%d9%88%d9%8a%d8%b1%d9%8a%d8%a9-%d9%81%d9%8a-%d9%85%d8%b5%d8%b1/ https://mafysh.ballistichq.com/%d8%a7%d8%b1%d8%a8%d8%b9-%d9%85%d8%af%d8%a7%d8%b1%d8%b3-%d9%84%d9%84%d9%85%d9%88%d8%b3%d9%8a%d9%82%d9%89-%d8%a7%d9%84%d8%aa%d8%b5%d9%88%d9%8a%d8%b1%d9%8a%d8%a9-%d9%81%d9%8a-%d9%85%d8%b5%d8%b1/#comments Fri, 31 Oct 2014 14:16:29 +0000 http://mafysh.ballistichq.com/?p=2099 للموسيقي التصويرية دور مهم في اي عمل من الاعمال الفنية وجدير بالذكر ان الموسيقي التصويرية الضلع التالت بعد الكتابة والاخراج في الاصل الكتابة و بعد كده الاخراج بيترجم المكتوب الى صورة وحركة مرورا بالاضاءة والتصوير وتفضل الموسيقي التصويرية هي الضلع التالت للمثلث اللي بدورها بتجسد الحالة الوجدانية المرجوة من تقديم العمل الفني . اربع مدراس للموسيقي التصويرية في مصر ومش قصدي انهم افضل مدارس ولا اهمهم … لاخالص بس دول ليهم صبغة فنية نادرة الوجود من الحان والالات والمقامات وفعليا هما اقوية جدا .

مدرسة هشام نزيه

مدرسة هشام نزيه مدرسة تاخدك بعمق جامد جدا ل صوت الحديد والنحاس و صوت الهوا داخل ممرات فاضية تاخدك لقرع طبول الحرب زمان ودقة الزار والذكر في الموالد ……مدرسة معتمدة علي البعد الروحي سواء بالابتهالات في العصور الاسلامية الوسطي والالحان القبطية في العصور الاولي لما تسمع هشام نزيه تحس بصوت القلاع والحصون والمساجد من على بعد وهو متأثر قوى بالطرق الصوفية والانشاد الديني والتسبيح الروحي والحضرات بكل انواعها باختصار هشام نزيه مدرسته تاخدك بسهولة للعالم السفلي والرعب الروحي والالات اللي بيستخدمها معقدة جدا وكل ده تجلي اوي في موسيقي ابراهيم الابيض
و الفيل الازرق والسبع وصايا والعهد ….. هشام نزيه دخل الحضرات في السبع وصايا ودخل الالحان القبطية في العهد .

مدرسة راجح داوود

مدرسة راجح داوود تاخدك للناي والفلوت والوتريات راجح داوود بيقدر من نفس اللحن ياخدك في اكتر من حالة وجدانية حزن فرح اثارة شجن كل ده خلال مقطوعه واحده بتحس بموسيقي راجح داوود بحالة المتصوف الهائم في ملكوت الله وطبيعية خلقه ….. موسيقي تاخدك للطبيعة بكل اركانها راجح داوود من القلائل اللي بيحول الموسيقي الى حالة وجدانية بكل ابعادها وبيدخلك في عمق الموضوع مش تصوير للمشهد ويبسطلك الصورة من الموسيقي وصولا للهدف اللي العمل اتكتب ليه راجح داوود حالة نادرة جدا واللحانه مبسطه جدا بالرغم من انه ليه تيمه واحده ثابته فى كل اعماله لكن بيقدر يطورها ويقدمها بشكل يتناسب من العمل الفني ودي اللحان مميزة جدا ليه زى كيف الحال وخلطة فوزية وارض الاحلام الكيت كات .

مدرسة خالد حماد

مدرسة خالد حماد مدرسة مباشرة وبسيطة جدا بيقدر بسرعة يخليك تعيش الحالة العاطفية جوة المشهد بيقدر بخليك تحس المشهد ويسيطر على مشاعرك ويداعبها بسهولة جدا يقدر يرسم تعابير مباشرة جدا على وشك زي تعبيرات القائم على المشهد ويخترق ودنك وبنقلك جوه المشهد ويخليك تسمع المقطوعه بعنيك مش بودنك بس بيقدر بالموسيقي بتاعته ياخدك للكل صور المشاعر جوة المشهد وبيقدر ينتقل جوه المقطوعة بكذا صورة زي مثلا الحزن بيقدر بالموسيقي يجسدها حزن عميق حزن هادئ فرح وسعادة غضب ويأٍس باختصار مدرسة خالد حماد رومانسية جدا وعاطفية جدا ومن اعماله اوان الورد خاص جدا العراف

مدرسة تامر كروان

مدرسة تامر كروان هي تعتبر موسيقي ثلاثية الابعاد لاسباب كتير منها ان موسيقي تامر كروان بتوصلك بسرعة للزمان والمكان جوا المشهد ببساطة بتشعر كمتلقي للعمل بانك في ملحمة درامية مش عمل مكتوب وبتشوفه لا كأنك بالظبط عايش الفترة دى بكل حالة فيها موسيقي تامر كروان بتتميز بانها ليها طبقات متداخلة طبقة وتريات كناية عن البعد الزمني وطبقة تانية متداخلة وبيتجلي فيها الكمان بيظهر فجأة بتاخد جرعة بالحالة المكمونة داخل العمل الفني عادة لما تسمع تامر كروان بتحس ان انت البطل وانك مكان الشخصية لانه بيلمس بالموسيقي بتاعته حته جواك تامر كروان صادق جدا في الحانه

]]> https://mafysh.ballistichq.com/%d8%a7%d8%b1%d8%a8%d8%b9-%d9%85%d8%af%d8%a7%d8%b1%d8%b3-%d9%84%d9%84%d9%85%d9%88%d8%b3%d9%8a%d9%82%d9%89-%d8%a7%d9%84%d8%aa%d8%b5%d9%88%d9%8a%d8%b1%d9%8a%d8%a9-%d9%81%d9%8a-%d9%85%d8%b5%d8%b1/feed/ 1